କୋହିନୂର କାହାର? ବ୍ରିଟିଶରଙ୍କ ନାଁ ଭାରତୀୟଙ୍କ ? ଏଭଳି ପ୍ରଶ୍ନ ପୁଣି ଥରେ ଉଠିଛି। ରାଣୀ ଏଲିଜାବେଥ୍ଙ୍କ ମୃତ୍ୟୁ ପରେ କୋହିନୂରଙ୍କୁ ଫେରାଇ ଆଣିବାକୁ ଦାବି ହୋଇଛି। ହେଲେ ଏହି ଦାବି ଭିତରେ ଏବେ କୋହିନୂର ମହାପ୍ରଭୁଙ୍କ ବୋଲି ପୁଣି ଦାବି ତେଜିଛି। ଶିଖ୍ ରାଜା ରଞ୍ଜୀତ ସିଂହ ପୁରୀ ଗସ୍ତ ବେଳେ କୋହିନୂରଙ୍କୁ ମହାପ୍ରଭୁଙ୍କୁ ଦାନ କରିବେ ବୋଲି ଘୋଷଣା କରିଥିଲେ।
କିନ୍ତୁ ପରବର୍ତ୍ତୀ ସମୟରେ ତାଙ୍କ ମୃତ୍ୟୁ ଯୋଗୁଁ ଏହା ହୋଇପାରିନଥିଲା। ଏହାପରେ କୋହିନୁର ବ୍ରିଟିଶରଙ୍କ ପାଖକୁ ଚାଲି ଯାଇଥିଲା। କୋହିନୂର ମହାପ୍ରଭୁଙ୍କ ବୋଲି ଅନେକ ତଥ୍ୟ ପ୍ରମାଣ ରହିଛି ବୋଲି ଐତିହ୍ୟ ବିଷାରଦ ସୁରେନ୍ଦ୍ର ମିଶ୍ର କହିଛନ୍ତି। ଏବେ ସମୟ ଆସିଛି କୋହିନୂରକୁ ଫେରାଇ ଆଣିବା ପାଇଁ ପ୍ରୟାସ ଆରମ୍ଭ ହେଉ ବୋଲି କହିଛନ୍ତି।
ଗତ ୮ ତାରିଖରେ ବ୍ରିଟେନ୍ ରାଣୀ ଏଲିଜାବେଥ୍ ଦ୍ୱିତୀୟଙ୍କ ପରଲୋକ ଘଟିଥିଲା। ତାଙ୍କ ସ୍ବାସ୍ଥ୍ୟବସ୍ଥା ଅତି ଗୁରତର ଥିବା ଅବସ୍ଥାରେ ୯୬ ବର୍ଷ ବୟସରେ ତାଙ୍କର ମୃତ୍ୟୁ ହୋଇଥିଲା। ୯୬ ବର୍ଷିୟା ଏଲିଜାବେଥ୍ ବାର୍ଦ୍ଧକ୍ୟଜନିତ ଅସୁୂସ୍ଥତା କାରଣରୁ ରାଜଧାନୀ ଲଣ୍ଡନ ଛାଡ଼ି ସେ ସ୍କଟଲ୍ୟାଣ୍ଡରେ ରହୁଥିଲେ। ତାଙ୍କ ବିୟୋଗରେ ବ୍ରିଟେନ୍ ୧୦ ଦିନ ବ୍ୟାପୀ ଶୋକ ପାଳନ କରୁଛି। ରବିବାର ଭାରତରେ ଦିନିକିଆ ଶୋକ ପାଳନ କରାଯାଉଛି।
ରିପୋର୍ଟ: ମଧୁସୂଧନ ମିଶ୍ର,ପୁରୀ