LIVE TV
ବାଘ ପାଇଁ ଭିଟାମାଟି ଛାଡ଼ିବାକୁ ପ୍ରସ୍ତୁତ ଗାଁ ଲୋକେ। ଜୈବ ବିବିଧତାର ସଂରକ୍ଷଣ ସହ ସାତକୋଶିଆ ବ୍ୟାଘ୍ର ପ୍ରକଳ୍ପର ଭବିଷ୍ୟତକୁ ଦୃଷ୍ଟିରେ ରଖି ଅଭୟାରଣ୍ୟ ଭିତରେ ଥିବା ଅସନବାହାଳ ଗ୍ରାମବସୀ ନିଜ ଭିଟାମାଟି ତ୍ୟାଗ କରି ବିସ୍ଥାପିତ ହେବାକୁ ଯାଉଛନ୍ତି । ୧୯୭୬ ମସିହାରେ ସାତକୋଶିଆ ଅଭୟାରଣ୍ୟ ଭାବେ ଘୋଷଣା ହୋଇଥିଲା ।
ଅଭୟାରଣ୍ୟ ପାଇଁ ପ୍ରଣୀତ ଆଇନ୍ ଓ ନିୟମାବଳୀ ଗ୍ରାମବାସୀଙ୍କୁ ପ୍ରଭାବିତ କରିଥିଲା । ବନ ବିଭାଗର ଆଇନଗତ କଟକଣା ଗ୍ରାମବାସୀଙ୍କ ଜୀବନଜୀବିକା, ସାମାଜିକ ଓ ଅର୍ଥନୈତିକ ବ୍ୟବସ୍ଥା ଉପରେ ପ୍ରଭାବ ପକାଇଥିଲା । ୨୦୦୬ ମସିହାର ପ୍ରଣୀତ ଜାତୀୟ ଆଇନ, ଜଙ୍ଗଲ ଅଧିକାର ଅଧିନିୟମ ମଧ୍ୟ ଗ୍ରାମବାସୀଙ୍କ ଭାଗ୍ୟକୁ ବଦଳାଇ ପାରିନଥିଲା ।
Also Read
ଅଭୟାରଣ୍ୟରେ ମୂଲମଜୁରି ନ ମିଳିବା, ସ୍କୁଲ ବନ୍ଦହେବା ଓ ରାସ୍ତାଘାଟର ଉନ୍ନତି ନ ହେବା ନେଇ ଗ୍ରାମବାସୀ ଜିଲ୍ଲା ପ୍ରଶାସନ, ବନ ବିଭାଗ ଏବଂ ଜନ ପ୍ରତିନିମାନଙ୍କୁ ବାରମ୍ବାର ଅଭିଯୋଗ କରିଥିଲେ । ୨୦୦୭ ମସିହାରେ ସାତକୋଶିଆ ବ୍ୟାଘ୍ର ପ୍ରକଳ୍ପର ମାନ୍ୟତା ପାଇବା ପରେ ସ୍ଥାନାନ୍ତର ବିସ୍ଥାପନ ପ୍ରକ୍ରିୟା ବନ ବିଭାଗ ପକ୍ଷରୁ ଆରମ୍ଭ ହେଲା । ବ୍ୟାଘ୍ର ପ୍ରକଳ୍ପ ପାଇଁ ପ୍ରଥମେ ରାଇଗୋଡ଼ା ଗ୍ରାମବାସୀ ବିସ୍ଥାପିତ ହୋଇଥିବାବେଳେ ଏବେ ଅଶନବାହାଳ ଗ୍ରାମବାସୀ ବିସ୍ଥାପିତ ହେବାକୁ ବନ ବିଭାଗ ଓ ଜିଲ୍ଲା ପ୍ରଶାସନକୁ ସମ୍ମତି ପ୍ରଦାନ କରିଛନ୍ତି ।
