ସମ୍ବଲପୁରରେ ସମୂହ ଧାର୍ମିକ ଶୋଭାଯାତ୍ରା ଉପରେ କଟକଣା। ଜିଲ୍ଲାରେ ସାମ୍ପ୍ରଦାୟିକ ସଦ୍ଭାବ ରକ୍ଷା ଉଦ୍ଦେଶ୍ୟରେ ବର୍ଷେ ପାଇଁ କୌଣସି ବଡ ଧରଣର ସମୂହ ଧାର୍ମିକ ଶୋଭାଯାତ୍ରା ନକରିବାକୁ ନିଷ୍ପତ୍ତି ନିଆଯାଇଛି।
ମହରମ୍ ପାଳନ ନେଇ ଗତକାଲି ଶାନ୍ତି କମିଟି ବୈଠକ ବସିଥିଲା। ଏଥିରେ ପୂର୍ବବର୍ଷ ଭଳି ମିଳିତ ଧାର୍ମିକ ଶୋଭାଯାତ୍ରା ବନ୍ଦ କରିବା ପାଇଁ ନିଷ୍ପତ୍ତି ହୋଇଛି। ପରମ୍ପରା ମୁତାବକ ଧାର୍ମିକ ରୀତିନୀତିରେ ପର୍ବ ପାଳନ କରାଯିବ। ମହରମ ପାଳନ ପୂର୍ବରୁ ଆୟୋଜକ ସ୍ଥାନୀୟ ଥାନାର ଅନୁମତି ନେବାକୁ ପଡ଼ିବ ବୋଲି ଏସ୍ପି ମୁକେଶ ଭାମୁ କହିଛନ୍ତି।
ସୂଚନାଥାଉ କି, ସମ୍ବଲପୁର ରେ ହନୁମାନ ଜୟନ୍ତୀର ଅବ୍ୟବହିତ ପୂର୍ବରୁ ଶୋଭାଯାତ୍ରା ବେଳେ ହିଂସା ଘଟିଥିଲା। ଦୁଇ ଗୋଷ୍ଠୀ ମଧ୍ୟରେ ଛକାପଞ୍ଝା ଲାଗି ରହିବାରୁ ଜିଲ୍ଲାରେ ୧୪୪ ଧାରି ଜାରି ହୋଇଥିଲା। ଏପରିକି ସେହି ସମୟରେ ଇଣ୍ଟରନେଟ୍ ସେବା ବନ୍ଦ କରାଯିବା ସହ ପୋଲିସ ଫ୍ଲାଗ୍ମାର୍ଚ୍ଚ କରିଥିଲା।
Also Read
ଘଟଣାରେ ଏବେବି କିଛି ଲୋକ ଗିରଫ ହୋଇ ଜେଲ୍ରେ ଅଛନ୍ତି। ଏଭଳି ସ୍ଥିତିରେ ଆଗକୁ ସମୂହ ଧାର୍ମିକ ଶୋଭଯାତ୍ରା ଉପରେ ପ୍ରଶାସନ କଟକଣା ଲଗାଇଛି।