ଉପହାରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଝେଲା ଶାଢ଼ି

ମୟୂରଭଞ୍ଜ ଜିଲ୍ଳା କୁଳିଆଣାଠାରେ ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟ ଉଦଘାଟନ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମର୍ମୁ । ଏହି ଅବସରରେ ରାଷ୍ଟ୍ରପତି କହିଛନ୍ତି, ଓଡ଼ିଶାର ୯୦ ସ୍କୁଲ ମଧ୍ୟରୁ ମୟୂରଭଞ୍ଜ ଜିଲ୍ଲାରେ ସର୍ବାଧିକ ୧୯ଟି ଏକଲବ୍ୟ ସ୍କୁଲ୍ ତିଆରି ଚାଲିଛି । ଏଠାରେ ଇଂଲିଶ ମିଡିୟମ୍ ସ୍କୁଲରେ ୫୦୦ ପିଲା ପାଠ ପଢିବେ ।

ରାଷ୍ଟ୍ରପତି ହିସାବରେ ମୋର ଗୁରୁ ଦାୟିତ୍ୱ ରହିଛି । ମାଟି ମା’ର ଆହ୍ୱାନ କ୍ରମେ ମୁଁ ଆଜି ଏହି ସ୍କୁଲର ଉଦଘାଟନ କରୁଛି ବୋଲି କହିଛନ୍ତି ରାଷ୍ଟ୍ରପତି । ୪୦ କୋଟି ଟଙ୍କାର ଏତେ ବଡ଼ ସ୍କୁଲ୍ ଦେଖି ମୋତେ ଖୁସି ଲାଗୁଥିବା କହିଛନ୍ତି ଦ୍ରୌପଦୀ ମୁର୍ମୁ ।

ସେପଟେ ସର୍ବଭାରତୀୟ ସାନ୍ତାଳୀ ଲେଖକ ସଂଘର ଅଧିବେଶନରେ ଆଜି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ସାନ୍ତାଳୀ ଶାଢ଼ି ଉପଢୗକନ ଦେଇ ସମ୍ବର୍ଦ୍ଧିତ କରାଯାଇଛି । ପ୍ରଥମ ଉପହାରରେ ଏକ ରୁପା ନିର୍ମିତ ସାନ୍ତାଳୀ ଆସୋସିଏସନର ଲୋଗୋକୁ ଦିଆହୋଇଥିବା ବେଳେ ଅନ୍ୟଟି ଆଦିବାସୀଙ୍କ ପାରମ୍ପରିକ ଶାଢ଼ି ମଧ୍ୟ ଦିଆଯାଇଛି ।

ଟସରରେ ଟିଆରୀ ଏହି ଶାଢ଼ି ଯେଉଁଥିରେ କି ସମ୍ବଲପୁରୀ ଆଞ୍ଚଲ ରହିଛି, ଯାହା ଓଡ଼ିଶାର ଦୁଇଟି ବାର୍ତ୍ତାକୁ ପ୍ରତିଫଳନ କରିବ । ଗୋଟିଏ ହେଉଛି ସାନ୍ତାଳୀଙ୍କ ପରମ୍ପରା ଓ ଅନ୍ୟଟି ଓଡିଶାର ଛାପ ଚମକାଇବ । ଏହି ଶାଢ଼ିକୁ ଝେଲା ଶାଢ଼ି ବୋଲି ସାଧାରଣତଃ କୁହାଯାଇଥାଏ । ରାଷ୍ଟ୍ରପତିଙ୍କୁ ଦିଆ ହୋଇଥିବା ପାରମ୍ପରିକ ଶାଢ଼ିଟି ସାଧାରଣତଃ ଆଦିବାସୀ ମାନେ ପୂଜା ପାଠ କରିଥାନ୍ତି ।