ରିଲ୍ ନୁହେଁ, ରିୟଲ୍ ଲାଇଫ୍ ର 'ଟେମ୍ପଲ ରନ୍', ଦେଖନ୍ତୁ ଭିଡ଼ିଓ...

ଟେମ୍ପଲ ରନ୍ ଗେମ୍ ତ ସମସ୍ତେ ଜାଣିଥିବେ । ଯେଉଁଥିରେ ଜଣେ ମଣିଷ ଏକ ମନ୍ଦିରରେ ପହଞ୍ଚିବା ପାଇଁ ଖାଲଢ଼ିପ ତଥା ଅଙ୍କା ବଙ୍କା ରାସ୍ତା ଅତିକ୍ରମ କରିବାକୁ ପଡିଥାଏ । ଅନେକ ଲୋକେ ଏହି ଗେମ୍ ଖେଳିବାକୁ ଭଲପାଇଥାନ୍ତି । ହେଲେ ଏବେ ଆମେ ଆପଣଙ୍କୁ ଏପରି ଏକ ରିୟଲ ଲାଇଫ୍ ଟେମ୍ପଲ ରନ୍ ରାସ୍ତା ବିଷୟରେ କହିବାକୁ ଯାଉଛୁ ଯାହା ଏକଦମ୍ ଟେମ୍ପଲ୍ ରନ୍ ସଦୃଶ...

ନିକଟରେ ସୋସିଆଲ୍ ମିଡିଆ ପ୍ଲାଟଫର୍ମ ଇଣ୍ଟାଗ୍ରାମରେ ଏକ ଭିଡିଓ ଖୁବ୍ ଭାଇରାଲ୍ ହେବାରେ ଲାଗିଛି । ଭିଡିଓରେ ଏକ ରାସ୍ତା ଦେଖିବାକୁ ମିଳିଛି । ରାସ୍ତାରେ ଅନେକ ବଡ଼ ବଡ଼ ଖାଲ ଢ଼ିପ ଥିବା ସହ ରାସ୍ତାର କିଛି କିଛି ସ୍ଥାନ ଭାଙ୍ଗି ଯାଇଥିବାର ମଧ୍ୟ ଦେଖିବାକୁ ମିଳିଛି । ଏହାସହ ଏହି ରାସ୍ତା ଦେଇ କିଛି ଯୁବତୀ ଗାଡ଼ିରେ ଯାଉଥିବାର ମଧ୍ୟ ଦେଖିବାକୁ ମିଳିଛି । 
ଏହି ଭିଡିଓ ଇନଷ୍ଟାଗ୍ରାମରେ rvcjinsta ନାମକ ଏକ ପେଜରେ ସେୟାର କରାଯାଇଛି । କ୍ୟାପସନ୍ ରେ ଦିଲ୍ ଦେହଲ୍ ଗୟା (Dil Dehel Gaya 😐) ବୋଲି ଲେଖାଯାଇଛି । 
କାଠ ଖଣ୍ଡ ମାନଙ୍କରେ ଏହି ରାସ୍ତା ତିଆରି କରାଯାଇଛି । ଯାହା ଉପରେ ଲୋକେ ଯାଆସ କରୁଛନ୍ତି । ରାସ୍ତାର ଗୋଟିଏ ପାର୍ଶ୍ୱରେ କାଠ ଥିବାବେଳେ ଅନ୍ୟ ପଟେ ଡ୍ରେନ୍ ପାଣି ଭରି ରହିଥିବାର ଦେଖିବାକୁ ମିଳିଛି । ତେବେ ଯଦି ଗାଡ଼ି ଚଳାଇଲାବେଳେ ଏହି ଦୁଇଟି ମଧ୍ୟରେ ସନ୍ତୁଳନ ଟିକେ ବିଗିଡ଼ିଯାଏ ତାହାଲେ ଚାଳକ ଜଣକ ସିଧା ଡ୍ରେନ୍‌ରେ ପଡ଼ିବାର ସମ୍ଭାବନା ରହିଛି । 

ଦେଖନ୍ତୁ ଏହି ଭିଡ଼ିଓ :-

View this post on Instagram

A post shared by RVCJ Media (@rvcjinsta)

ଏହି ରାସ୍ତା ଦେଇ ଯାଆନ୍ତି 'ଖତରୋଁ କେ ଖିଲାଡ଼ି' !

ପ୍ରାୟତଃ ବର୍ଷା ଋତୁରେ ଏଠାରେ ଖାଲଢ଼ିପ ହୋଇଯାଇଥାଏ । ତେଣୁ ଏହି ରାସ୍ତା ଦେଇ ଯିବା କୌଣସି ବିପଦପୂର୍ଣ୍ଣ କାମରୁ କମ୍ ନୁହେଁ । ଯେଉଁମାନେ ନିଜ ଜୀବନକୁ ବାଜି ଲଗାଇ ଏହି ବିପଦପୂର୍ଣ୍ଣ ରାସ୍ତା ଦେଇ ଯାଆନ୍ତି, ସେମାନଙ୍କୁ 'ଖତରୋଁ କେ ଖିଲାଡ଼ି' ବୋଲି କୁହାଯାଇଥାଏ । 
ଇନଷ୍ଟାଗ୍ରାମରେ ଶେୟାର ହୋଇଥିବା ଏହି ଭିଡିଓଟି ଧିରେ ଧିରେ ଖୁବ୍ ଭାଇରାଲ ହେବାରେ ଲାଗିଛି । କେହି କେହି ଏହାକୁ 'ଟେମ୍ପଲ୍ ରନ୍' କହୁଥିବାବେଳେ କେହି ରାସ୍ତା ଦେଇ ଯାଉଥିବା ଲୋକଙ୍କୁ 'ଖତରୋଁ କେ ଖିଲାଡ଼ି' ବୋଲି କହୁଛନ୍ତି ।