ୱେବ୍‌ ପୋର୍ଟାଲ ଉପରେ ସୁପ୍ରିମ୍‌କୋର୍ଟ ଖପ୍ପା ! ମନଇଚ୍ଛା ଖବର ପ୍ରସାରଣ, ଦେଶକୁ ବଦ୍‌ନାମ କରିଥାନ୍ତା

ନୂଆଦିଲ୍ଲୀ: ନୂଆଦିଲ୍ଲୀରେ ଗତବର୍ଷ ଆୟୋଜିତ ହୋଇଥିଲା ତବଲିଗି ଜମାତ । ଆଉ ଏଥିପାଇଁ କରୋନା ସଂକ୍ରମଣ ବୃଦ୍ଧି ପାଇଥିଲା ବୋଲି ଏକ ମାମଲାର ଶୁଣାଣି ବେଳେ ୱେବ୍ ପୋର୍ଟାଲରେ ସମ୍ବାଦ ପରିବେଷଣ ଶୈଳୀକୁ ତୀବ୍ର ସମାଲୋଚନା କରିଛନ୍ତି ସୁପ୍ରିମକୋର୍ଟ । କୋର୍ଟ କହିଛନ୍ତି ଯେ, ୱେବ୍‌ ପୋର୍ଟାଲଗୁଡ଼ିକ ମନଇଛା କାମ କରୁଛନ୍ତି । ସେ କେବଳ କିଛି ପ୍ରଭାବଶାଳୀ ଲୋକଙ୍କ କଥା ଶୁଣନ୍ତି ଓ ତାଙ୍କ ଇସାରାରେ କାମ କରନ୍ତି ।

ୱେବ୍ ପୋର୍ଟାଲଗୁଡ଼ିକ ଏପରିକି ବିଚାରପତି ଓ ସଂସ୍ଥା ବିରୋଧରେ ମଧ୍ୟ ମନଇଛା ଲେଖି ଖବର ପରିବେଷଣ କରୁଛନ୍ତି ବୋଲି କୋର୍ଟ କହିଛନ୍ତି । ଗତବର୍ଷ ତବଲିଗି ଜମାତ ଯୋଗୁଁ କରୋନା ବ୍ୟାପିଲା ବୋଲି ଗଣମାଧ୍ୟମରେ ମନଇଛା ଖବର ପରିବେଷଣ କରାଗଲା । ଏପରିକି କିଛି ୱେବ୍ ପୋର୍ଟାଲ ସାଂପ୍ରଦାୟିକ ରଙ୍ଗ ଦେଇ ଖବର ପରିବେଷଣ କଲେ । ଏହାଦ୍ୱାରା ଦେଶ ବଦନାମ ହେବାର ଆଶଙ୍କା ଥିଲା ବୋଲି କୋର୍ଟ କହିଛନ୍ତି ।

Also Read

ପର୍ବ ପାଳନକୁ ହଁ, ଘରୁ ବାହାରିବାକୁ ନା

ନୟାନ୍ତ କଲାଣି ବର୍ଷା, ଯୁଆଡ଼େ ଦେଖିବ ଖାଲି ପାଣି ଆଉ ପାଣି

ଶୀତଳ ଯୁଦ୍ଧର ଅବସାନ: ହିବାତୁଲ୍ଲାଙ୍କ ନିର୍ଦେଶରେ ଚାଲିବ ସରକାର, ମୁଖ୍ୟ ସହଯୋଗୀ ରହିବେ ଘନି

ୟୁଟ୍ୟୁବ୍‌, ଫେସବୁକ୍ ଓ ଟ୍ୱିଟରକୁ ବ୍ୟବହାର କରି ୱେବ ପୋର୍ଟାଲଗୁଡ଼ିକ ଲଗାମଛଡ଼ା ହୋଇ ଖବର ପରିବେଷଣ କରୁଛନ୍ତି । ସେମାନଙ୍କର କୌଣସି ଉତ୍ତରଦାୟିତ୍ୱ ରହୁନାହିଁ ବୋଲି କୋର୍ଟ କହିଛନ୍ତି । ପ୍ରଧାନ ବିଚାରପତି ଜଷ୍ଟିସ ଏନ୍.ଭି. ରମନ୍ନା ଏହି ମାମଲାର ଶୁଣାଣି କରି କହିଛନ୍ତି, ଆମ ଦେଶର ସବୁଠାରୁ ବଡ଼ ସମସ୍ୟା ହେଉଛି ଯେ, କିଛି ଗଣମାଧ୍ୟମରେ ଦେଶର ଘଟଣାକୁ ସାଂପ୍ରଦାୟିକ ରୂପ ଦେଇ ପରିବେଷଣ କରାଯାଉଛି । ଏହାସହ ୱେବ ପୋର୍ଟାଲ, ଟିଭି ଚ୍ୟାନେଲ ଉପରେ ସରକାରଙ୍କ ନିୟନ୍ତ୍ରଣ ନେଇ ସେ ପ୍ରଶ୍ନ ଉଠାଇଛନ୍ତି ।

ଶୁଣାଣିବେଳେ ସରକାରଙ୍କ ପକ୍ଷ ରଖୁଥିବା ସଲିସିଟର ଜେନେରାଲ ତୁଷାର ମେହେଟ୍ଟା କହିଛନ୍ତି, ଖାଲି ସାଂପ୍ରଦାୟିକ ରୂପ ଦିଆଯାଉନାହିଁ ବରଂ କିଛି ମିଡିଆ ସଂପୂର୍ଣ୍ଣ ମିଛ ଖବର ମନଇଛା ପରିବେଷଣ କରୁଛନ୍ତି ।

OTV is now on Whatsapp

Join and get latest news update delivered to you via whatsapp

Join Now