Cobra Bitten To Death: ଖେଳନା ଭାବି ନାଗ ସାପକୁ କାମୁଡ଼ି ମାରିଦେଲା ୩ ବର୍ଷର ଶିଶୁ, ନିଜେ ବେହୋସ ହୋଇଗଲା

ବିହାରର ପଶ୍ଚିମ ଚମ୍ପାରଣ ଜିଲ୍ଲାରେ ଏକ ଅଦ୍ଭୁତ ଘଟଣା ଘଟିଛି। ସେଠାରେ ଏକ ୩ ବର୍ଷର ଶିଶୁ ଗୋବିନ୍ଦ କୁମାର ଏକ ଜୀଅନ୍ତା ନାଗ ସାପକୁ କାମୁଡ଼ି ମାରି ଦେଇଥିବା ସ୍ଥାନୀୟ ଲୋକେ କହିଛନ୍ତି। ଯାହା ପରେ ଏହି ଶିଶୁକୁ ତାଙ୍କ ପରିବାର ଲୋକେ ବେଟିଆ ସହରର ସରକାରୀ ମେଡିକାଲ କଲେଜ ଓ ହସ୍ପିଟାଲରେ ନେଇ ଭର୍ତ୍ତି କରିଥିଲେ।

ହସ୍ପିଟାଲର ସୁପରିଣ୍ଟେଣ୍ଡେଣ୍ଟ ଦୁବାକାନ୍ତ ମିଶ୍ରଙ୍କ କହିବା ଅନୁଯାୟୀ, "ଗୋବିନ୍ଦ କୁମାର ଏକ ଜୀଅନ୍ତା ସାପକୁ ଚୋବାଇବା ପରେ ମୂର୍ଚ୍ଛା ହୋଇ ପଡ଼ିଥିଲେ। ଯାହା ଫଳରେ ଶିଶୁଟିକୁ ଗତକାଲି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରୁ ଏଠାକୁ ସ୍ଥାନାନ୍ତର କରାଯାଇଥିଲା।"

ପରିବାର ଲୋକେ କହିଛନ୍ତି ଯେ ସେ ମଝୌଲିଆ ବ୍ଲକର ମୋହଚ୍ଚୀ ବଙ୍କଟୱା ଗାଁରେ ଥିବା ତାଙ୍କ ଘରେ ସାପଟିକୁ ଧରିଥିଲେ। ତାଙ୍କ ଜେଜେମା ତାଙ୍କୁ ସାପ ସହିତ ଦେଖିଥିଲେ ଏବଂ ସେ ହସ୍ତକ୍ଷେପ କରିବା ପୂର୍ବରୁ ଶିଶୁଟି ସାପଟିକୁ କାମୁଡ଼ି ଦେଇଥିଲା। ସାପଟି ମରି ପଡ଼ିଥିଲା ଏବଂ ଶିଶୁଟି ମଧ୍ୟ ମୂର୍ଚ୍ଛା ହୋଇ ପଡ଼ିଥିଲା।

ସେ ଆହୁରି କହିଛନ୍ତି ଯେ ଶିଶୁଟିକୁ ଡାକ୍ତରମାନେ ଅବଜରଭେସନରେ ରଖିଛନ୍ତି। ଯଦି ଶିଶୁର ଶରୀରରେ କୌଣସି ବିଷକ୍ରିୟାର ଲକ୍ଷଣ ଦେଖା ଯାଏ, ତେବେ ବିଷ ନିରାକରଣ ପାଇଁ ଚିକିତ୍ସା ଆରମ୍ଭ ହେବ।

ଅଧିକ ପଢ଼ନ୍ତୁ: ଖେଳନା ଭାବି ନାଗ ସାପକୁ କାମୁଡି ମାରିଦେଲା ୩ ବର୍ଷର ବାଳକ, ଡାକ୍ତର କହିଲେ ଏହା ଆଶ୍ଚର୍ଯ୍ୟ ଓ ବିରଳ ଘଟଣା