LIVE TV
ମୁଁ ଯଦି, ଅନ୍ଧ ହେଲି ତେବେ କଣ ସରକାର ଅନ୍ଧ ? ବିଡିଓ, ତହସିଲଦାର, ସବ୍ କଲେକ୍ଟର ସମସ୍ତେ କଣ ଅନ୍ଧ ହୋଇଗଲେ ? ପ୍ରଶାସନକୁ ଆନ୍ଦୋଳିତ କଲା ଭଳି ଏଭଳି କିଛି ପ୍ରଶ୍ନ କରିଛି ଷଷ୍ଠ ଶ୍ରେଣୀର ଛାତ୍ର । ତାପୁଣି ପ୍ରଶାସନିକ ଅଧିକାରୀଙ୍କ ଆଗରେ । କଳାହାଣ୍ଡି ଧର୍ମଗଡ଼ ବେହେରାଗୁଡ଼ା ଉଚ୍ଚ ପ୍ରାଥମିକ ବିଦ୍ୟାଳୟର ଷଷ୍ଠ ଶ୍ରେଣୀର ଛାତ୍ର ଯଶୋବନ୍ଦ ଛତ୍ରିଆ ବ୍ଲକ ଶିକ୍ଷାଧିକାରୀ, ସ୍ଥାନୀୟ ପୋଲିସ୍ ଅଧିକାରୀଙ୍କୁ ନିଜ ସ୍କୁଲର ସମସ୍ୟା ଜଣାଇଛନ୍ତି । ଖରାଛୁଟି ପରେ ସ୍କୁଲ ଖୋଲିଥିଲା, ହେଲେ ଶିକ୍ଷକ ନଥିବାରୁ ସ୍କୁଲ ପାଠ ପଢ଼ାରେ ବ୍ୟାପକ ଅବ୍ୟବସ୍ଥା ଦେଖାଦେଇଥିଲା ।
#ମୁଁ_ଅନ୍ଧ_ବୋଲି_କଣ_ସରକାର_ଅନ୍ଧ ?#ଦୃଷ୍ଟିହୀନ_ଛାତ୍ରଙ୍କ_ପ୍ରଶ୍ନବାଣରେ_ଘାଇଲା_ହେଲେ_ଅଧିକାରୀ
— ଓଟିଭି (@otvkhabar) June 28, 2022
କଳାହାଣ୍ଡି ଜିଲ୍ଲା ଧର୍ମଗଡ ବ୍ଲକ୍ ଅନ୍ତର୍ଗତ ବେହେରାଗୁଡା ସ୍କୁଲ୍ର ଜଣେ ଛାତ୍ର ସ୍କୁଲ୍ ସମସ୍ୟାର ସମାଧାନ ପାଇଁ ଯାଇଥିବା ଅଧିକାରୀଙ୍କୁ ଏମିତି କିଛି ପ୍ରଶ୍ନ କରିଛନ୍ତି....#Dharamgarh #Kalahandi #Odisha pic.twitter.com/UxrzHDVcri
୪୨୫ ପିଲାଙ୍କ ପାଇଁ ମାତ୍ର ୭ ଜଣ ଶିକ୍ଷକ ଥିବାରୁ ଆନ୍ଦୋଳରେ ବସିଥିଲେ ଛାତ୍ରଛାତ୍ରୀ । ୧୦ ଦିନ ଧରି ଏହି ଆନ୍ଦୋଳନ ଚାଲିଥିଲେ ବି କୌଣସି ସମାଧାନ ନହେବାରୁ ଗତକାଲି ବ୍ଲକ ଶିକ୍ଷାଧିକାରୀଙ୍କ ସମେତ ଅନ୍ୟ ଅଧିକାରୀ ପହଞ୍ଚିଥିଲେ । ଗତକାଲି ଯଶୋବନ୍ତଙ୍କ ଏହି ଦାବି ପରେ ତୁରନ୍ତ ୨ ଜଣ ଶିକ୍ଷକଙ୍କୁ ନିଯୁକ୍ତ କରାଯାଇଛି ।
ସୂଚନାଯୋଗ୍ୟ ଶିକ୍ଷକ ପଦବୀ ପୂରଣ ଦାବିରେ ଗତ ୧୦ଦିନ ହେବ ଚାଲିଥିଲା ସ୍କୁଲ ବନ୍ଦ ଆନ୍ଦୋଳନ । ଶେଷରେ ଏହାର ପୂର୍ଣ୍ଣଛେଦ ପଡ଼ିଛି । ଗତକାଲି ଅର୍ଥାତ ସୋମବାର ପୁଲିସ ଅଧିକାରୀଙ୍କ ସହ ଧର୍ମଗଡ଼ ବ୍ଲକ ଶିକ୍ଷାଅଧିକାରୀ ସମେତ ଅନେକ ଅଧିକାରୀ ବେହେରାଗୁଡ଼ା ଯାଇ ୨ଜଣ ଶିକ୍ଷକ ନିଯୁକ୍ତି ଦେବାପରେ ସ୍କୁଲର ତାଲା ଫିଟିଛି । ତେବେ ଘଟଣାର ସମାଧାନ ପାଇଁ ଯାଇଥିବା ଅଧିକାରୀମାନଙ୍କୁ ଜଣେ ଦୃଷ୍ଟିବାଧିତ ଛାତ୍ର ପ୍ରଶ୍ନବାଣରେ ଘାଇଲା କରିବା ଅଲୋଚନାର ବିଷୟ ହୋଇଛି । ଖରାଛୁଟି ପରେ ଏହି ସ୍କୁଲ ଖୋଲି ନ ଥିଲା । ଏଠାରେ ଚାରିଶହରୁ ଅଧିକ ଛାତ୍ରଛାତ୍ରୀ ପଢୁଥିବା ବେଳେ ମାତ୍ର ୨ଜଣ ଶିକ୍ଷକରେ ସ୍କୁଲ ଚାଲୁଥିଲା, ଯାହାକୁ ନେଇ ଛାତ୍ରଛାତ୍ରୀ ଓ ଅଭିଭାବନକ ଅସନ୍ତୋଷ ଜାହିର କରିଥିଲେ ।
