ସ୍କୁଲ୍‌ ଫି ନଦେବାରୁ ପିଲାଙ୍କୁ ବନ୍ଦୀ

ସ୍କୁଲ୍‌ ଫି ନଦେବାରୁ ସ୍କୁଲରେ ବନ୍ଦ ରହିଲେ କୁନି ଛାତ୍ରଛାତ୍ରୀ । ସ୍କୁଲ କର୍ତ୍ତପକ୍ଷଙ୍କ ଏଭଳି ମନମୁଖୀ କାରବାରକୁ ନେଇ ଅଭିଭାବକଙ୍କ ଅସନ୍ତୁଷ୍ଟ ବ୍ୟକ୍ତ କରିଛନ୍ତି । ଘାଟିକିଆ ସ୍ଥିତ ଘରୋଇ ସ୍କୁଲ ଆଗରେ ଅଭିଭାବକଙ୍କ ଧାରଣା ଦେଇଛନ୍ତି ।

ସ୍କୁଲ ଫି ନଦେବାରୁ ଗତକାଲି ୫ ଘଣ୍ଟା ଧରି ୩୪ ଜଣ ପିଲାଙ୍କୁ ସ୍କୁଲ ଘରେ କର୍ତ୍ତୃପକ୍ଷ ବନ୍ଦ କରି ରଖିଥିବା ଅଭିଯୋଗ ହୋଇଛି । ଏନେଇ ଭରତପୁର ଥାନାରେ ଅଭିଯୋଗ ସହ ଶିଶୁ ସୁରକ୍ଷା ଆୟୋଗଙ୍କ ନିକଟରେ ଫେରାଦ ହୋଇଛନ୍ତି ଅଭିଭାବକ । ତେବେ ଘଟଣାରେ ପୋଲିସ ତଦନ୍ତ କରି ଜଣେ ସ୍କୁଲ କର୍ତ୍ତୃପକ୍ଷଙ୍କୁ ଅଟକ ରଖିଥିବା ସୂଚନା ମିଳିଛି ।