LIVE TV
ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁଙ୍କର ସାଧାରଣ ସଭାରେ ପୁଣି ଦଳାଚକଟା । ଏଥିରେ ୩ ଜଣଙ୍କ ମୃତ୍ୟୁ ହୋଇଥିବାବେଳେ ଅନେକ ଆହତ ହୋଇଛନ୍ତି । ଗତ ୨୮ ତାରିଖରେ ନେଲୋର ପରେ ଗତକାଲି ଗୁଣ୍ଟୁରରେ ଘଟିଛି ଏହି ଅଘଟଣ ।
ମିଳିଥିବା ସୂଚନା ଅନୁଯାୟୀ ରାସନ କିଟ୍ ବଣ୍ଟନବେଳେ ପ୍ରବଳ ଜନସମାଗମ ହୋଇଥିଲା । ଏହି କାର୍ଯ୍ୟକ୍ରମରୁ ଚନ୍ଦ୍ରବାବୁ ନାଇଡ଼ୁ ଚାଲିଯିବା ପରେ ଦଳାଚକଟା ଆରମ୍ଭ ହୋଇଥିଲା । ଯେଉଁଥିରେ ୩ ଜଣଙ୍କ ମୃତ୍ୟୁହୋଇଛି, ଅନେକ ଲୋକ ଆହତ ମଧ୍ୟ ହୋଇଛନ୍ତି । ଆହତଙ୍କୁ ସ୍ଥାନୀୟ ଜେନେରାଲ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରଯାଉଛି ।
Also Read
ତେଲଗୁ ଦେଶମ ପାର୍ଟି ପକ୍ଷରୁ ଆୟୋଜିତ ଏକ ସାଧାରଣ ସଭାରେ ଏହି କିଟ୍ ବଣ୍ଟନ କାର୍ଯ୍ୟକ୍ରମ ହୋଇଥିଲା । ଆଉ ଏହି କାର୍ଯ୍ୟକ୍ରମରେ ଅଘଟଣ ଘଟିଛି । ଗତ ୨୮ ତାରିଖରେ ମଧ୍ୟ ନାଇଡୁଙ୍କ ଏକ ସାଧାରଣ ସଭା ବେଳେ ଦଳାଚକଟା ହୋଇଥିଲା, ଯେଉଁଥିରେ ୮ ଜଣ ଟିଡିପି କର୍ମୀ ପ୍ରାଣ ହରାଇଥିଲେ... ।
#ନୂଆବର୍ଷରେ_ଦଳାଚକଟା
— ଓଟିଭି (@otvkhabar) January 1, 2023
ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ସାଧାରଣ ସଭାରେ ଦଳାଚକଟା । ୩ ଜଣଙ୍କର ମୃତ୍ୟୁ ଘଟିଥବା ବେଳେ ଅନେକ ଆହତ ହୋଇଛନ୍ତି । ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି #ChandrababuNaidu #PublicMeeting #Guntur #AndhraPradesh pic.twitter.com/v2blw6742z
ଜଣେ ପୋଲିସ ଅଧିକାରୀଙ୍କ ସୂଚନା ଅନୁସାରେ, ଆୟୋଜକମାନେ ଶାଢ଼ୀ ସମେତ ଉପହାର ବଣ୍ଟନ କରିବା ମାତ୍ରେ ଲୋକଙ୍କ ଭିଡ଼ ଜମିଯାଇଥିଲା । ଫଳରେ ବ୍ୟାରିକେଡ ଭାଙ୍ଗି ପଡ଼ିଥିଲା, ଆଉ ଏଥିପାଇଁ ଦଳାଚକଟା ଆରମ୍ଭ ହୋଇଯାଇଥିଲା ।
ଅନ୍ୟପଟେ ଏହି ଘଟଣାକୁ ନେଇ ଦୁଃଖ ପ୍ରକାଶ କରି ମୁଖ୍ୟମନ୍ତ୍ରୀ ୱାଇଏସ୍ ଜଗନମୋହନ ରେଡ୍ଡୀ । ସେ କହିଛନ୍ତି, ମୃତକଙ୍କ ପରିବାରଙ୍କ ପାଇଁ ସରକାର ଅଛନ୍ତି । ସେ ବର୍ତ୍ତମାନ ଆହତ ମାନଙ୍କ ଚିକିତ୍ସା ପାଇଁ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଜାରି ଏକ ପ୍ରେସ ବିଜ୍ଞପ୍ତି ଅନୁଯାୟୀ, ସରକାର ମୃତକଙ୍କ ସମ୍ପର୍କୀୟଙ୍କୁ ପ୍ରତ୍ୟେକ ୨ ଲକ୍ଷ ଟଙ୍କା ଏବଂ ଆହତଙ୍କୁ ୫୦,୦୦୦ ଟଙ୍କା ଅନୁକମ୍ପା ରାଶି ଘୋଷଣା କରିଛନ୍ତି।
