ଜନାର୍ଦ୍ଦନଙ୍କ ବାଡ଼ିରେ ସୁନାର ଫସଲ : ଫଳିଛି ପେନ୍ଥା ପେନ୍ଥା ଅଙ୍ଗୁର, ସପୁରୀ, ଲିଚୁ, ବାଦାମ

ଇଚ୍ଛାଥିଲେ ସୁଯୋଗ ଆପେ ଆପେ ଆସିଥାଏ । ଶିକ୍ଷିତ ହୋଇବି ଚାକିରୀ ପଛରେ ନଦୌଡି ଅକ୍ଲାନ୍ତ ପରିଶ୍ରମ କରି କୃଷିକୁ ଆପଣାଇଛନ୍ତି ସୁବର୍ଣ୍ଣପୁର ଜିଲ୍ଲାର ଦନାର୍ଦ୍ଦନ । ସେ ଉଦ୍ୟାନ କୃଷି  ସହିତ ମାଛଚାଷ, ଫୁଲ ଓ ଔଷଧୀୟ ଗଛ ଲଗାଇଛନ୍ତି । ତେବେ କେବେଳ ଚାଷ ନୁହେଁ ଓଡିଆ ସିରିଏଲ, ସମ୍ବଲପୁରୀ ଫିଲ୍ମ ଓ ନାଟକରେ ଅଭିନୟ କରି ଚାଷୀ  ଦନାର୍ଦ୍ଦନ ସୃଷ୍ଟି  କରିଛନ୍ତି ନିଜର ପରିଚୟ । ନିଜେ ସ୍ୱାବଳମ୍ବୀ ହେବା ସହିତ ୧୦ ରୁ ୧୨ ଜଣଙ୍କୁୁ ଦେଇଛନ୍ତି ରୋଜଗାର ।

ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ ସେଲେଡି ଗାଁଁର ସଫଳ ଚାଷି ଦନାର୍ଦ୍ଦନ ପ୍ରଧାନ । ୧୯୯୧ ମସିହାରେ  ସୋନପୁର  କଲେଜରେ  ଗ୍ରାଜୁଏସନ ପାସ କଲାପରେ ଚାକିରୀ  ପଛରେ  ନଦୈାଡି ଚାଷ କରିବାକୁ ମନ ବଳାଇଥିଲେ । ଦୀର୍ଘ ୨୦ ବର୍ଷର ଅକ୍ଲାନ୍ତ ପରିଶ୍ରମ କରିବା  ପରେ ଏବେ ସେ ଜଣେ ସଫଳ ଚାଷୀ । 

ଦନାର୍ଦ୍ଦନଙ୍କ ପରିଶ୍ରମ ବଗିଚାରେ ଦେଖିବାକୁ ମିଳୁଛି । ତାଙ୍କ ବାଡ଼ିରେ ଫଲିଛି ପେନ୍ଥା ପେନ୍ଥା ଅଙ୍ଗୁର,  ସପୁରୀ, ଲିଚୁ, ବାଦାମ,୧୦ ପ୍ରକାରର ଆମ୍ବ, ପିଜୁଳି, କରମଙ୍ଗା । କେବଳ ଏତିକି ନୁହେଁ ସେ ବାଡ଼ିରେ ବିଭିନ୍ନ ପ୍ର୍ରକାରର ଫୁୁଲ ସହ  ଅନେକ ପ୍ରଜାତିର ଔଷଧୀୟ ବୃକ୍ଷ ବି ଲଗାଇଛନ୍ତି । ଏପରିକି ଜଳ ସଂରକ୍ଷଣକୁ ଦୃଷ୍ଟିରେ  ରଖି  ପୂରା ବଗିଚାକୁୁ ବୁଦା ଜଳ ସେଚନ ବ୍ୟବସ୍ଥା କରିଥିବା  ବେଳେ  ଦୁୁଇ ଫସଲି ଧାନ ସହ କରୁଛନ୍ତି ମାଛ ଚାଷ । ଖାଲି  ସେତିକି  ନୁହେଁଁ ଓଡିଆ ସିରିଏଲ ସିନ୍ଦୁର ବିନ୍ଦ୍‌ୁ,ସମ୍ବଲପୁରୀ ଫିଲ୍ମ  ଓ ୫୦ଟି ନାଟକରେ ଅଭିନୟ କରି ଜିଲ୍ଲାରେ ଏକ ସ୍ୱତନ୍ତ୍ର  ପରିଚୟ ସୃଷ୍ଟି କରିିଛନ୍ତି ।                                                       
ଗତ ୨୦ ବର୍ଷ ଧରି ୧୦ ଏକର ପରିମିତି ଟାଙ୍ଗରା  ଭୁଇଁକୁ  ସବୁୁଜିମା  ଭରି ଦେଇଛନ୍ତିି ଦନାର୍ଦ୍ଦନ । ନିଜେ ସ୍ୱାବଳମ୍ବୀ ହେବା  ସହିତ ୧୦  ରୁ ୧୨ ଜଣଙ୍କୁ କୃୃଷି କାର୍ଯ୍ୟରେ ନିୟୋଜିତ କରି ଦେଉଛନ୍ତିି  ରୋଜଗାର । ସେପଟେ କୃୃଷି  ଅର୍ଥନିତିକୁ ଦୁଇଗୁୁଣା କରିବା ଲକ୍ଷରେ ଦନାର୍ଦ୍ଦନ ସମ୍ବଳିତ କୃୃଷିିକ  ଆପଣାଇଥିବା  ବେଳେ ପ୍ରକୃୃତି ବନ୍ଧୁ  ପୁୁରସ୍କାର ସହ ଜଣେ ସଫଲ ଚାଷୀ ଭାବେ ଜିଲ୍ଲା  ତଥା  ରାଜ୍ୟ ଓ ରାଜ୍ୟ ବାହାରେ ପୁରସ୍କୃୃତ ହୋଇ ଅନ୍ୟ ଚାଷୀଙ୍କ ପାଇଁ ପାଲଟିଛନ୍ତି ଉଦାହରଣ ।