Joyride Malfunction in Chennai: ୫୦ ଫୁଟ ଉଚ୍ଚରେ ଝୁଲି ରହିଲେ ୩ ଘଣ୍ଟା; ଆଉ ତା’ପରେ ଘଟିଲା ଏମିତି, ଦେଖନ୍ତୁ VIDEO

ସାଧାରଣତଃ ସମସ୍ତେ ପାର୍କକୁ ଯାଇଥାଆନ୍ତି ମଜା ମସ୍ତି କରିବା ଓ ଆନନ୍ଦ ଉଠାଇବା ପାଇଁ । ହେଲେ ଏହି ଆନନ୍ଦ ଯଦି ଜୀବନକୁ ବିପଦରେ ପକାଇବ ତାହାଲେ ସେହି ଆନନ୍ଦ ପାଣି ଫୋଟକା ପରି ମିଳାଇଯାଏ । ତାମିଲନାଡୁର ଏକ ଆମ୍ୟୁଜମେଣ୍ଟ ପାର୍କରେ ଜଏରାଇଡ କାମ ନ କରିବା ଫଳରେ ୫୦ ଫୁଟ ଉଚ୍ଚତାରେ ୩୦ ଜଣ ଲୋକ ଝୁଲି ରହିବାର ଘଟଣା ସାମନାକୁ ଆସିଛି । ଏହି ଘଟଣା ଚେନ୍ନାଇର ଇଷ୍ଟ କୋଷ୍ଟ ରୋଡରେ ଥିବା ଏକ ପାର୍କରେ ଘଟିଛି । ଫସି ରହିଥିବା ଜଏରାଇଡରେ ବହୁ ଜଣ ମହିଳା ଓ ଶିଶୁ ମଧ୍ୟ ଥିଲେ ।

Thirty people, including eight children and ten women, were trapped mid-air for nearly three hours after a roller coaster malfunctioned at a private amusement park on East Coast Road (ECR) in Injambakkam on Monday. All were rescued safely by Fire and Rescue Services personnel. pic.twitter.com/OjlH0U7QHs

— A Selvaraj (@Crime_Selvaraj) May 27, 2025

ଅଧିକ ପଢ଼ନ୍ତୁ: ଦେଶ ଭକ୍ତି ପାଇଁ ବାଧା ଦିଏନି ବୟସ; ପ୍ରମାଣିତ କଲେ କୁନି ଯୋଦ୍ଧା

ଏହି ଜଏରାଇଡର ନାମ ‘ଟପ ଗନ’ ହୋଇଥିବା ବେଳେ ଗତ କାଲି ସନ୍ଧ୍ୟା ୬ଟା ବେଳେ ଏହି ରାଇଡର ଡାହାଣ ପଟ ଇଞ୍ଜିନରେ ବହୁତ ଜୋରରେ ଏକ ଶବ୍ଦ ହୋଇଥିଲା । ତାପରେ ଆକାଶ ମଝିରେ ହିଁ ଝୁଲି ରହିଲା । ଯାହାକୁ ନେଇ ଯାତ୍ରୀମାନେ ଅତ୍ୟନ୍ତ ଭୟଭୀତ ଅବସ୍ଥାରେ ଥିଲେ । ଏହା ପରେ ରାତି ୯.୩୦ରେ ଉଦ୍ଧାରକାରୀ ଦଳ ପହଞ୍ଚି ସେମାନଙ୍କୁ ଉଦ୍ଧାର କରିଥିଲେ । ପ୍ରାୟ ସାଢେ ୩ ଘଣ୍ଟା ପର୍ଯ୍ୟନ୍ତ ଯାତ୍ରୀମାନେ ସେମିତି ଆକାଶରେ ଝୁଲି ରହିଥିଲେ । ଯାତ୍ରୀମାନେ ଅତ୍ୟନ୍ତ ଭୟଭୀତ ଅବସ୍ଥାରେ ନିଜ ନିଜ ସ୍ଥାନରେ ବସି ରହିଥିଲେ । ଉଦ୍ଧାର କାର୍ଯ୍ୟ ଚାଲିବା ପର୍ଯ୍ୟନ୍ତ ଫସି ରହିଥିବା ଯାତ୍ରୀମାନଙ୍କୁ ପାଣି ଓ ବିସ୍କୁଟ ଦେଇଥିଲେ । ପ୍ରଥମେ ସିଡିରେ ସେମାନଙ୍କୁ ଉଦ୍ଧାର କରିବାକୁ ଚେଷ୍ଟା କରାଯାଇଥିଲା । ହେଲେ ବିଫଳ ହେବାରୁ ସ୍କାଏ ଲିଫ୍ଟ ସାହାଯ୍ୟରେ ସେମାନଙ୍କୁ ତଳକୁ ଅଣାଗଲା । 

ଅଧିକ ପଢ଼ନ୍ତୁ: କେଶ ପ୍ରତିରୋପଣ ସର୍ଜରୀ କଲେ ଦାନ୍ତ ଡାକ୍ତର; ଚାଲିଗଲା ଦୁଇ ଇଞ୍ଜିନିୟରଙ୍କ ଜୀବନ