ନଇକୁ ଧରିବାକୁ ଯାଇଥିଲେ ମାଛ, ବଂଶି କଣ୍ଟାରେ ଲାଗିଲା କୃଷ୍ଣମୂର୍ତ୍ତି

ମାଛ ଧରିବାକୁ ନଈକୁ ଯାଇଥିଲେ, ପାଇଲେ କୃଷ୍ଣ ମୂର୍ତ୍ତି। ବଂଶି କଂଟାରେ ମାଛ ଧରିବେ କଣ ବରଂ ଦେଢ ଫୁଟିଆ କୃଷ୍ଣ ମୂର୍ତ୍ତି ନେଇ ଘରକୁ ଫେରିଲେ। ଏମିତି ଏକ ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା କୁଆଖିଆ ଥାନା ଶ୍ରୀବନ୍ତପୁର ଅଞ୍ଚଳରେ। ଉଦ୍ଧାର ହୋଇଥିବା ପ୍ରତିମୂର୍ତ୍ତୀର ଉଚ୍ଚତା ପାଖାପାଖି ଦେଢ଼ ଫୁଟ ହେବ।

ସୂଚନା ଅନୁସାରେ, ଶ୍ରୀବନ୍ତପୁର ଅଞ୍ଚଳର ଜଣେ ବ୍ୟକ୍ତି ଖରସ୍ରୋତା ନଦୀରେ କଣ୍ଟା ପକାଇ ମାଛ ଧରୁଥିବା ସମୟରେ କଣ୍ଟାରେ ଏକ ଓଜନିଆ ଜିନିଷ ଲାଗିଥିଲା। ତେବେ ବଡ଼ ମାଛ କଣ୍ଟାରେ ଲାଗିଥିବା ଅନୁମାନ କରି ସେ ପାଣିରେ ବୁଡି ଦେଖିବାରୁ ଏହା ଭଗବାନ ଶ୍ରୀକୃଷ୍ଣଙ୍କର ପ୍ରତିମୂର୍ତ୍ତି ବୋଲି ଜଣାପଡିଥିଲା। ପରେ ପାଣିରୁ ଏଇ ମୂର୍ତ୍ତିକୁ ଉଦ୍ଧାର କରାଯାଇଥିଲା।

ଏହା ଏକ ମୁଗୁନି ପଥର ମୂର୍ତ୍ତି ହୋଇଥିବା ବେଳେ ଏହାର ଉଚ୍ଚତା ପାଖାପାଖି ଦେଢ଼ ଫୁଟ ହେବ। ମୂର୍ତ୍ତିଟିକୁ ଉଦ୍ଧାର କରାଯିବା ପରେ ତାହାକୁ ଶ୍ରୀବନ୍ତପୁର ଗ୍ରାମର ଠାକୁର ଘରେ ରଖାଯାଇଛି। ତେବେ ଭଗବାନ ଶ୍ରୀକୃଷ୍ଣଙ୍କର ଏତେ ସୁନ୍ଦର ପ୍ରତିମୂର୍ତ୍ତି ନଦୀ ଗର୍ଭକୁ କିପରି ଆସିଲା, ସେନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି ।

ରିପୋର୍ଟର- ଜନ୍ମେଜୟ ଦାସ