ବାୟା କରୁଛି ସାର୍‌ଙ୍କ ବଂଶୀ ସ୍ୱର, ସ୍କୁଲ ଯିବା ପାଇଁ ତରତର କୁନି ପିଲା

ବଂଶୀ ବୁଝେ ବେଦନା । ସରୁ ବାଉଁଶ ଖଣ୍ଡିଏ ହେଲେ ସେଥିରୁ ଭାସି ଆସୁଥିବା ସ୍ୱରରେ ଭାଙ୍ଗିଯାଏ ଅନେକଙ୍କ ମନର ନୀରବତା । ସଙ୍ଗୀତକୁ ନୂଆ ରୂପ ଦିଏ ବଂଶୀର ମିଠା ସ୍ୱର । ସେଇଥିପାଇଁ ତ ଅନେକ ବଂଶୀ ବିଦ୍ୟାରେ ସାଧନା କରିଛନ୍ତି । ଠିକ୍‌ ସେମିତି ଜଣେ ବଂଶୀ ବାଦକ ହେଉଛନ୍ତି କୋରାପୁଟ ଜିଲ୍ଲା ଦେବିଘାଟ ପ୍ରାଥମିକ ବିଦ୍ୟାଳୟର ଶିକ୍ଷକ ତଥା ସୁନାମଧନ୍ୟ ବଂଶୀ ବାଦକ ତଥା ପ୍ରଶିକ୍ଷକ ରବୀନ ଚନ୍ଦ୍ର ମହାନନ୍ଦିଆ । ବଂଶୀର ସ୍ୱରରେ ସେ କୁନିକୁନି ପିଲାଙ୍କୁ ମତୁଆଲା କରିଛନ୍ତି ।

ବଂଶୀର ସ୍ୱରରେ କମ୍ପୁଛି ବିଦ୍ୟାଳୟ, କେବଳ ଏତିକି ନୁହେଁ ବିଦ୍ୟାର୍ଥୀଙ୍କୁ କ୍ୟାରିଅର ଗଢିବାରେ ବାଟ ଦେଖାଉଛନ୍ତି ବାଦକ ଦେବିଘାଟ। ବଂଶୀ ବିଦ୍ୟାରେ ତାଙ୍କର ପ୍ରଗାଢ ଜ୍ଞାନ । ସେ ଭଳିକି ଭଳି ଗୀତରେ ଖୁବ ସୁନ୍ଦର ବଂଶୀ ବଜାଇ ପାରନ୍ତି । ତାଙ୍କର ଏହି କଳାକୁ ସେ ଅନେକଙ୍କ ମଧ୍ୟରେ ବାଣ୍ଟିଛନ୍ତି ।

ଆଗାମୀ ଭବିଷ୍ୟତ କିପରି ବଂଶୀ ବିଦ୍ୟାରେ ନିଜର ଭବିଷ୍ୟତ ଗଢିବେ ସେଥିପାଇଁ ଟ୍ରେନିଂ ମଧ୍ୟ ଦେଉଛନ୍ତି ।

ମହାମାରୀର ଦୀର୍ଘଦିନ ପରେ ଏବେ ନୂଆ ନୂଆ ସ୍କୁଲ ଖୋଲୁଛି। ଏହି ନିଆରା ଶୈଳୀରେ ପିଲାମାନଙ୍କର ସ୍କୁଲ ଆସିବାର ଆଗ୍ରହକୁ ଆହୁରି ମଜବୁତ୍‌ କରିବାକୁ ସେ ଚେଷ୍ଟା କରୁଛନ୍ତି । ବଂଶୀ ସ୍ବରରେ ଏବେ ବିଭୋର ହେଲେଣି ବିଦ୍ୟାର୍ଥୀ । ଏଇ କୁନି କୁନି ପିଲେ ବହି ଖାତା ପରି ବଂଶୀକୁ ସାଥୀ କରିଛନ୍ତି । ସ୍ଥିତି ଏମିତି ହେଲାଣି ଯେ ସାର୍‌ଙ୍କର ଏହି ବଂଶୀ ସ୍ୱର ଶୁଣିବା ପାଇଁ ପିଲାମାନେ ଜିଦ୍‌ ମଧ୍ୟ କରୁଛନ୍ତି। ଆଉ ସାର୍‌ ବି ପିଲାଙ୍କ କଥାକୁ ଅତି ସହଜରେ ଗ୍ରହଣ କରିନେଉଛନ୍ତି ।

ସ୍କୁଲର ପ୍ରାର୍ଥନା ହେଉ କି କୌଣସି ପିଲାର ଜନ୍ମଦିନ ହେଉ...ସାରଙ୍କ ସବୁଠି ସୁବୁଛି ସାର୍‌ଙ୍କ ବଂଶୀସ୍ୱର। ତେବେ ରବୀନ ସାର୍ ନିଜେ ବଂଶୀ ସ୍କୁଲର ପ୍ରାର୍ଥନାରେ ବଜାଇବା ସହ ପିଲାଙ୍କ ଜନ୍ମ ଦିନରେ ବି ବଜାଇ ପିଲାଙ୍କୁ ଆନଂଦ ବାଣ୍ଟୁଛନ୍ତି ଓ ପାଠ ସରିବା ପରେ ନିଜ ମୁଣାରୁ କିଛି ବଇଁଶୀ କାଢି ପିଲାଙ୍କ ହାତରେ ଧରାଇ ଦେଇଛନ୍ତି। ଖାଲି ସେତିକି ନୁହେଁ ରବୀନଙ୍କଠୁ ବଂଶୀ ବିଦ୍ୟା ଶିଖି ଅନେକ ପିଲା ସ୍ୱବଲମ୍ବୀ ମଧ୍ୟ ହୋଇଛନ୍ତି । ବାସ୍ତବରେ ରବୀନଙ୍କ ଏହି ପ୍ରୟାସ ବେଶ ପ୍ରଶଂସାଯୋଗ୍ୟ ବୋଲି କହିଛନ୍ତି ସ୍କୁଲର ପ୍ରଧାନ ଶିକ୍ଷକ ପ୍ରଶାନ୍ତ ପାତ୍ର ।