ଭଦ୍ରକ କଲେଜରେ ଆଡମିଶନ ଘୋଟଲା: ମାର୍କ ସତ, ସାର୍ଟିଫିକେଟ୍ ମିଛ !

ଭଦ୍ରକ: ଭଦ୍ରକ କଲେଜରେ ଆଡମିଶନ ଘୋଟଲା ମାମଲାରେ ଭୁବନେଶ୍ୱରରେ ବିକ୍ଷୋଭ। ABVP ପକ୍ଷରୁ ମାଷ୍ଟରକ୍ୟାଣ୍ଟିନ୍ ଛକରେ ବିକ୍ଷୋଭ ପ୍ରଦର୍ଶନ କରିଛନ୍ତି ଛାତ୍ରଛାତ୍ରୀ। ଭଦ୍ରକ କଲେଜ୍ ଆଡମିଶନ କେଳେଙ୍କାରୀ ମାମଲାରେ ସଂପୃକ୍ତ ବ୍ୟକ୍ତିଙ୍କୁ ତୁରନ୍ତ ଗିରଫ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି। ଜାଲ୍ ଦିବ୍ୟାଙ୍ଗ ସାର୍ଟିଫିକେଟ ଦେଇ ଭଦ୍ରକ କଲେଜରେ ଆଡମିଶନ ଅଭିଯୋଗ ହୋଇଛି। ୮୦ ପ୍ରତିଶତ ମାର୍କ ରଖି ପିଲା ସିଟ୍ ପାଉନାହାନ୍ତି, ଅଥଚ ୪୦ ପ୍ରତିଶତ ମାର୍କ ଥିବା ପିଲା କଲେଜରେ ନାଁ ଲେଖାଉଥିବା ଅଭିଯୋଗ ହୋଇଛି।   

 ABVPର ଅଭିଯୋଗ ଅନୁସାରେ, ଏହି କଲେଜରେ ବେଆଇନ୍‌ ତଥା ଜାଲ ସାର୍ଟିଫିକେଟ୍ ଭାବରେ ଆଡମିଶନ୍ ହୋଇଛନ୍ତି। ଏହା ପଛରେ  ବିଜେଡିର ରାଜ୍ୟ ଯୁଗ୍ମ ସମ୍ପାଦକ ହିଁ ସେମାନଙ୍କୁ ଆଡମିଶନ୍ କରାଇଛନ୍ତି। ଏମିତି ଜଣେ ନୁହେଁ, ୪ ଜଣ ପିଲାଙ୍କୁ ଆଡମିଶନ୍ କରାଇଛନ୍ତି। ସେମାନଙ୍କ ଠାରୁ ୩୦ରୁ ୪୦ ହଜାର ଟଙ୍କା ନେଇଛନ୍ତି। ସେମାନଙ୍କ ବିରୋଧରେ ସରକାର ଦୃଢ କାର୍ଯ୍ୟାନୁଷ୍ଠାନ ନିଅନ୍ତୁ। ଏହାସହ ଭଦ୍ରକ ସ୍ୱୟଂଶାସିତ ମହାବିଦ୍ୟାଳୟର ଅଧ୍ୟକ୍ଷ, ଅଧ୍ୟାପକ ଓ ଅଧ୍ୟାପିକାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯାଉ।