LIVE TV
ରାଜ୍ୟରେ ରାଜୁତି କରୁଛି ଖରା। ଏଥିରୁ ବାଦ ପଡୁନି ସୁବର୍ଣ୍ଣପୁର ଜିଲ୍ଲା। ଏମିତି ସମୟରେ ତୁଣ୍ଡରେ ପାଣି ଟିକିଏ ପଡିଲେ ଅମୃତ ଭଳିଆ ଲାଗିଥାଏ। ହେଲେ ସୋନପୁର ସହର ବ୍ଲକ ଛକରେ ଥିବା ଥଣ୍ଡା ପାନୀୟ ଜଳ ପ୍ରକଳ୍ପରୁ ଥଣ୍ଡା ପାଣି ବଦଳରେ ଗରମ ପାଣି ବାହାରୁଛି। ପ୍ରତିଦିନ ଏଠାରୁ ଲୋକମାନେ ସୋନପୁର, ବିନିକା, ଉଲୁଣ୍ଡା, ତରଭା ଓ ବୌଦ୍ଧକୁ ଯିବା ପାଇଁ ଅପେକ୍ଷା କରିଥାନ୍ତି। ହେଲେ ଖରାଦିନେ ଥଣ୍ଡା ପାଣି ତୁଣ୍ଡରେ ଦେବା ସମ୍ଭବ ହେଉନାହିଁ।
କେବଳ ବ୍ଲକ ଛକ ନୁହେଁ, ସୋନପୁର ସହରରେ ଥିବା ଅନେକ ପାନୀୟ ଜଳ ପ୍ରକଳ୍ପ ଅଚଳ ହୋଇ ପଡିଥିବାବେଳେ ଯେଉଁ କେତେଟା ଚାଲୁଛି ସେଥିରୁ ଗରମ ପାଣି ବାହାରୁ ଛି। ସୁବର୍ଣ୍ଣପୁର ଜିଲ୍ଲାର ତାପମାତ୍ରା ରାଜ୍ୟରେ ଅଧିକ ଥିବା ବେଳେ ପ୍ରଶାସନ ଲୋକଙ୍କ ପାଇଁ କୌଣସି ବ୍ୟବସ୍ଥା କରିନାହିଁ । ଏମିତିକି ପୌର ପରିଷଦ ପକ୍ଷରୁ ପାନୀୟ ଜଳ ଉପରେ ଗୁରୁତ୍ୱ ଦିଆଯାଉନଥିବାରୁ ଅସନ୍ତୋଷ ପ୍ରକାଶ ପାଇଛି ।
ସହରବାସୀଙ୍କ ସମସ୍ୟା ନେଇ ପୌର ପରିଷଦର ଅଧ୍ୟକ୍ଷାଙ୍କୁ ପଚାରିବାରୁ ସେ କହିଛନ୍ତି, ଆସନ୍ତା ୧୫ ଦିନ ମଧ୍ୟରେ ସବୁ ସମସ୍ୟାର ସମାଧାନ କରାଯିବା ସହିତ ପାନୀୟ ଜଳ ବ୍ୟବସ୍ଥାକୁ ସୁଧାରିବାକୁ ଚେଷ୍ଟା କରାଯିବ।
ସୁବର୍ଣ୍ଣପୁରରୁ ରବିନ୍ଦ୍ର ହୋତାଙ୍କ ରିପୋର୍ଟ
