କୁନି ଝିଅର ନିଆରା କଣ୍ଠରେ ଅମୃତା ପ୍ରୀତମଙ୍କ କବିତା

ଅମୃତା ପ୍ରୀତମଙ୍କ ପ୍ରତିଷ୍ଠିତ କବିତା ‘ମେଁ ତେନୁ ଫିର୍‌ ମିଲାଙ୍ଗି’ ଏବେବି ଅନେକଙ୍କ ହୃଦୟ ଜିତିବାରେ କ୍ଷମତା ରଖେ। ଏହି କବିତାଟିକୁ ପୂର୍ବରୁ ନାଟକ ଆକାରରେ ପ୍ରଦର୍ଶିତ ହୋଇଛି ଏବଂ ଏହାର ପଂକ୍ତିଗୁଡିକୁ ମଧ୍ୟ ଚଳଚ୍ଚିତ୍ର ଏବଂ ଗୀତରେ ମଧ୍ୟ ଯୋଡା ଯାଇଛି । ଅଭିନେତ୍ରୀ ତାପସୀ ପନ୍ନୁ ମଧ୍ୟ ତାଙ୍କ ଚଳଚ୍ଚିତ୍ର ‘ମନମର୍ଜିଆ’ରେ ଏହି କବିତାର କିଛି ପଂକ୍ତିକୁ ଦୋହରାଇ ଥିଲେ, ଯାହା ଅତ୍ୟନ୍ତ ଚମତ୍କାର ଥିଲା।

ଏବେ ଏହି କଥା ପଡିବାର କାରଣ ହେଉଛି ବର୍ତ୍ତମାନ ଏକ ଛୋଟ ଝିଅ ମଧ୍ୟ ତା’ର ମଧୁର ସ୍ୱରରେ ଏହି କବିତାକୁ ଶୁଣାଉଥିବା ଦେଖାଯାଏ। ଏବେ ଏହାର ଏକ ଭିଡିଓ ସୋସିଆଲ୍ ମିଡିଆରେ ଭାଇରାଲ ହେଉଛି ଏବଂ ଲୋକମାନେ ଏହି ଭିଡିଓକୁ ଇଣ୍ଟର୍‌ନେଟ୍‌ରେ ବହୁତ ପସନ୍ଦ ମଧ୍ୟ କରୁଛନ୍ତି।

Also Read

ବାସ୍ତୁ ବିଚାର- ଘରେ ରଖିନ୍ତୁ ନାହିଁ ଏହି ସବୁ ଜିନିଷ, ହୋଇପାରେ ବିପଦ

ବିଚିତ୍ର ପ୍ରଥା; ବାସରରାତିରେ ବର-କନ୍ୟାଙ୍କ ସହ ଶୋଇଥାଏ ମା’

ଅଜବ ପରମ୍ପରା; ଦା’ରେ କଟାହୁଏ ପୁରୁଷଙ୍କ ଚୁଟି

ତେବେ ଏହି ଭାଇରାଲ୍ ଗାର୍ଲ ସୋସିଆଲ୍ ମିଡିଆରେ ନୂଆ ନୁହନ୍ତି। ତାଙ୍କ ନାମ କିୟାରା ଖାନ୍ନା ହୋଇଥିବା ବେଳେ ସେ ଏହା ପୂର୍ବରୁ ମଧ୍ୟ ଭାଇରାଲ ହୋଇସାରିଛନ୍ତି। ତାଙ୍କର କିୟାରା ଆଡଭାନୀକୁ ନେଇ ପୂର୍ବରୁ ପୋଷ୍ଟ୍ ହୋଇଥିବା ଆଉ ଏକ ଭିଡିଓ ଏବେ ବି ଭାଇରାଲ ହେଉଛି। କିଛି ଦିନ ପୂର୍ବରୁ ସେ ‘ଶେରଶାହ’ର କିଆରା ଆଡଭାନୀଙ୍କ ଏକ ସଂଳାପକୁ କପି କରିଥିଲେ ଏବଂ ଏହି କ୍ଲିପ୍‌କୁ ସିଦ୍ଧାର୍ଥ ମଲ୍‌ହୋତ୍ରା ତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟରେ ପୋଷ୍ଟ୍‌ କରିଥିଲେ।

ତେବେ ବର୍ତ୍ତମାନ ଭାଇରାଲ ହେଉଥିବା ଏହି ଭିଡିଓରେ କିୟାରା ଖାନ୍ନା ତାପସୀ ପନ୍ନୁଙ୍କ ଭଏସ୍ ଓଭର କରି କବିତା ପାଠ କରୁଥିବା ଦେଖିବାକୁ ମିଳେ। ତାଙ୍କର ଭାବଭଙ୍ଗୀ ମଧ୍ୟ ଖୁବ ଚମତ୍କାର। ଏହି ଭିଡିଓଟିକୁ ଦେଖିବା ପରେ ଲୋକମାନେ ଏହାକୁ ପ୍ରଶଂସା ନକରି ନିଜକୁ ଅଟକାଇ ପାରିବେ ନାହିଁ। ଗୋଲାପୀ ସାଲ୍‌ୱାର କାମିଜ୍ ପିନ୍ଧିଥିବା ଏହି ଝିଅର କ୍ଲିପ୍ ସୋସିଆଲ୍ ମିଡିଆରେ ହୃଦୟ କିଣିବାରେ ଲାଗିଛି।

View this post on Instagram

A post shared by Myra & kiara khanna (@shivani.j.khanna)

ଲୋକମାନେ ଏହି ଭିଡିଓରେ ଅନେକ ସୁନ୍ଦର ମନ୍ତବ୍ୟ ମଧ୍ୟ ଦେଉଛନ୍ତି। ଜଣେ ଉପଭୋକ୍ତା ଲେଖିଛନ୍ତି - "ସୁପର ପ୍ରତିଭାଶାଳୀ"। ସେହିପରି ଅନ୍ୟ ଜଣେ ଉପଭୋକ୍ତା ମନ୍ତବ୍ୟ ଦେଇଛନ୍ତି ଯେ ଏହା ହେଉଛି ସବୁଠାରୁ ବଡ ସଂସ୍କରଣ।