LIVE TV
ମଣିଷମାନେ ସାଇକେଲ ଚଲାଉଥିବାର ଦେଖିବା ଏକ ନୂଆ କଥା ନୁହେଁ, କିନ୍ତୁ ଯଦି କୌଣସି ପଶୁ କିମ୍ବା ପକ୍ଷୀ ସାଇକେଲ ଚଲାଉଥିବା ଦେଖାଯାଏ ତେବେ ଏହା ନିଶ୍ଚିତ ଆଶ୍ଚର୍ଯ୍ୟ କରିବା ଭଳି ଦୃଶ୍ୟ। ଏହିପରି ଜଣେ ଆଥଲେଟ୍ ଶୁଆ ସୋସିଆଲ୍ ମିଡିଆରେ ଚର୍ଚ୍ଚାରେ ରହିଛି। ଏହି ଛୋଟ ଶୁଆଟି ଏକ ଜବରଦସ୍ତ ସନ୍ତୁଳନ ରକ୍ଷାକରି ସାଇକେଲ୍ ଚଲାଉଥିବା ଦେଖାଯାଏ।
କୌତୁହଳର ବିଷୟ ହେଉଛି ଏହି ପାରାଟି ନିଜେ ସାଇକେଲ୍ରେ ବସିଯାଉଛି ଆଉ ତା’ପରେ ଏହାକୁ ଚଳାଇବା ଆରମ୍ଭ କରୁଛି। ସୋସିଆଲ ମିଡିଆ ବ୍ୟବହାରକାରୀମାନେ ଏହି ଭିଡିଓକୁ ବହୁତ ପସନ୍ଦ କରୁଛନ୍ତି। ଆପଣ ମଧ୍ୟ ଏହି ଭିଡିଓ ଦେଖିବା ପରେ ହସିବା ଆରମ୍ଭ କରିବେ। ଶୁଆଟି ସାଇକେଲ ଚଲେଇବାରେ ଏତେ ସିଦ୍ଧହସ୍ତ ଯେ ଆପଣ ଦେଖିଲା ପରେ ଭାବିବେ ସେ ଏଥିପାଇଁ ନିଶ୍ଚିତ ତାଲିମ ନେଇଛି। ଆପଣ ମଧ୍ୟ ଏହି ମଜାଳିଆ ଭିଡିଓଟି ଦେଖିବା ନିହାତି ଜରୁରୀ।
Also Read
ଭାଇରାଲ ହେଉଥିବା ଏହି ଭିଡିଓରେ, ଆପଣ ଦେଖିପାରିବେ ଯେ ଟେବୁଲ ଉପରେ ରଖାଯାଇଥିବା ଏକ ଛୋଟ ସାଇକେଲ ନିକଟରେ ଏକ ଶୁଆଟେ ଯାଉ ପହଞ୍ଚିଯାଏ। ଏହା ପରେ ସେ ଅତି ଆରାମରେ ବସି ତୁରନ୍ତ ପେଡାଲ ମାରିବା ଆରମ୍ଭ କରିଦିଏ। ଭିଡିଓରେ ଶୁଆଟି କେବଳ ଯେ ମଜାର ସହ ସାଇକେଲ ଚଳାଉ ନାହିଁ, ବରଂ ସାଇକେଲର ହେଣ୍ଡ୍ୟାଲ୍କୁ ମଧ୍ୟ ନିୟନ୍ତ୍ରଣ କରୁଥିବା ଦେଖାଯାଉଛି। ଶୁଆଟିର ଏହି ସୁନ୍ଦର ଭିଡିଓଟି ଇନ୍ଷ୍ଟାଗ୍ରାମ୍ରେ cutepetswild ନାମକ ଏକ ପୃଷ୍ଠାରେ ଶେୟାର କରାଯାଇଛି।
ଭିଡିଓ ଅପଲୋଡ୍ କରିବାର କିଛି ସମୟ ମଧ୍ୟରେ ହଜାର ହଜାର ଲୋକ ଏହି ଭିଡିଓକୁ ପସନ୍ଦ କରିଛନ୍ତି। ଭିଡିଓ ବ୍ୟବହାରକାରୀମାନେ ବହୁତ ପସନ୍ଦ କରନ୍ତି ଏବଂ ନିଜ ନିଜ ଅନୁସାରେ ପ୍ରତିକ୍ରିୟା ଦେଉଛନ୍ତି। ଜଣେ ଉପଭୋକ୍ତା ଶୁଆଟିର ବୁଦ୍ଧିମତାକୁ ପ୍ରଶଂସା କରି କହିଛନ୍ତି ଯେ ମୁଁ ଏହା ଦେଖି ବହୁତ ଆଶ୍ଚର୍ଯ୍ୟ ହୋଇଯାଉଛି କାରଣ ମୁଁ ୩ ଚକିଆ ସାଇକେଲ୍ ବି ଚଲେଇ ପାରିନି କିନ୍ତୁ ଏ ଶୁଆ….।” ଅନେକ ଉପଭୋକ୍ତା ଏହାକୁ ପରସ୍ପରର ନାମରେ ଟ୍ୟାଗ୍ ମଧ୍ୟ କରୁଛନ୍ତି।
