ଫେସବୁକରେ ହେଲା ପ୍ରେମ, ୧୫ ଦିନର କଥାବାର୍ତ୍ତାରେ ଗଢିଉଠିଲା ସଂପର୍କ। କଥା ଏତେ ଦୂର ଗଲା ଯେ ଦୁହଁ ନିଜକୁ ଜୀବନ ସାଥୀ କରିବା ପାଇଁ ନେଇଥିଲେ ନିଷ୍ପତ୍ତି। ତେବେ ସବୁ ଫସର ଫାଟିଗଲା ଯେତେବେଳେ ଜଣା ପଡିଲା ପ୍ରେମିକା ଜଣକ ଝିଅ ନୁହେଁ ବରଂ ପୁଅ। ଭଦ୍ରକ ଜିଲ୍ଲା ବାସୁଦେବପୁର ଥାନା କସିଆ ଅଞ୍ଚଳର ଏହି ଘଟଣା ଏବେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି।
ପଶ୍ଚିମବଙ୍ଗ ଚବିଶ ପ୍ରଗଣା ଅଞ୍ଚଳର ପ୍ରେମିକ ଆଲୋକ କୁମାର ମିସ୍ତ୍ରୀ କେନ୍ଦ୍ରାପଡ଼ା ଜମ୍ବୁ ରାମନଗର ଅଞ୍ଚଳର ଜଣେ ଯୁବତୀଙ୍କୁ ସହ ଫେସବୁକରେ ବନ୍ଧୁତା ହୋଇଥିଲା। କିଛି ଦିନ ଚାଟିଂ ପରେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା। ଉଭୟେ ବିବାହ କରିବେ ବୋଲି ନିଷ୍ପତି ନେଇଥିଲେ, ଆଉ ପ୍ରେମିକ ପଶ୍ଚିମବଙ୍ଗରୁ ଓଡିଶା ଆସିଥିଲା।
ଉଭୟ ପ୍ରେମୀ ଚଣ୍ଡିଖୋଲ ନିକଟରେ ଭେଟ ହୋଇ ବିବାହ କରିବେ ବୋଲି ନିଷ୍ପତ୍ତି ନେଇଥିଲେ। ଚଣ୍ଡିଖୋଲରୁ ଉଭୟେ ପ୍ରେମିକର ମାମୁଁ ଘର ବାସୁଦେବପୁର କସିଆ ଅଞ୍ଚଳକୁ ଆସିଥିଲେ। ମାମୁଁ ଘରକୁ ଆସିବା ପରେ ଜଣାପଡିଥିଲା ପ୍ରେମିକା ଜଣକ ପୁଅ। ପ୍ରେମିକର ପରିବାର ଲୋକେ ଏ ନେଇ ପୋଲିସକୁ ଖବର ଦେବାପରେ ପୋଲିସ ତାକୁ ଉଦ୍ଧାର କରିବା ସହ ତାର ପରିବାର ଲୋକଙ୍କୁ ଡ଼କାଇ ହସ୍ତାନ୍ତର କରିଛି।