LIVE TV
ରେଲୱେରେ ରୋଜଗାର କ୍ଷେତ୍ରରେ ନିଆଯାଇଛି ଐତିହାସିକ ପଦକ୍ଷେପ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ବଡ଼ ପଦକ୍ଷେପ ନିଆଯାଇଛି ବୋଲି କହିଛନ୍ତି ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ । ପ୍ରଥମ ଓ ଦ୍ୱିତୀୟ କ୍ୱାଟରରେ ୪୫ ହଜାର ଖାଲିପଦ ପାଇଁ ରୋଜଗାର ବିଜ୍ଞପ୍ତି ପ୍ରକାଶ ପାଇଛି । ପୂର୍ବଥର ଏକ ଲକ୍ଷ ୫୪ ହଜାର ଲୋକଙ୍କୁ ରେଲୱେ ରୋଜଗାର ଚାକିରି ଦେଇଛି ବୋଲି ଅଶ୍ୱିନୀ ବୈଷ୍ଣବ କହିଛନ୍ତି ।
ରେଲୱେରେ ଚାକିରି କରିବାକୁ ଚାହୁଁଥିବା ପ୍ରାର୍ଥୀଙ୍କ ପାଇଁ ଖୁସି ଖବର । ୪୫ ହଜାରରୁ ଅଧିକ ପଦ ପାଇଁ ନିଯୁକ୍ତି ବିଜ୍ଞପ୍ତି ପ୍ରକାଶ କରିଛି ରେଳୱେ । ଆଗକୁ ମଧ୍ୟ ଅନେକ ପୋଷ୍ଟ ପାଇଁ ନିଯୁକ୍ତି ବିଜ୍ଞପ୍ତି ପ୍ରକାଶ ପାଇବ । ଏନେଇ ସୂଚନା ଦେଇଛନ୍ତି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ । କେନ୍ଦ୍ର କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ ପରେ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ବଡ଼ ଘୋଷଣା କରିଛନ୍ତି । ସାମ୍ବାଦିକ ସମ୍ମିଳନୀରେ ରେଳମନ୍ତ୍ରୀ କହିଛନ୍ତି, "ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏକ ଐତିହାସିକ ପଦକ୍ଷେପ ନେଇଛନ୍ତି । ରେଳବାଇ ନିଯୁକ୍ତି ଏକ ଉପଯୁକ୍ତ କ୍ୟାଲେଣ୍ଡର ମାଧ୍ୟମରେ କରିବାନେଇ ଦୀର୍ଘ ବର୍ଷର ଦାବି ରହିଥିଲା । ଯାହାକୁ ପୂରଣ କରିବା ସହ ରେଳୱେ ନିଯୁକ୍ତିକୁ ବ୍ୟବସ୍ଥିତ କରିଛନ୍ତି ସରକାର ।"
ଅଧିକ ପଢ଼ନ୍ତୁ: ଓଡ଼ିଶାର ଦୁଇ ନୂଆ ରେଳ ଲାଇନକୁ ମଞ୍ଜୁରୀ, କେନ୍ଦ୍ର କ୍ୟାବିନେଟ ମାରିଲା ମୋହର
Also Read
ରେଳମନ୍ତ୍ରୀ ଆହୁରି ମଧ୍ୟ କହିଛନ୍ତି, "ଚଳିତ ବର୍ଷ ପ୍ରଥମ ଓ ଦ୍ୱିତୀୟ କ୍ୱାଟରରେ ପ୍ରାୟ ୪୫ ହଜାର ଖାଲିପଦ ପାଇଁ ନିଯୁକ୍ତି ବିଜ୍ଞପ୍ତି ପ୍ରକାଶ ପାଇଛି । ଗତ ନିଯୁକ୍ତି ସାଇକେଲରେ ୧ ଲକ୍ଷ ୫୪ ହଜାର ଲୋକଙ୍କୁ ନିଯୁକ୍ତି ଦିଆଯାଇଛି । ଦୁଇ କୋଟିରୁ ଅଧିକ ଆଶାୟୀ ଏଥିପାଇଁ ଆବେଦନ କରିଥିଲେ । ସଂପୂର୍ଣ୍ଣ ସ୍ୱଚ୍ଛତାର ସହ ପରୀକ୍ଷା ହୋଇଥିଲା । ଏଥର ମଧ୍ୟ ସଂପୂର୍ଣ୍ଣ ସ୍ୱଚ୍ଛତାର ସହ ପରୀକ୍ଷା ହେବ ।"
ରେଲୱେ ନିଯୁକ୍ତି କ୍ୟାଲେଣ୍ଡରକୁ ନେଇ ପ୍ରଶ୍ନରେ ରେଳମନ୍ତ୍ରୀ କହିଛନ୍ତି, ନିଯୁକ୍ତି ବିଜ୍ଞପ୍ତିକୁ ୪ଟି ବର୍ଗରେ ବିଭକ୍ତ କରାଯାଇଛି । ଜାନୁଆରୀରୁ-ମାର୍ଚ୍ଚ ପ୍ରଥମ କ୍ୱାଟରରେ ଲୋକୋ ପାଇଲଟ୍, ଦ୍ୱିତୀୟ କ୍ୱାଟରରେ ଟେକ୍ନିସିଆନ ଓ ଜୁନିୟର ଇଞ୍ଜିନିୟର ଭଳି ପଦ ପାଇଁ ଓ ତୃତୀୟ କ୍ୱାଟରରେ ନନ୍ ଟେକ୍ନିକାଲ ଖାଲିପଦ ପାଇଁ ନିଯୁକ୍ତି ବିଜ୍ଞପ୍ତି ପ୍ରକାଶ ପାଉଛି । ଚତୁର୍ଥ କ୍ୱାଟରରେ ଲେଭଲ ୧ ଭର୍ତ୍ତି ପାଇଁ ନିଯୁକ୍ତି ବିଜ୍ଞପ୍ତି ବ୍ୟବସ୍ଥା କରାଯାଇଛି ।
ସେହପରି ୧୦ ବର୍ଷ ପୂର୍ବରୁ ରେଳୱେରେ ନିର୍ମାଣ କ୍ଷେତ୍ରରେ ପ୍ରତିଦିନ ହିସାବରେ ୪ କିମି ହେଉଥିଲା । ଏବେ ପାଖାପାଖି ୧୫ କିଲୋମିଟର ହେଉଛି ବୋଲି କହିଛନ୍ତି ଅଶ୍ୱିନୀ ବୈଷ୍ଣବ । ଗତବର୍ଷ ୫ ହଜାର ୩୦୦ କିଲୋମିଟର ରେଲୱେ ଲାଇନ ତିଆରି ହୋଇଛି ବୋଲି କହିଛନ୍ତି ।
#WATCH | On the Railways recruitment calendar, Union Minister Ashwini Vaishnaw says, "Railways has already advertised close to 45,000 vacancies in first and second quarter employment notifications. In the last recruitment cycle, 1,54,000 people were given jobs in the Railways." pic.twitter.com/FHQhQCvvOC
— ANI (@ANI) August 28, 2024
