LIVE TV
ଅନ୍ୟ ଜାତିରେ ଝିଅ ବାହା ହେଲା, ୧୮ ଘଣ୍ଟା ଧରି ଘର ଭିତରେ ମାଆର ଶବ ପଡ଼ିରହିଲା । ହୁଏତ ଏହି ଘଟଣା ଶୁଣିବା ପରେ ଆଶ୍ଚର୍ଯ୍ୟ ଲାଗିବ । ପ୍ରଶ୍ନ ଉଠୁଛି ଯେ ଆଜିର ସଭ୍ୟ ସମାଜରେ କଣ ମଣିଷ ଟିକିଏ ବି ବଦଳିନି? ମାଆ ଶବ ପାଖରେ ବାହୁନି ହୋଇ କାନ୍ଦୁଛି ଝିଅ । ମାଆ ଆଉ ଏ ଦୁନିଆରେ ନାହିଁ। ହେଲେ ତାକୁ ଶ୍ମଶାନ ନେବା ପାଇଁ କେହି ନାହିଁ। ୟାକୁ ତାକୁ ଗୁହାରି କଲେ ବି କେହି ଶୁଣିବାର ନାହିଁ। କାରଣ ଏଇ ଝିଅଟି କୁଆଡ଼େ ଅନ୍ୟ ଜାତିରେ ବିବାହ କରିଛି। ତେଣୁ ତା ବାପଘରକୁ ଗାଁରୁ ବାସନ୍ଦ କରିଥିଲେ ଗାଁ ଲୋକେ।
ସ୍ଥିତି ଏମିତି ହେଲା ଯେ, ମରିଗଲା ପରେ କାନ୍ଧ ଦେବାକୁ ଗାଁରୁ ସାହିପଡ଼ିଶା କେହି ଆସିଲେଣି । ଏମିତି ଏକ ଅଭାବନୀୟ ଘଟଣା ଘଟିଛି ବୌଦ୍ଧ ଜିଲ୍ଲା ବୌଦ୍ଧ ବ୍ଲକ୍ ଅନ୍ତର୍ଗତ ବଲାସୀଙ୍ଗା ଗ୍ରାମରେ । ଏଇ ଗ୍ରାମର ସୁଲଭ ପ୍ରଧାନଙ୍କ ଝିଅ ଜମ୍ବୁ ପ୍ରଧାନ ଅନ୍ୟ ଏକ ଜାତିରେ ବିବାହ କରିଥିଲେ । ଅନ୍ୟ ଜାତିରେ ବିବାହ କରିବାରୁ ଗ୍ରାମବାସୀ ତାଙ୍କୁ ଗାଁରୁ ବାସନ୍ଦ କରିଥିଲେ। ହେଲେ ବିଳମ୍ବିତ ରାତିରେ ଜମ୍ବୁଙ୍କ ମାଆଙ୍କ ଦେହାନ୍ତ ହୋଇଥିଲା। ଆଉ ମାଆର ମୃତ୍ୟୁ ଖବର ପାଇବା ପରେ ଜମ୍ବୁ ବାପଘର ଗାଁକୁ ଧାଇଁ ଆସିଥିଲେ ମାଆର ଶବସତ୍କାର କରିବା ପାଇଁ ।
Also Read
ହେଲେ ମାଆର ଶବକୁ ଛୁଇଁବା ପାଇଁ ଗ୍ରାମବାସୀଙ୍କ ବାରଣ ସତ୍ତ୍ୱେ ଘର ଏରୁଣ୍ଡି ରେ ଜଗି ବସି ରହିଥିଲେ। ଜନ୍ମ କଲା ମାର ଶବ ସତ୍କାର ପାଇଁ ସତେ ଯେପରି ଅକ୍ଷମ ହୋଇପଡ଼ିଥିଲେ ଝିଅ । ବାରମ୍ବାର ଗୁହାରି ପରେ ବି ମାଆଙ୍କ ସବ ସତ୍କାର କରିବା ପାଇଁ ଗାଁ ଲୋକେ ଆସିନଥିଲେ। ତେବେ ଝିଅର କେହି ନଥିବାରୁ ଏବଂ ଜାତି ଭେଦ ପାଇଁ ଗ୍ରାମବାସୀ ମଧ୍ୟ ପାଖକୁ ଆସିଲେ ନାହିଁ। ଆଉ ଏହି ଖବର ସହରର ଗଙ୍ଗାଧର ମେହେର ସ୍ବେଛାସେବୀ ସଂଗଠନ ପାଖରେ ପହଞ୍ଚିବା ପରେ ସଂଗଠନ ଶବ ସତ୍କାର ପାଇଁ ଆଗେଇ ଆସିଥିଲା।
ଶବକୁ ଉଦ୍ଧାର କରି ମହାପ୍ରୟାଣ ଗାଡ଼ି ଦ୍ଵାରା ରାଜଘାଟକୁ ନେବା ସହିତ ଝିଅ ଜମ୍ବୁଙ୍କୁ ମୁଖାଗ୍ନି ଦେବାର ସମସ୍ତ ପ୍ରକାର ସହଯୋଗ ବି କରିଥିଲା। ଶେଷରେ ମାଆକୁ ଝିଅ ଜମ୍ବୁ ହିଁ ମୁଖାଗ୍ନି ଦେଇଥିଲେ ।
ରିପୋର୍ଟର- ଦୀପକ ଆଦାର
