• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Otv Khabar Bureau

ନ୍ୟାୟ ବଦଳରେ ମିଳିଲା ହତ୍ୟା । ପ୍ରଜାକୋର୍ଟରେ ଜଣକୁ ପିଟିପିଟି ହତ୍ୟା କରାଯାଇଛି । ଗୁଣି ଗାରେଡ଼ିକୁ କେନ୍ଦ୍ର କରି ଏହି ହତ୍ୟାକାଣ୍ଡ ହୋଇଥିବା ଅଭିଯୋଗ ହୋଇଛି । ମାଲକାନଗିରିରେ ଘଟିଛି ଏହି ଅଭାବନୀୟ ଘଟଣା । ମୃତକଙ୍କ ନାଁ ପଦିଆ ମାଡ଼କାମି ହୋଇଥିବା ଜଣାପଡିଛି ।

ଅଭିଯୋଗ ଅନୁଯାୟୀ, ମାଲକାନଗିରି କାଙ୍ଗୁରୁକୁଣ୍ଡା ଗାଁ ଲୋକେ ସନ୍ଦେହ କରୁଥିଲେ ଯେ, ପଦିଆ ମାଡ଼କାମି ଗୁଣିଗାରେଡ଼ି କରୁଛି । ଏହାକୁ ନେଇ ଗାଁରେ ପ୍ରଜାକୋର୍ଟ ଚାଲିଥିଲା । ବୈଠକ ଚାଲିଥିବା ସମୟରେ କିଛି ଲୋକ ଉତ୍ୟକ୍ତ ହୋଇ ଠେଙ୍ଗାରେ ପଦିଆକୁ ପାହାର ପରେ ପାହାର ଦେଇଥିଲେ । କିଛି ସମୟ ପରେ ପଦିଆ ଗୁରୁତର ଆହତ ହୋଇଥିଲେ । ଯାହା ପରେ ଘଟଣାସ୍ଥଳରେ ହିଁ ପଦିଆଙ୍କ ମୃତ୍ୟୁ ହୋଇଥିଲା ।

ତେବେ ରାଜ୍ୟରେ ଅନେକ ମାମଲା ସାମ୍ନାକୁ ଆସୁଛି ଯେଉଁଥିରେ କି ଗୁଣି ଗାରେଡ଼ିକୁ କେନ୍ଦ୍ର କରି ହତ୍ୟାକାଣ୍ଡ କରାଯାଇଥିବାର ଜଣାପଡିଛି । ଅଧିକାଂଶ ଗାଁରେ ଲୋକେ ନିଜ ପୁରାତନ ପ୍ରଥା ଓ ପରମ୍ପରାକୁ ବଜାୟ ରଖିବା ପାଇଁ ଅନ୍ଧ ବିଶ୍ୱାସରେ ବିଶ୍ୱାସ ରଖୁଛନ୍ତି, ଯେଉଁଥିରେ ଗୁଣି ଗାରେଡି ମଧ୍ୟ ଅନ୍ତର୍ଭୁକ୍ତ । ଫଳରେ ରାଜ୍ୟରେ ଗୁଣି ଗାରେଡି ଆଦିକୁ ବିଶ୍ୱାସ କରି ଲୋକେ ଉଦ୍ଦେଶ୍ୟମୂଳକ ତଥା ଅଜାଣତରେ ଅପରାଧମାନ କରୁଛନ୍ତି । ତେବେ ପ୍ରଶାସନ ଏ ଦିଗରେ ତତ୍ପରତା ପ୍ରକାଶ କରି ଲୋକଙ୍କୁ ସଚେତନ କରିବାର ଆବଶ୍ୟକତା ରହିଛି।