Red Fort: ସୁରକ୍ଷା ବ୍ୟବସ୍ଥାରେ ଢିଲା, ଲାଲ କିଲ୍ଲାରେ ଜବରଦସ୍ତି ପ୍ରବେଶ କରିବାକୁ ଉଦ୍ୟମ, ୫ ବାଂଲାଦେଶୀ ଗିରଫ

ଆଗକୁ ସ୍ୱାଧୀନତା ଦିବସ ଆସୁଥିବା ବେଳେ ରାଜଧାନୀ ଦିଲ୍ଲୀରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଉଛି। ଏହାରି ମଧ୍ୟରେ ଲାଲକିଲ୍ଲା ପରିସରକୁ ଜବରଦସ୍ତ ପ୍ରବେଶ କରିବାକୁ ଚେଷ୍ଟା କରୁଥିବା ପାଞ୍ଚ ଜଣ ବାଂଲାଦେଶୀ ଅବୈଧ ପ୍ରବାସୀଙ୍କୁ ଗିରଫ କରିଛନ୍ତି।

ଦିଲ୍ଲୀ ପୋଲିସର କହିବା ଅନୁଯାୟୀ, ଲାଲକିଲ୍ଲାର ପ୍ରବେଶ କେନ୍ଦ୍ର ନିକଟରେ ଏକ ପୋଲିସ ଟିମ ଦ୍ୱାରା ଏହି ଗିରଫ କରାଯାଇଛି। ୨୦ ରୁ ୨୫ ବର୍ଷ ବୟସର ଏହି ବ୍ୟକ୍ତିମାନେ ନିୟମିତ ଯାଞ୍ଚ ସମୟରେ ବୈଧ ପ୍ରବେଶ ପାସ ଦେଖାଇ ପାରିନଥିଲେ ଏବଂ ସେମାନେ ଦେଶରେ ଅବୈଧ ଭାବେ ରହୁଥିବା ଜଣାପଡ଼ିଥିଲା।

ଉତ୍ତର ଜିଲ୍ଲାର ଡେପୁଟି କମିଶନର ଅଫ ପୋଲିସ, ରାଜା ବନ୍ଥିୟା, କହିଛନ୍ତି ଯେ ଏହି ପାଞ୍ଚ ଜଣଙ୍କୁ ଅଗଷ୍ଟ ୪ ତାରିଖରେ ପୋଲିସ କର୍ମଚାରୀମାନେ ଅଟକାଇଥିଲେ। ପଚାର ଉଚରେ ସମୟରେ ଜଣାପଡ଼ିଥିଲା ଯେ ସେମାନେ ପ୍ରାୟ ତିନିରୁ ଚାରି ମାସ ପୂର୍ବେ ଅବୈଧ ଭାବେ ଭାରତକୁ ପ୍ରବେଶ କରିଥିଲେ ଏବଂ ଦିଲ୍ଲୀରେ ଶ୍ରମିକ ଭାବେ କାମ କରୁଥିଲେ। ସେମାନେ ଦାବି କରିଥିଲେ ଯେ ସେମାନେ ଜାଣି ନଥିଲେ ଯେ ଜୁଲାଇ ୧୫ ତାରିଖଠାରୁ ଲାଲକିଲ୍ଲା ସାଧାରଣ ଜନତା ପାଇଁ ବନ୍ଦ ରହିଛି। ସେମାନଙ୍କଠାରୁ ବାଂଲାଦେଶୀ ଡକ୍ୟୁମେଣ୍ଟ ଜବତ କରାଯାଇଥିଲା, କିନ୍ତୁ ସେମାନଙ୍କ ନିକଟରୁ କୌଣସି ସନ୍ଦେହଜନକ ସାମଗ୍ରୀ ମିଳିନଥିଲା।

ଅଗଷ୍ଟ ୧୫ ତାରିଖରେ ୭୮ତମ ସ୍ୱାଧୀନତା ଦିବସ ଉତ୍ସବ ପୂର୍ବରୁ ରାଜଧାନୀରେ ସୁରକ୍ଷା କଡ଼ାକଡ଼ି ମଧ୍ୟରେ ଏହା ଘଟିଛି। ଦିଲ୍ଲୀ ପୋଲିସ ବିଶେଷ କରି ସମ୍ବେଦନଶୀଳ ସ୍ଥାନ ନିକଟରେ ରହୁଥିବା ଅବୈଧ ପ୍ରବାସୀଙ୍କୁ ଚିହ୍ନଟ କରି ଦେଶାନ୍ତର କରିବା ପାଇଁ ଏକ ବିଶେଷ ଅଭିଯାନ ଆରମ୍ଭ କରିଛି।

ଅଧିକ ପଢନ୍ତୁ: ପାରାମାନଙ୍କୁ ଖାଇବାକୁ ଦେବା ପଡିଲା ମହଙ୍ଗା, ପ୍ରଥମ ମାମଲା ରୁଜୁ