ପେଟକୁ ଦାନା ଯୋଗାଉଛି ଟେରାକୋଟା କାମ : ଭଳି କି ଭଳି ଘରକରଣା ସାମଗ୍ରୀ ବିକି ଦୁଇ ପଇସା ରୋଜଗାର କରୁଛନ୍ତି ମହିଳା

ଟେରାକୋଟା କାମକରି ମହିଳାମାନେ ସ୍ୱାବଲମ୍ବୀ ହୋଇପାରିଛନ୍ତି । କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ ଅନ୍ତର୍ଗତ ଭରତପୁର ଗାଁର ୧୫ଜଣ ମହିଳା ଜିଲାଶିଳ୍ପ କେନ୍ଦ୍ରରୁ ତାଲିମ ନେଇ ଏବେ ପ୍ରସ୍ତୁତ କରୁଛନ୍ତି ଭଳିକି ଭଳି ଘରର ସାଜସଜ୍ଜା ଉପକରଣ । ଆଉ ସେହି ସବୁ ସାମଗ୍ରୀକୁ ଜିଲା ତଥା ଜିଲା ବାହାରେ ବିକ୍ରିକରି ବେଶ ଦିପଇସା ଭଲ ରୋଜଗାର କରିପାରୁଛନ୍ତି । ମହିଳା ମାନଙ୍କର ଏଭଳି କାର୍ଯ୍ୟ ସାଧାରଣରେ ପ୍ରଶଂସା ସାଉଁଟି ଥିବା ବେଳେ ଅନ୍ୟ ମହିଳାମାନଙ୍କ ପାଇଁ ଉଦାହରଣ ସୃଷ୍ଟି କରିଛି ।

କେନ୍ଦ୍ରାପଡ଼ା ଜିଲ୍ଲା ଆଳି ଭରତପୁର ଗାଁ । ଗାଁରେ ତିଆରି ଚାଲିଛି ଟେରାକୋଟା କାମ । କିଏ ମାଟି ଚୁନା କରୁଛି ତ ଆଉ କିଏ ମାଟିକୁ କାଦୁଅ କରୁଛି । ବନଦୂର୍ଗା ସ୍ଵୟଂ ସହାୟକ ଗୋଷ୍ଠିର ମହିଳାମାନେ ମହିଳା ମାନେ ନିଜର ଘରକାମ ସାରିବା ପରେ ବଳକା ସମୟରେ ଏକାଠି ହୋଇ ଟେରାକୋଟା କାମ କରୁଛନ୍ତି । ହାତୀ, ଘୋଡା, କଳସୀ, ଗଣେଶ, ଫୁଲଦାନୀ, ଦୀପ,ବୋଇତ, କଖାରୁ, ବାଇଗଣ,ଭେଣ୍ଡି, କଲରା ଆଦି କେତେ କଣ । ଆଉ ତା’ପରେ ଏସବୁ ସାମଗ୍ରୀକୁ ସୁଖାଇବା ସହ ନିଆଁରେ ପୋଡ଼ିବା ପରେ ରଙ୍ଗ ଦେଉଛନ୍ତି । ବାସ ପ୍ରସ୍ତୃତ ହୋଇଗଲା ଟେରାକୋଟା ।

ବନଦୂର୍ଗା ସ୍ୱୟଂ ସହାୟକ ଗୋଷ୍ଠୀର ମହିଳା ମାନେ ଏହି ଟେରାକୋଟାର ଘର ସାଜସଜ୍ଜା ସାମଗ୍ରୀ ତିଆରି କରିବା ପରେ ଏସବୁକୁ ଜିଲା ତଥା ଜିଲା ବାହାରେ ବିକ୍ରି କରିଥାନ୍ତି । ତେବେ ବତ୍ତମାନ ଟେରାକୋଟା ସାମଗ୍ରୀର ବେଶ ଚାହିଦା ଥିବାରୁ ଏହି ମହିଳା ମାନେ ବେଶ ଦୁଇ ପଇସା ରୋଜଗାର କରୁଛନ୍ତି । ଯେଉଁଥିରେ ପରିବାର ଚଳାଇବା ପାଇଁ ସାହାଯ୍ୟ ହେଉଛି । ସରକାରୀ ସହାୟତା ମିଳିଲେ ଆଗକୁ ନୂଆ କିଛି କରିବା ପାଇଁ ଲକ୍ଷ୍ୟ ରଖିଛନ୍ତି । ବନଦୁର୍ଗା ସ୍ୱୟଂ ସହାୟକ ଗୋଷ୍ଠୀର ମହିଳା ମାନେ ନିଜେ ସ୍ୱବଲମୀ ହେବା ସହ ଅନ୍ୟ ମାନଙ୍କ ପାଇଁ ଉଦାହରଣ ପାଲଟିଛନ୍ତି ।

ଆଳି,ବନମାଳୀ ସାହୁ