ଭଗବାନ ଦର୍ଶନ ନୋହିଲା, ଧାଡ଼ିରେ ହିଁ ଚାଲିଗଲା ୧୧ ବର୍ଷିୟ ଝିଅର ଜୀବନ

କି ଦୁଃଖ ଦେଲା ଦଇବ । ଭଗବାନ୍‌ ଆୟପ୍ପାଙ୍କୁ ଦର୍ଶନ କରିବାକୁ ଆସି ସବୁଦିନ ପାଇଁ ଅଫେରା ଦୁନିଆକୁ ଚାଲିଗଲା କୁନି ଝିଅ । ତାମିଲନାଡୁର ଜଣେ ୧୧ ବର୍ଷିୟ ନାବାଳିକା ଶନିବାର ଦିନ ହୃଦଘାତରେ ପ୍ରାଣ ହରାଇଛନ୍ତି । କେରଳର ସାବରିମାଲା ମନ୍ଦିରରେ ଦର୍ଶନ ପାଇଁ ଲମ୍ବା ଧାଡିରେ ଅପେକ୍ଷା କରିଥିବା ବେଳେ ଏଭଳି ଏକ ହୃଦୟବିଦାକ ଘଟଣା ଘଟିଛି ।

ମୃତକ ତିନି ବର୍ଷ ବୟସରୁ ହୃଦରୋଗରେ ପୀଡ଼ିତ ଥିଲେ । ଘଟଣାଦିନ ମନ୍ଦିରରେ ପ୍ରବଳ ଭିଡ଼ ହୋଇଥିବା ବେଳେ ନାବାଳିକା ଜଣକ ଠେଲାପେଲାରେ ତଳେ ପଡ଼ିଯାଇଥିଲେ । ସେଠାରେ ସେ ବେହୋସ୍‌ ହୋଇଯିବାରୁ ତୁରନ୍ତ ହସ୍ପିଟାଲ ନିଆଯାଇଥିଲା । ହେଲେ ଦୁର୍ଭାଗ୍ୟ, ନାବାଳିକାଙ୍କୁ ମୃତ ଘୋଷଣା କରିଥିଲେ ଡାକ୍ତର ।

ବର୍ତ୍ତମାନ ସମୟରେ ସାବରିମାଲା ମନ୍ଦିରରେ ଭକ୍ତଙ୍କ ନାହିଁନଥିବା ଭିଡ଼ ଦେଖିବା ପାଇଁ ମିଳିଛି । କିଛି ଶ୍ରଦ୍ଧାଳୁ ଆୟାପ୍ପାଙ୍କ ଝଲକ ପାଇବା ପାଇଁ ୧୮ ଘଣ୍ଟା ପର୍ଯ୍ୟନ୍ତ ଅପେକ୍ଷା କରି ରହିଛନ୍ତି, ଆଉ କିଛି ଧାଡ଼ି ଭାଙ୍ଗୁଥିବାର ଦେଖିବାକୁ ମିଳୁଛି । ଦୀର୍ଘ ସମୟ ଅପେକ୍ଷା ହେତୁ ତୀର୍ଥଯାତ୍ରୀମାନେ ବ୍ୟାରିକେଡ ଭାଙ୍ଗି ପଶିବାକୁ ଚେଷ୍ଟା କରିଥିଲେ । ଫଳରେ ମନ୍ଦିର ଭିତରେ ଦଳାଚକଟା ସ୍ଥିତି ସୃଷ୍ଟି ହେଉଛି ।

ଅନ୍ୟପଟେ ଶ୍ରଦ୍ଧାଳୁଙ୍କ ଭିଡ଼କୁ ଦୃଷ୍ଟିରେ ରଖି ସରକାରଙ୍କ ପକ୍ଷରୁ ଗୁରୁତ୍ତ୍ୱପୂର୍ଣ୍ଣ ବୈଠକ ଡକାଯାଇଛି । ଭର୍ଚୁଆଲ ଧାଡ଼ି ବୁକିଂ ସୀମାକୁ ୧୦,୦୦୦ କୁ କମାଇବା ପାଇଁ ନିଷ୍ପତ୍ତି ହୋଇଛି । ପୂର୍ବରୁ ୯୦,୦୦୦ ଥିବାବେଳେ ଏହାକୁ ୮୦,୦୦୦ ହଜାରରେ ସୀମିତ ରଖାଯିବ ।