କମଲା ବିଲ୍ଡିଂରେ କେମିତି ଲାଗିଲା ନିଆଁ ? ତଦନ୍ତ କରିବ ୪ ଜଣିଆ ଟିମ୍‌

ମୁମ୍ବାଇ କମଲା ବିଲ୍ଡିଂ ଅଗ୍ନିକାଣ୍ଡର ତଦନ୍ତ ହେବ । ବ୍ରିହନ ମୁମ୍ବାଇ ମହାନଗର ନିଗମ ପକ୍ଷରୁ ପୁରା ଘଟଣାର ତଦନ୍ତ କରାଯିବ । ଡେପୁଟି ମୁନିସିପାଲ୍ କମିଶନର୍ଙ୍କ ଅଧ୍ୟକ୍ଷତାରେ ୪ ଜଣିଆ ଟିମ୍ ଏହି ତଦନ୍ତ କରିବେ ।

୧୫ ଦିନ ଭିତରେ ଘଟଣାର ତଦନ୍ତ କରି ସବିଶେଷ ରିପୋର୍ଟ ଦିଆଯିବ । ବିଲ୍ଡିଂରେ କିପରି ନିଆଁ ଲାଗିଲା ? ଅଗ୍ନିକାଣ୍ଡର କାରଣ କଣ ? ଅଗ୍ନିକାଣ୍ଡ ପରେ ରେସ୍କ୍ୟୁ ଅପରେସନ୍ କିପରି ହୋଇଥିଲା ସେ ସବୁ ଉପରେ ତଦନ୍ତ କରାଯିବ ।

ଗତକାଲି ମୁମ୍ବାଇ ୨୦ ମହଲା କୋଠାରେ ଅଗ୍ନିକାଣ୍ଡ ଘଟିଥିଲା । ଟାର୍ଡେଓ ଅଞ୍ଚଳରେ ଥିବା କମଲା ବିଲ୍ଡିରେ ନିଆଁ ଲାଗିବା ହେତୁ ନିଆଁକୁ ଆୟତ୍ତ କରିବାକୁ ପ୍ରାୟ ୧୫ରୁ ଅଧିକ ଦମକଳ ଗାଡ଼ି ନିୟୋଜିତ ହୋଇଥିଲେ ।

ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିବାବେଳେ ଘଟଣାରେ ୬ ଜଣଙ୍କ ଜୀବନ ଯାଇଛି । ୨୩ ଜଣଙ୍କ ଅବସ୍ଥା ଏବେ ବି ଗୁରୁତର ରହିଥିବା ଜଣାପଡିଛି । ଅଗ୍ନିକାଣ୍ଡ ପରେ ଧୂଆଁ ଯୋଗୁଁ ଏକାଧିକ ଲୋକେ ଶ୍ୱାସଜନିତ ସମସ୍ୟା ଭୋଗୁଛନ୍ତି ।

ତେବେ କାହିଁକି ଏବଂ କିପରି ଭାବରେ ଏହି ଅଗ୍ନିକାଣ୍ଡ ଘଟିଛି ମୁମ୍ବାଇ ମହାନଗର ନିଗମ ପକ୍ଷରୁ ତାହାର ତଦନ୍ତ କରାଯିବ । ଡେପୁଟି ମୁନିସିପାଲ୍ କମିଶନଙ୍କ ଅଧ୍ୟକ୍ଷତାରେ ୪ ଜଣିଆ ଟିମ୍ ଏହି ତଦନ୍ତ କରି ୧୫ ଦିନ ଭିତରେ ଘଟଣାର ତଦନ୍ତ କରି ସବିଶେଷ ରିପୋର୍ଟ ଦିଆଯିବାର ନିର୍ଦ୍ଦେଶ ଦିଆଯାଇଛି ।