କରୋନା କଟକଣାକୁ ଚଟକଣା ! ଆଇନ୍‌ର ଧଜିଆ ଉଡାଇଲା ବିଧାୟକଙ୍କ ଭୋଜି

ଗଞ୍ଜାମ ଜିଲ୍ଲା ସୋରଡ଼ା ଥାନା ଅନ୍ତର୍ଗତ ଅମୃତୁଲୁ ଗାଁର ଏ ଦୃଶ୍ୟ। ବିଜେଡି ବିଧାୟକ ପୂର୍ଣ୍ଣଚନ୍ଦ୍ର ସ୍ୱାଇଁ ତାଙ୍କ ବାପା ମହାଦେବ ସ୍ୱାଇଁଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଭୋଜିର ଆୟୋଜନ କରିଥିଲେ। ଏହି ଅବସରରେ ଏକ ରକ୍ତଦାନ ଶିବିରର ମଧ୍ୟ ଆୟୋଜନ ମଧ୍ୟ ହୋଇଥିଲା। କରୋନା ମହାମାରୀ ସ୍ଥିତିରେ ସୀମିତ ସଂଖ୍ୟକ ଲୋକଙ୍କୁ ନେଇ କାର୍ଯ୍ୟକ୍ରମର ଆୟୋଜନ ଲାଗି ନିୟମ ଥିବାବେଳେ ଏଠାରେ ଆଇନର ଉଲ୍ଲଂଘନ କରାଯାଇଛି। ରକ୍ତଦାନ ଶିବିରରେ ମଧ୍ୟ ଅନେକ ଲୋକ କୋଭିଡ୍ କଟକଣା ନମାନି ରକ୍ତଦାନ କାର୍ଯ୍ୟକ୍ରମରେ ଯୋଗ ଦେଇଛନ୍ତି। 

Also Read

ଦେଶରେ ପୁଣି ବଢ଼ୁଛି କି ସଂକ୍ରମଣ ? ଏକ ସପ୍ତାହରେ ଦୁଇ ଗୁଣ ହେଲା ପଜିଟିଭିଟି ରେଟ୍

ଥମୁନି କରୋନାର ୨ୟ ଲହର; ଚିହ୍ନଟ ହେଲେ ୧, ୬୨୯ ସଂକ୍ରମିତ, ଆଖି ବୁଜିଲେ ୬୦

କରୋନା ବିରୋଧୀ ଯୁଦ୍ଧରେ ସାମିଲ ମ୍ୟାନକାଇଣ୍ଡ୍ ଫାର୍ମା : ଦୁଇ ବର୍ଷରେ ଦାନ କଲା ୨୭୦ କୋଟି

ଏତେ ସଂଖ୍ୟକ ଅତିଥିକୁ ନେଇ ଏଭଳି କାର୍ଯ୍ୟକ୍ରମ ପାଇଁ ତାଙ୍କୁ କିଏ ଅନୁମତି ଦେଲା? ନା ଅଞ୍ଚଳର ଶାସକ ଦଳ ବିଧାୟକ ବୋଲି ବିନା ଅନୁମତିରେ ସେ ଏଭଳି କାର୍ଯ୍ୟକ୍ରମ ଆୟୋଜନ କରିଥିଲେ ? ତାକୁ ନେଇ ନାନା ପ୍ରଶ୍ନ ଉଠିିଥିବାବେଳେ ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁ ପ୍ରତିକ୍ରିୟା ରଖି କହିଛନ୍ତି, ଏହା ଭୋଜି ନୁହଁ ପ୍ରସାଦସେବନ ଥିଲା।  ତାହା ଆମେ କରିନୁ, ଗାଁ ଲୋକ ଦେଇଥିବେ ବୋଲି କହିଛନ୍ତି ପୂର୍ଣ୍ଣଚନ୍ଦ୍ର। ଆମର କିଛି ଭୋଜି ହୋଇନି, ତାହା ଜୀବନ ବିନ୍ଦୁ କାର୍ଯ୍ୟକ୍ରମ ଥିଲା ବୋଲି ବି ସେ ନିଜ ସଫେଇରେ କହିଛନ୍ତି।