ଆଶ୍ଚର୍ଯ୍ୟ ! ଆପେ ଆପେ ଗଡ଼ୁଛି ବାଇକ୍‌, ବିନା ଟେନ୍‌ସନ୍‌ରେ ଫୋନ୍‌ରେ ଗପୁଛନ୍ତି ଚାଳକ...

ହାତକୁ ସ୍ପର୍ଶ ନକରି ଆପଣ ବାଇକ୍ ଚଳାଇ ପାରିବେ କି ? ପ୍ରଶ୍ନଟି ହୁଏତ ଅଜବ ଲାଗୁଥାଇପାରେ । ହେଲେ ଏପରି ଏକ ସମାନ୍ ଘଟଣା ଦେଖିବାକୁ ମିଳିଛି । ଯେଉଁଥିରେ ଜଣେ ଯୁବକ ବାଇକ୍‌ର ହ୍ୟାଣ୍ଡେଲ୍ ନଛୁଇଁ ମଧ୍ୟ ଗାଡ଼ି ଚଳାଇ ଅସମ୍ଭବକୁ ସମ୍ଭବ କରି ଦେଖାଇଛନ୍ତି । ଏହାର ଭିଡ଼ିଓ ମଧ୍ୟ ସୋସିଆଲ୍‌ ମିଡ଼ିଆରେ ଏବେ ବେଶ୍‌ ଭାଇରାଲ୍‌ ହେବାରେ ଲାଗିଛି । ଭିଡ଼ିଓକୁ ଦେଖିଲେ ଆପଣ ବି ଏହା ଭାବିବେ ଯେ ଦୁନିଆରେ କିଛି ବି ଅସମ୍ଭବ ନାହିଁ ।

ଭାଇରାଲ୍‌ ହୋଇଥିବା ଏହି ଭିଡ଼ିଓରେ ଜଣେ ଯୁବକ ଏକ ଚଳନ୍ତା ଗାଡ଼ି ପଛରେ ବସିଛନ୍ତି । ହେଲେ ଆଶ୍ଚର୍ଯ୍ୟର କଥା ହେଉଛି ଗାଡ଼ିରେ କେହି ଚାଳକ ନଥାଇ ବି ତାହା ସଠିକ୍‌ ଭାବରେ ଚାଲୁଛି । ସତେ ଯେପରି କେହି ଜଣେ ଆଗ ସିଟ୍‌ରେ ବସି ଗାଡ଼ିକୁ ଚଲାଉଛନ୍ତି । ଯୁବକଙ୍କୁ ଦେଖି ରାସ୍ତାରେ ଯାଉଥିବା ଅନ୍ୟ ଲୋକମାନେ ତାଜୁବ ହୋଇଯାଇଛନ୍ତି । ଏହାସହ ସେମାନେ ଏହି ଅଜବ ଢ଼ଙ୍ଗର ଦୃଶ୍ୟକୁ ନିଜ କ୍ୟାମେରାରେ କଏଦ୍‌ କରିଦେଇଛନ୍ତି । ଯାହା ଏବେ ସୋସିଆଲ୍‌ ମିଡିଆର ଚର୍ଚ୍ଚାର ବିଷୟ ପାଲଟିଛି ।

ଦେଖନ୍ତୁ ଏହି ଭାଇରାଲ୍ ଭିଡ଼ିଓ :-

View this post on Instagram

A post shared by KaranChawla (@realkaranchawla_)

ଭିଡ଼ିଓଟି ଅବିକଳ ଅନିଲ୍ କପୁରଙ୍କ ଅଭିନୀତ ମିଷ୍ଟର ଇଣ୍ଡିଆ (Mr. India) ଚଳଚିତ୍ରର କାହାଣୀ ସହ ମିଶୁଥିବାରୁ ଏହାକୁ କେତେକ ଲୋକ ‘ମିଷ୍ଟର ଇଣ୍ଡିଆ’ ମଧ୍ୟ କହୁଛନ୍ତି । ଏହି ଭିଡିଓଟି ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଶେୟାର କରାଯାଇଛି । ଏହାକୁ ପ୍ରାୟ ୨୪.୩ ମିଲିୟନରୁ ଅଧିକ ଲୋକ ଦେଖିସାରିଥିବାବେଳେ ୧.୮ ମିଲିୟନ ଲୋକ ଭିଡ଼ିଓଟିକୁ ଲାଇକ୍‌ କରିଛନ୍ତି ।

ତେବେ ଯୁବକ ଜଣକ ଏପରି ଗାଡ଼ି ଚଲାଇ ଟ୍ରାଫିକ୍‌ ନିୟମ ଉଲ୍ଲଙ୍ଗନ କରିଛନ୍ତି । କେବଳ ଏତିକି ନୁହେଁ ଏପରି ଗାଡ଼ି ଚଳାଇବା ଦ୍ୱାରା ନିଜ ଓ ରାସ୍ତାରେ ଯାଥିବା ଅନ୍ୟ ଲୋକଙ୍କ ଜୀବନ ପ୍ରତି ମଧ୍ୟ ବିପଦ ହୋଇଥାଏ । ତେଣୁ ରାସ୍ତାରେ ଏପରି ଅଜବ ଢ଼ଙ୍ଗରେ ଗାଡ଼ି ନ ଚଲାଇ ସାବଧାନ ଓ ସଠିକ୍‌ ଢ଼ଙ୍ଗରେ ଗାଡ଼ି ଚଲାଇବା ଉଚିତ୍ ।