LIVE TV
ଆପଣ ନିଶ୍ଚୟ ଦୁନିଆର ଅନେକ ସିରିଏଲ୍ କିଲର୍ଙ୍କ କାହାଣୀ ଶୁଣିଥିବେ, ଯେଉଁମାନେ ନିଜ ପାଗଳାମି ହେତୁ ଅନେକ ନିରୀହ ଲୋକଙ୍କ ଜୀବନ ନେଇଥାନ୍ତି। ଏହି ତାଲିକା ଖୁବ କମ୍ ଥାଆନ୍ତି। ଏହାରି ଭିତରେ ଏମିତି କିଛି ମହିଳା ସିରିଏଲ୍ କିଲର୍ ମଧ୍ୟ ଅଛନ୍ତି ଯେଉଁମାନେ ବର୍ବରତାର ସମସ୍ତ ସୀମା ଅତିକ୍ରମ କରିଛନ୍ତି। ଏମିତି ଜଣେ ମହିଳା ସିରିଏଲ କିଲର ଅଛନ୍ତି ଯାହାଙ୍କ ଟାର୍ଗେଟ୍ କେବଳ ଅବିବାହିତ ଝିଅ। ସେମାନଙ୍କୁ ହତ୍ୟା କରିବା ପରେ ସେ ଘଣ୍ଟା ଘଣ୍ଟା ଧରି ସେମାନଙ୍କ ରକ୍ତରେ ସ୍ନାନ କରୁଥିଲେ। ତେବେ ଆସନ୍ତୁ ନଜର ପକେଇବା ଇତିହାସର ସବୁଠାରୁ ବିପଜ୍ଜନକ ଏହି ମହିଳା ସିରିଏଲ୍ କିଲର୍ଙ୍କ ଉପରେ।
ହଙ୍ଗେରୀର ମହାରାଣୀ ଏଲିଜାବେଥ୍ ବାଥୋରୀ:
ଏହି ମହିଳା ଜଣକ ହେଲେ ହଙ୍ଗେରୀର ମହାରାଣୀ ଏଲିଜାବେଥ୍ ବାଥୋରୀ। ୧୫୮୫ ରୁ ୧୬୧୦ ଯାଏଁ ଏହି ଭୟାନକ ମହିଳାଙ୍କ ବର୍ବରତା ଦେଖିବାକୁ ମିଳିଥିବା କୁହାଯାଏ। ଏହି ସମୟରେ ସେ ୬୦୦ରୁ ଅଧିକ ଝିଅଙ୍କୁ ହତ୍ୟା କରି ସେମାନଙ୍କ ରକ୍ତରେ ସ୍ନାନ କରିଥିଲେ। କୁହାଯାଏ ଯେ ଏଲିଜାବେଥ୍ ବାଥୋରୀ ନିଜ ପ୍ରାସାଦରେ ହିଁ ଏ ସମସ୍ତଙ୍କୁ ହତ୍ୟା କରିଥିଲେ। ସେ ହଙ୍ଗେରୀ ରାଜ୍ୟର ସମ୍ଭ୍ରାନ୍ତ ବାଥୋରୀ ପରିବାରର ଥିଲେ।
Also Read
ସେ ଫେରେଙ୍କ୍ ନୈଡେସ୍ଡୀ ନାମକ ଜଣେ ବ୍ୟକ୍ତିଙ୍କୁ ବିବାହ କରିଥିଲେ, ଯିଏ ତୁର୍କୀମାନଙ୍କ ବିରୁଦ୍ଧରେ ଯୁଦ୍ଧରେ ହଙ୍ଗେରୀର ଜାତୀୟ ହିରୋ ଥିଲେ। କୁହାଯାଏ ଯେ ଏଲିଜାବେଥ୍ଙ୍କ ସ୍ୱାମୀ ଜୀବିତ ଥିବାବେଳେ ମଧ୍ୟ ସେ ଝିଅମାନଙ୍କୁ ତାଙ୍କର ଶିକାର କରୁଥିଲେ, କିନ୍ତୁ ୧୬୦୪ ମସିହାରେ ସ୍ୱାମୀଙ୍କ ମୃତ୍ୟୁ ପରେ ତାଙ୍କର ଏହି ଅପରାଧ ପ୍ରକ୍ରିୟା ଆହୁରି ବଢିଯାଇଥିଲା।
ଏଲିଜାବେଥ୍ ସ୍ଲୋଭେନିଆର ଚାସିସ୍ରେ ଥିବା ତାଙ୍କ ପ୍ରାସାଦରେ ରହୁଥିଲେ ଏବଂ ଏଠାରେ ସେ ନିଜର ଅପରାଧ କରୁଥିଲେ। ଏହି ଅପରାଧରେ ତାଙ୍କର ତିନି ସେବକ ମଧ୍ୟ ତାଙ୍କୁ ସମର୍ଥନ କରିଥିଲେ। ପ୍ରଥମେ ସେ ଚାକିରି ଦେବା ବାହାନା କରି ଗରିବ ଝିଅମାନଙ୍କୁ ତାଙ୍କ ପ୍ରାସାଦକୁ ଡାକୁଥିଲେ ଏବଂ ପରେ ସେମାନଙ୍କୁ ହତ୍ୟା କରୁଥିଲେ।
ସମ୍ବେଦନଶୀଳ ଅଙ୍ଗକୁ ପହଞ୍ଚାଉଥିଲେ କ୍ଷତି:
କୁହାଯାଏ ଯେ ଏଲିଜାବେଥ୍ ଯୁବତୀଙ୍କୁ ପ୍ରଥମେ ବନ୍ଦୀ କରିଦେଉଥିଲେ। ପରେ ସେମାନଙ୍କ ହାତ ଓ ଗୋଡ ପୋଡି ଦେଉଥିଲେ। କେବଳ ଏତିକି ନୁହେଁ, ସେ ସେମାନଙ୍କର ସମ୍ବେଦନଶୀଳ ଅଙ୍ଗଗୁଡିକୁ ମଧ୍ୟ କ୍ଷତି ପହଞ୍ଚାଉଥିଲେ। ଅନେକ ସମୟରେ ସେ ନିଜ ଦାନ୍ତରେ କାମୁଡି ପକାଉଥିଲେ। ପରେ ତାଙ୍କୁ ହତ୍ୟା କରି ଏକ ଟବରେ ରକ୍ତ ସଂଗ୍ରହ କରୁଥିଲେ ଓ ସେଥିରେ ସେ ଘଣ୍ଟା ଘଣ୍ଟା ଧରି ଗାଧୋଉଥିଲେ।
କୁହାଯାଏ ଯେ ଯେତେବେଳେ ଏହି ବର୍ଗର ଯୁବତୀଙ୍କ ସଂଖ୍ୟା ଯଥେଷ୍ଟ ହ୍ରାସ ପାଇଲା, ସେତେବେଳେ ସେ ଉଚ୍ଚ ପରିବାରର ଯୁବତୀଙ୍କୁ ଶିକାର କରିବା ଆରମ୍ଭ କଲେ। ଯେତେବେଳେ ହଙ୍ଗେରୀର ରାଜା ଏ ବିଷୟରେ ଜାଣିଲେ, ସେତେବେଳେ ସେ ଏହି ଘଟଣାର ଅନୁସନ୍ଧାନ କରିଥିଲେ ଏବଂ ପରେ ଏହି ବିଷୟ ଜଣାପଡିଥିଲା। ଅନୁସନ୍ଧାନକାରୀ ଟିମ୍ ଏଲିଜାବେଥ୍ଙ୍କ ପ୍ରାସାଦରୁ ଅନେକ ଯୁବତୀଙ୍କ କଙ୍କାଳ ଏବଂ ସୁନା ଓ ରୂପା ଉଦ୍ଧାର କରିଥିଲେ।
ନିଜର ସୌନ୍ଦର୍ଯ୍ୟ ପାଇଁ କରୁଥିଲେ ରକ୍ତସ୍ନାନ:
୧୬୧୦ରେ, ଏଲିଜାବେଥ ବାଥୋରୀଙ୍କୁ ତାଙ୍କ ଜଘନ୍ୟ ଅପରାଧ ପାଇଁ ଗିରଫ କରାଯାଇଥିଲା। ଏହା ପରେ ସେ ନିଜ ପ୍ରାସାଦର ଏକ କୋଠରୀରେ ବନ୍ଦୀ ହୋଇଥିଲେ। ଏହାର ଚାରି ବର୍ଷ ପରେ ୨୧ ଅଗଷ୍ଟ, ୧୬୧୪ରେ ତାଙ୍କର ଦେହାନ୍ତ ହୋଇଥିଲା। କୁହାଯାଏ ଯେ ଏଲିଜାବେଥ୍ ବହୁତ ସୁନ୍ଦର ଥିଲେ ଏବଂ ସେ ନିଜର ସୌନ୍ଦର୍ଯ୍ୟ ବଜାୟ ରଖିବାକୁ ଚାହୁଁଥିଲେ। ସେଥିପାଇଁ ସେ ଯୁବତୀମାନଙ୍କ ରକ୍ତରେ ସ୍ନାନ କରୁଥିଲେ।
