ଲଣ୍ଡ୍ରିରେ ପୋଷାକ ଦେଉଛନ୍ତି କି ? ହୁଅନ୍ତୁ ସାବଧାନ, ନଚେତ୍ ହୋଇପାରେ କିଛି ଏମିତି...

ଲୋକେ ପୋଷାକ ଆଇରନ୍‌ କରିବା ପାଇଁ ସାଧାରଣତଃ ଲଣ୍ଡ୍ରିରେ ଦେଇଥାନ୍ତି । ହେଲେ କିଏ ବା ଜାଣେ ତାକୁ ଲଣ୍ଡ୍ରିରେ କିପରି ଭାବେ ଆଇରନ୍‌ କରାଯାଇଥାଏ । ଆଇରନ୍‌ ଦ୍ୱାରା ପୋଷାକ ଆହୁରି ଆକର୍ଷଣୀୟ ହେବାସହ ଜାକି ହୋଇଥିବା କପଡା ସୁନ୍ଦର ଦେଖାଯାଇଥାଏ । ଆଇରନ୍‌ କରିବା ମଝିରେ ପୋଷାକରେ ପାଣି ଛିଞ୍ଚା ଯାଇଥାଏ । ଫଳରେ ତାହା ସଠିକ୍‌ ଭାବରେ ଆଇରନ୍‌ ହୋଇଥାଏ । ହେଲେ ସୋସିଆଲ୍‌ ମିଡିଆରେ ଏବେ ଏମିତି ଏକ ଭିଡ଼ିଓ ଭାଇରାଲ୍‌ ହେଉଛି ଯାହା ଦେଖିଲେ ହୁଏତ ଆପଣଙ୍କୁ ବି ଘୃଣା ଲାଗିବ । କାରଣ ଭିଡିଓରେ ଏକ ହୀନ ମାନସିକତା ବ୍ୟକ୍ତି ନିଜ ପାଟିରେ ପାଣି ସ୍ପ୍ରେ କରି ଲୋକଙ୍କ ପୋଷାକ ଆଇରନ୍‌ କରୁଛନ୍ତି।

ଭିଡିଓଟି ଭାଇରାଲ୍‌ ହେବା ପରେ ୟୁଜର୍ସମାନେ ଭିଡିଓରେ ଦେଖାଯାଇଥିବା ବ୍ୟକ୍ତିଙ୍କ ଉପରେ ଅତ୍ୟନ୍ତ ରାଗିବାସହ ବିଭିନ୍ନ ମନ୍ତବ୍ୟ ଦେଇଛନ୍ତି । ଏମିତିକି ଅନେକ ଲୋକେ ଏହା ବି କହିଛନ୍ତି ଯେ, ‘ବ୍ୟକ୍ତି ଜଣକ ବହୁତ ପୁରୁଣା ଦେଖାଯାଉଛନ୍ତି’ ଏବଂ ‘ଏହି ବୟସରେ ତାଙ୍କୁ ଏଭଳି କାର୍ଯ୍ୟ କରିବାକୁ କାହିଁକି ଲଜ୍ଜ୍ୟା ଲାଗୁନାହିଁ’ ।

ଏହି ଭିଡିଓଟି କେବେ ଏବଂ କେଉଁ ସ୍ଥାନର ତାହା ବର୍ତ୍ତମାନ ସୁଦ୍ଧା ଜଣାପଡିନାହିଁ । ହେଲେ ଭିଡିଓରେ ବୃଦ୍ଧ ଜଣକ ପୋଷାକ ଆଇରନ୍‌ କରିବା ସମୟରେ ଏକ ପାତ୍ରରୁ ପାଣି ପିଇଥିବାର ଦେଖାଯାଇଛି। ଏହା ପରେ ସେ ଧଳା ସାର୍ଟ ଉପରେ ନିଜ ପାଟିରୁ ପାଣି ସ୍ପ୍ରେ କରି ପକାଉଛନ୍ତି । ବ୍ୟକ୍ତି ଏହି କାର୍ଯ୍ୟକୁ ଅନେକ ଥର ପୁନରାବୃତ୍ତି କରୁଥିବାର ଭିଡିଓରେ ଦେଖିବାକୁ ମିଳିଛି । ହେଲେ ସବୁଠୁ ଆଶ୍ଚର୍ଯ୍ୟର କଥା ହେଉଛି ତାଙ୍କ ପାଖରେ ୱାଟର ସ୍ପ୍ରେ ରଖାଯାଇ ମଧ୍ୟ ସେ ନିଜ ପାଟିରୁ ପାଣି ସ୍ପ୍ରେ କରୁଛନ୍ତି । ବୃଦ୍ଧଙ୍କ ପାଖରେ ଏକ ପୁରୁଣାକାଳିଆ କୋଇଲା ଚାଳିତ ଆଇରନ୍‌ ରହିଥିବାର ମଧ୍ୟ ଦେଖିବାକୁ ମିଳିଛି ।

ଦେଖନ୍ତୁ ସେହି ଭାଇରାଲ୍ ଭିଡ଼ିଓ-

View this post on Instagram

A post shared by Pendu production (@penduproduction)

ଇଣ୍ଟାଗ୍ରାମ୍‌ରେ ଶେୟାର ହୋଇଥିବା ଏହି କ୍ଲିପ୍ ୧୬ ଲକ୍ଷରୁ ଅଧିକ ଲୋକେ ଦେଖିଥିବାବେଳେ ଏବଂ ପ୍ରାୟ ୧.୨୦ ଲକ୍ଷ ୟୁଜର୍ସ ଏହାକୁ ଲାଇକ୍‌ କରିଛନ୍ତି । ଜଣେ ଉପଭୋକ୍ତା ମନ୍ତବ୍ୟ ଦେଇଛନ୍ତି, ବ୍ୟକ୍ତି ଜଣକ କରୋନା ସ୍ପ୍ରେ କରୁଛନ୍ତି। ଅନ୍ୟ ଜଣେ ଲେଖିଛନ୍ତି, ପୋଷାକ ନଷ୍ଟ କରିବାର ସବୁଠାରୁ ଖରାପ ଉପାୟ।ବ୍ୟବହାରକାରୀମାନେ ଏହା ମଧ୍ୟ ଦାବି କରିଛନ୍ତି ଯେ ଏହି କ୍ଲିପ୍ ପାକିସ୍ତାନର। । ଏହାସହ ଅନେକ ୟୁଜର୍ସ ନିଜ ସାଙ୍ଗମାନଙ୍କୁ ଟ୍ୟାଗ୍ କରି ସେମାନଙ୍କ ଲଣ୍ଡ୍ରିରେ ପୋଷାକ ଦେବାବେଳେ ସତର୍କ ରହିବାକୁ ପରାମର୍ଶ ଦେଇଛନ୍ତି ।