ଜଳିପୋଡ଼ି ପାଉଁଶ ହୋଇଗଲା ଲକ୍ଷ ଲକ୍ଷ ଟଙ୍କାର ପାଣି ପାଇପ୍‌

ରାତି ଅଧରେ ନିଆଁ ଲାଗି ଜଳିଗଲା ଲକ୍ଷ୍ ଲକ୍ଷ ଟଙ୍କାର ପାଇପ୍ । ପାନୀୟ ଜଳ ଯୋଗାଣ ପ୍ରକଳ୍ପ ପାଇଁ ଆସିଥିବା ପାଇପ୍ ଗଦା ଜଳିଯାଇଛି । ଗତ ରାତିରେ ବରଗଡ଼ ଜିଲ୍ଲା ଗାଇସିଲେଟ୍ ବ୍ଲକର ତେଲିପାଲି ପଡ଼ିଆରେ ରହିଥିବା ପ୍ଲାଷ୍ଟିକ ପାଇପ୍‌ ଗୁଡିକ ଜଳିଯାଇଛି ।

ସୂଚନାନୁଯାୟୀ କୌଣସି କାରଣରୁ ରାତି ୨ରୁ ୩ଟା ଭିତରେ ପାଇପରେ ନିଆଁ ଲାଗିଯାଇଥିଲା । ଏହାପରେ ପାଇପ୍‌ ଗୁଡ଼ିକ ହୁତୁହୁତୁ ହୋଇ ଜଳିଥିଲା । ଖବର ପାଇ ଅଗ୍ନଶମ ବାହିନୀ ଓ ବନ ବିଭାଗ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ । ପୋଲିସ ପକ୍ଷରୁ ଘଟଣାର ତଦନ୍ତ ଚାଲିଛି ।

ତେବେ କେଉଁ କରଣରୁ ଅଗ୍ନିକାଣ୍ଡ ହେଲା ଓ ଲକ୍ଷ ଲକ୍ଷ ଟଙ୍କାର ପାଇପ୍ ଜଳିଗଲା, ସେନେଇ ଚର୍ଚ୍ଚା ଜୋର ଧରିଛି । ଅନ୍ୟପକ୍ଷରେ ପାଇପଗୁଡ଼ିକ ପୋଡ଼ି ପାଉଁଶ ହୋଇଯାଇଥିବାରୁ ଜଳ ଯୋଗାଣ ପ୍ରକଳ୍ପରେ ପାଇପ ବିଛା କାମ ବିଳମ୍ବ ହେବା ଆଶଙ୍କା ମଧ୍ୟ ଦେଖାଯାଇଛି ।