ବିପଦ ସାଜିଲା ବୋରୱେଲ୍ ଗାତ, ୯ ଘଣ୍ଟା ଯାଏ ଫସି ରହିଲା ୫ ବର୍ଷର ଶିଶୁ...

ପୁଣି ବିପଦ ସାଜିଲା ବୋରୱେଲ୍ ଗାତ । ଶୀତୁଆ ରାତିରେ ୩୦ ଫୁଟ୍ ଗଭୀର ଗର୍ତ୍ତ ଭିତରେ ୯ ଘଣ୍ଟା ଧରି ଫସି ରହିଲା ୫ ବର୍ଷର ଶିଶୁକନ୍ୟା । ମଧ୍ୟପ୍ରଦେଶର ରାଜଗଡ଼ ଜିଲ୍ଲା ପିପିଲିୟା ରସୋଡ଼ା ଗାଁରେ ଏହି ଘଟଣା ଘଟିଛି । 

ବିଳମ୍ବିତ ରାତି ଯାଏ ରେସ୍କ୍ୟୁ ଅପରେସନ ଚାଲିଥିବା ବେଳେ ଶେଷରେ ଦୀର୍ଘ ୯ ଘଣ୍ଟାରୁ ଅଧିକ ସମୟ ପରେ ଶିଶୁକନ୍ୟାକୁ ଉଦ୍ଧାର କରାଯାଇଛି । ସୂଚନା ଅନୁସାରେ, ୫ ବର୍ଷୀୟା ମାହି ଗତକାଲି ସନ୍ଧ୍ୟା ପ୍ରାୟ ୫ଟା ବେଳେ ଏକ ୩୦ ଫୁଟ ଗଭୀର ବୋରୱେଲ ଗର୍ତ୍ତ ଭିତରେ ଖସି ପଡ଼ିଥିଲା । 

#ପୁଣି_ବିପଦ_ସାଜିଲା_ବୋରୱେଲ୍_ଗର୍ତ୍ତ
୩୦ ଫୁଟିଆ ଗର୍ତ୍ତରେ ୯ ଘଣ୍ଟା ଫସିରହିଲା ୫ ବର୍ଷର ଶିଶୁକନ୍ୟା….ମଧ୍ୟପ୍ରଦେଶ ରାଜଗଡ଼ ଜିଲ୍ଲା ପିପିଲିୟା ରସୋଡ଼ାରେ ଅଘଟଣ…ବିଳମ୍ବିତ ରାତିରେ ଉଦ୍ଧାର ହେଲା ୫ ବର୍ଷୀୟା ମାହି…#MadhyaPradesh #Borewell #OTV pic.twitter.com/m84i0ChKNM

— ଓଟିଭି (@otvkhabar) December 6, 2023

ଏ ସଂପର୍କରେ ଖବର ପାଇ SDRF ଓ NDRF ଟିମ୍ ସହ ଘଟଣାସ୍ଥଳରେ ସ୍ଥାନୀୟ ଜିଲ୍ଲାପାଳ ପହଞ୍ଚିଥିଲେ । ଏହାପରେ ଆରମ୍ଭ ହୋଇଥିଲା ଉଦ୍ଧାର କାର୍ଯ୍ୟ । ଦୀର୍ଘ ୯ ଘଣ୍ଟାରୁ ଅଧିକ ସମୟର କସରତ ପରେ ରାତି ୨ଟା ୩୦ରେ ସୁରକ୍ଷିତ ଉଦ୍ଧାର ହୋଇଥିଲା ୫ ବର୍ଷୀୟା ମାହି ।

OTV is now on Whatsapp

Join and get latest news update delivered to you via whatsapp

Join Now