ଆକାଶରୁ ଖସିଲା ମୃତ୍ୟୁ, ନେଇଗଲା ୩୩ ଜୀବନ

ଆକାଶରୁ ଖସିଲା ମୃତ୍ୟୁ। ନେଇଗଲା ୩୩ ଜୀବନ। ବଜ୍ରପାତରେ ବିହାରରେ ୩୩ ଜଣଙ୍କ ମୃତ୍ୟୁ ହୋଇଛି। ୧୬ ଜିଲ୍ଲାରୁ ଏହି ଅଘଟଣ ଖବର ଆସିଛି। ଘଟଣାକୁ ନେଇ ମୁଖ୍ୟମନ୍ତ୍ରୀ ନୀତିଶ କୁମାର ଶୋକ ପ୍ରକାଶ କରିବା ସହ ମୃତକଙ୍କ ପରିବାରକୁ ୪ ଲକ୍ଷ ଟଙ୍କା ଲେଖାଏ ଅନୁକମ୍ପାମୂଳକ ସହାୟତା ପ୍ରଦାନ କରିବାକୁ ଘୋଷଣା କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଘଟଣାକୁ ନେଇ ଗଭୀର ଶୋକ ପ୍ରକାଶ କରିଛନ୍ତି। 

ସୂଚନାଥାଉ କି, ଗୁରୁବାର ଦିନ ବିହାରରେ ଝଡ଼ତୋଫାନ ଓ ବଜ୍ରପାତରେ ଭାଗଲପୁରରେ ୭ ଜଣ, ମୁଜାଫରପୁରରେ ୬ ଜଣ, ସାରଣରେ ୩ ଜଣ, ଲଖିସରାୟରେ ୩ ଜଣ, ମୁଙ୍ଗେରରେ ୨ ଜଣ, ସମସ୍ତିପୁରରେ ୨ ଜଣ, ଜହାନାବାଦ, ଖଗଡିଆ, ନାଳନ୍ଦା, ପୂର୍ଣ୍ଣିଆ, ବାଙ୍କା, ବେଗୁସରାୟ, ଅରରିୟା, ଜମୁଇ, କଟିହାର ଓ ଦରଭଙ୍ଗାରେ ଜଣେ ଲେଖାଏ ବ୍ୟକ୍ତିଙ୍କ ମୃତ୍ୟୁ ଘଟିଛି। 

बिहार के कई जिलों में आंधी एवं बिजली गिरने की घटनाओं में कई लोगों की मृत्यु से अत्यंत दुख हुआ है। ईश्वर शोक-संतप्त परिवारों को इस अपार दुख को सहने की शक्ति दे। राज्य सरकार की देखरेख में स्थानीय प्रशासन राहत और बचाव कार्य में तत्परता से जुटा है।

— Narendra Modi (@narendramodi) May 20, 2022

राज्य के 16 जिलों में आंधी एवं वज्रपात से 33 लोगों की मृत्यु दुःखद। मृतकों के आश्रितों को तत्काल 4-4 लाख रु० अनुग्रह अनुदान देने तथा आंधी एवं वज्रपात से हुई गृह क्षति एवं फसल क्षति का आकलन कर प्रभावित परिवारों को जल्द से जल्द सहायता राशि उपलब्ध कराने का निर्देश भी दिया गया। (1/2)

— Nitish Kumar (@NitishKumar) May 20, 2022

ଯେଉଁସବୁ ଚାଷୀଙ୍କ ଚାଷ କ୍ଷତିଗ୍ରସ୍ତ ହୋଇଛି କ୍ଷୟକ୍ଷତି ନେଇ ତଦନ୍ତ ପରେ ଚାଷୀଙ୍କୁ ସହାୟତା ପ୍ରଦାନ କରାଯିବ ବୋଲି ମୁଖ୍ୟମନ୍ତ୍ରୀ କହିଛନ୍ତି। ଏହାସହ ଖରାପ ପାଣିପାଗରେ ବାହାରକୁ ନବାହାରିବା ପାଇଁ ମୁଖ୍ୟମନ୍ତ୍ରୀ ନୀତିଶ କୁମାର ଲୋକମାନଙ୍କୁ ପରାମର୍ଶ ଦେଇଛନ୍ତି। ପାଣିପାଗ ବିଭାଗର ସତର୍କ ସୂଚନା ମାନି ଘରେ ସୁରକ୍ଷିତ ଭାବେ ରହିବାକୁ ସେ ପରାମର୍ଶ ଦେଇଛନ୍ତି।