କଶ୍ମୀରରେ ସେନା ଗାଡ଼ିକୁ ଆତଙ୍କୀଙ୍କ ଗୁଳିମାଡ଼; ୩ ଯବାନ ସହିଦ

କାଶ୍ମୀରରେ ପୁଣି ଆତଙ୍କୀ ହମଲା । କଶ୍ମୀର ରଜୌରୀରେ ଆତଙ୍କବାଦୀ ହମଲାରେ ୩ ଯବାନ ସହିଦ ହୋଇଛନ୍ତି । ସୁରକ୍ଷାକର୍ମୀଙ୍କ ଗାଡ଼ିକୁ ଘେରି ଗୁଳିମାଡ଼ କଲେ ଆତଙ୍କବାଦୀ । ଆକ୍ରମଣରେ ଆଉ ୩ ଯବାନ ଗୁରୁତର ଆହତ ସୂଚନା ମିଳିଛି । ଆମ୍ବୁସ ଲଗାଇ ସେନା ଗାଡ଼ିକୁ ଆକ୍ରମଣ କଲେ ଆତଙ୍କୀ ।

ଆର୍ମିର ସୂଚନାନୁଯାୟୀ ଏହି ଆକ୍ରମଣରେ ୩ ଯବାନ ପ୍ରାଣ ହରାଇଥିବା ବେଳେ ଆଉ ତିନିଜଣ ଆହତ ହୋଇଛନ୍ତି । ଦିନ ୩.୪୫ ମିନିଟ୍‌ରେ ଆତଙ୍କବାଦୀ ଯବାନଙ୍କ ଗାଡ଼ି ଉପରେ ଗୁଳିଚାଳନା କରିଥିଲେ ।

ବୁଧବାର ପୁଞ୍ଚରେ ଥିବା ଗୋଟିଏ ପୋଲିସ୍‌ ୟୁନିଟର କ୍ୟାମ୍ପସ ଭିତରେ ବିସ୍ଫୋରଣ କରାଯାଇଥିଲା । ଏଥିରେ କେହି ମୃତାହତ ହୋଇ ନଥିଲେ ହେଁ ପାର୍କିଂ ହୋଇଥିବା ଗାଡ଼ି କ୍ଷତିଗ୍ରସ୍ତ ହୋଇଥିଲା । ଏହାର ତଦନ୍ତ ଚାଲିଥିବା ବେଳେ ଏବେ ଆତଙ୍କବାଦୀଙ୍କ ଆମ୍ବୁସ ଖବର ସାମ୍ନାକୁ ଆସିଛି ।