LIVE TV
କୋଲକାତା: ପଶ୍ଚିମବଙ୍ଗ ଭବାନୀପୁର ଉପ-ନିର୍ବାଚନରେ ମମତା ବାନାର୍ଜୀଙ୍କୁ କଡା ଟକ୍କର ଦେବାକୁ ବିଜେପି ଚଲାଇଛି ଜୋରଦାର କ୍ୟାମ୍ପେନ। ମମତାଙ୍କ ବିପକ୍ଷରେ ଲଢୁଥିବା ବିଜେପି ପ୍ରାର୍ଥୀ ପ୍ରିୟଙ୍କା ତିବ୍ରେୱାଲ ନିଜ ପ୍ରଚାର ଅଭିଯାଜକୁ ଜୋରଦାର କରିଛନ୍ତି। ଆଜି ପ୍ରିୟଙ୍କାଙ୍କ ପାଇଁ ପ୍ରଚାର ମୈଦାନକୁ ଓହ୍ଲାଇଥିଲେ କେନ୍ଦ୍ର ମନ୍ତ୍ରୀ ହରଦୀପ ସିଂ ପୁରୀ। ବିଜେପି ପ୍ରାର୍ଥୀ ପ୍ରିୟଙ୍କାଙ୍କ ସହ କେନ୍ଦ୍ର ମନ୍ତ୍ରୀ ହରଦୀପ ସିଂ ପୁରୀ ଆଜି ଡୋର-ଟୁ-ଡୋର କ୍ୟାମ୍ପେନ କରିଥିଲେ। ସ୍ଥାନୀୟ ଅଞ୍ଚଳରେ ଲୋକମାନଙ୍କୁ ଘରକୁ ଘର ଘର ବୁଲି ଉଭୟ ପ୍ରଚାରରେ ମାତିଥିଲେ। ଏଥି ସହ ସ୍ଥାନୀୟ ଛୋଟ ଦୋକାନୀ ଓ ବ୍ୟବସାୟୀଙ୍କ ସହ ମଧ୍ୟ ଆଲୋଚନା କରି ସେମାନଙ୍କ ସମସ୍ୟା ସମ୍ପର୍କରେ ପଚାରି ବୁଝିଥିଲେ।
ଅନ୍ୟପକ୍ଷରେ ପଶ୍ଚିମବଙ୍ଗ ବିଜେପି ଉପାଧ୍ୟକ୍ଷ ତଥା ସାଂସଦ ଅର୍ଜୁନ ସିଂଙ୍କୁ ଭବାନୀପୁର ବିଧାନସଭା ନିର୍ବାଚନରେ ଦାୟିତ୍ୱରେ ରଖାଯାଇଛି। ସାଂସଦ ସୁମିତ୍ରା ଖାନ ଏବଂ ଜ୍ୟୋତିର୍ମୋ ସିଂ ମହୋତୋ ତାଙ୍କ ସହ ନିର୍ବାଚନ ପରିଚାଳନା କରିବେ ବୋଲି କୁହାଯାଇଛି। । ଭବାନୀପୁର ଉପନିର୍ବାଚନ ପାଇଁ ୮ ଜଣ ବିଧାୟକଙ୍କୁ ବିଜେପି ଦାୟିତ୍ୱ ଦେଇଛି। ଭବାନୀପୁର ଆସନରୁ ମମତା ବାନାର୍ଜୀ ଦୁଇଥର ନିର୍ବାଚନରେ ବିଜୟୀ ହୋଇଛନ୍ତି। ସେ ନିଜର ପାରମ୍ପାରିକ ଆସନ ଛାଡି ଚଳିତ ବର୍ଷ ବିଧାନସଭା ନିର୍ବାଚନରେ ନନ୍ଦିଗ୍ରାମ ପ୍ରତିଦ୍ୱନ୍ଦ୍ୱିତା କରିଥିଲେ, କିନ୍ତୁ ବିଧାନସଭାରେ ବିରୋଧୀ ଦଳର ନେତା ଭାବରେ କାର୍ଯ୍ୟ କରୁଥିବା ତାଙ୍କ ପୂର୍ବତନ ସହକର୍ମୀ ଶୁଭେନ୍ଦୁ ଅଧିକାରୀଙ୍କଠାରୁ ପରାଜିତ ହୋଇଥିଲେ।
Also Read
ସୂଚନା ଅନୁସାରେ, ଆସନ୍ତା ୩୦ରେ ଉପ ନିର୍ବାଚନ ହେବ ବୋଲି ୪ ସେପ୍ଟେମ୍ବର ଘୋଷଣା କରିସାରିଛନ୍ତି ନିର୍ବାଚନ କମିଶନ । ପଶ୍ଚିମବଙ୍ଗର ଭବାନୀପୁର, ଶମଶେରଗଞ୍ଜ, ଜଙ୍ଗିପୁର ସିଟରେ ଉପନିର୍ବାଚନ ହେବ । ଏହାସିଟ୍ରେ ସିଟରେ ଗତ ୪ ତାରିଖଠାରୁ ହିଁ ଆଦର୍ଶ ଆଚରଣ ବିଧି ଲାଗୁ ହୋଇସାରିଛି। ସେପ୍ଟେମ୍ବର ୧୩ ପର୍ଯ୍ୟନ୍ତ ନାମାଙ୍କନପତ୍ର ଦାଖଲ କରିଛନ୍ତି ପ୍ରାର୍ଥୀ । ୩୦ ସେପ୍ଟେମ୍ବରରେ ମତଦାନ ହେବାସହ ୩ ଅକ୍ଟୋବରରେ ଭୋଟ୍ ଗଣତି କରାଯିବ ବୋଲି ସୂଚନା ମିଳିଛି। ଏଠାରେ କହିରଖୁଛୁ କି, ମମତା ଭବାନୀପୁର ଆସନରୁ ବିଜୟ ହେବା ପାଇଁ ସବୁ ପ୍ରକାର ଉଦ୍ୟମ କରୁଛନ୍ତି। କାରଣ ମୁଖ୍ୟମନ୍ତ୍ରୀ ପଦରେ ରହିବାକୁ ହେଲେ ତାଙ୍କୁ ଏହି ଆସନରେ ନିର୍ବାଚନ ଜିତିବାକୁ ହିଁ ପଡ଼ିବ।
