'ଯଦି ଗୋଟିଏ ଦ୍ୱାର ନ ଖୋଲେ, କାଲିଠୁ ପଶ୍ଚିମ ଦ୍ୱାର ସାମ୍ନାରେ ବସିବି'

ଶ୍ରୀମନ୍ଦିର ୪ ଦ୍ୱାର ଦେଇ ଭକ୍ତଙ୍କ ପ୍ରବେଶ ପ୍ରସଙ୍ଗ । ସିଂହଦ୍ୱାରକୁ ବାଦ ଦେଲେ ସ୍ଥାନୀୟ ବାସିନ୍ଦାଙ୍କ ପାଇଁ କମରେ ଆଉ ଏକ ଦ୍ୱାର ଖୋଲିବାକୁ କହିଛନ୍ତି ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ସୁଦର୍ଶନ ପଟ୍ଟନାୟକ। ଚ୍ୱିଟ୍ କରି ଆନ୍ତର୍ଜାତିକ ବାଲୁକାଶିଳ୍ପୀ ତଥା ପୁରୀ ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ସୁଦର୍ଶନ ପଟ୍ଟନାୟକ ଏହି ସୂଚନା ଦେଇଛନ୍ତି ।

ପୁରୀ ବାସିନ୍ଦାଙ୍କ ଭାବାବେଗକୁ ଗୁରୁତ୍ୱର ସହ ନେଇ ଭକ୍ତଙ୍କ ପାଇଁ ଅତି କମରେ ଗୋଟିଏ ଦ୍ୱାର ଖୋଲିବାକୁ ସେ ଟ୍ୱିଟ୍ କରିଛନ୍ତି । ଏହା ସହ ଅନ୍ୟ ଦ୍ୱାର ପ୍ରସଙ୍ଗରେ ଛତିଶା ନିଯୋଗ ବୈଠକରେ ଗଠିତ ହୋଇଥିବା ସବ୍ କମିଟି ନିଷ୍ପତ୍ତି ଅନୁଯାୟୀ ଦ୍ୱାର ଖୋଲିବା ଉପରେ ନିଷ୍ପତ୍ତି ନିଆଯିବ ବୋଲି କହିଛନ୍ତି। ଯଦି ସ୍ଥାନୀୟ ବାସିନ୍ଦାଙ୍କ ପାଇଁ ଅତି କମରେ ଗୋଟିଏ ଦ୍ୱାର ଖୋଲା ନଯାଏ ତେବେ ଆସନ୍ତାକାଲିଠାରୁ ଶ୍ରୀମନ୍ଦିର ପଶ୍ଚିମ ଦ୍ୱାର ସାମନାରେ ବସି ଆରାଧନା କରିବେ ବୋଲି କହିଛନ୍ତି ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ସୁଦର୍ଶନ ପଟ୍ଟନାୟକ।

Jai Jagannath…🙏
During covid-19 pandemic three doors of Shree Jagannath temple were closed for the devotees, but till date all the same has not been opened for the devotees. My humble request and with respect to the local people’s emotion and as a citizen of Puri again… pic.twitter.com/elEmPjvePq

— Sudarsan Pattnaik (@sudarsansand) July 23, 2023

ନିକଟରେ ରତ୍ନଭଣ୍ତାର ଖୋଲିବା ନେଇ ମଧ୍ୟ ଗଜପତି ମହାରାଜାଙ୍କ ପାଖକୁ ଚିଠି ଲେଖିଥିଲେ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ରତ୍ନଭଣ୍ଡାର ଖୋଲିବାକୁ ସରକାରଙ୍କୁ ଶ୍ରୀମନ୍ଦିର ପରିଚାଳନା କମିଟି ନିବେଦନ କରୁ ବୋଲି ଚିଠିରେ ଲେଖିଥିଲେ ସୁଦର୍ଶନ। ସେ ଲେଖିଥିଲେ ଯେ ରତ୍ନଭଣ୍ଡାର ଖୋଲିବାକୁ ସରକାରଙ୍କୁ ପରିଚାଳନା କମିଟି କହୁ । ପରିଚାଳନା କମିଟିରେ ଏଜେଣ୍ଡା ଭାବେ ଏହା କାହିଁକି ଆଲୋଚନା ହେଉନି ବୋଲି ମଧ୍ୟ ସେ ଚିଠିରେ ଲେଖିଥିଲେ ।