ଆତ୍ମହତ୍ୟା କରିଥିବା ବିଜେବି କଲେଜ ଛାତ୍ରୀ ରୁଚିକା ମହାନ୍ତିଙ୍କ ଆଜି ଦଶାହ। ହେଲେ ଏବେବି ପୋଲିସ୍ର ହାତ ଖାଲି। ଆଜି ନ୍ୟାୟ ପାଇଁ ରୁଚିକାଙ୍କ ମା’ ଓ କିଛି ଆନ୍ଦୋଳନକାରୀ ପ୍ରତିବାଦ କରୁଥିବା ବେଳେ ବିଜେବି କଲେଜ ସାମ୍ନାରୁ ଆନ୍ଦୋଳନକାରୀଙ୍କୁ ପୋଲିସ୍ ଉଠାଇ ନେଇଥିଲା।
ଏପରିକି ରୁଚିକାଙ୍କ ମା’ଙ୍କୁ ଜୋର ଜବରଦସ୍ତ ଉଠାଇବା ସହ ରାସ୍ତାରୁ ଘୋଷାଡ଼ି ଘୋଷାଡ଼ି ନେଇଥିଲା ପୋଲିସ। ଏହି ସମୟରେ ଗଣମାଧ୍ୟମକୁ ପ୍ରତିକ୍ରିୟା ଦେଇ ରୁଚିକାଙ୍କ ମା’ କହିଥିଲେ, ‘ ମୋ ଝିଅ ମରିବାର ୧୦ ଦିନ ହେଲାଣି। ହେଲେ ଏଯାଏ ନ୍ୟାୟ ମିଳିପାରିନି। ମୋ ଝିଅକୁ ନ୍ୟାୟ ଦେଇପାରିଲେନି ହେଲେ ମୋତେ ରାଜରାସ୍ତାରୁ ଉଠାଇ ନେଉଛନ୍ତି। ମୋ ଦେହରେ କେହି ହାତ ଦେଲେ ମୁଁ ଅନର୍ଥ କରିଦେବି।’
‘#ମୋ_ଦେହରେ_କେହି_ହାତ_ଦେଲେ_ଅନର୍ଥ_କରିଦେବି’
ଆତ୍ମହତ୍ୟା କରିଥିବା ରୁଚିକାଙ୍କ ମା’ଙ୍କୁ ବିଜେବି କଲେଜ ସାମ୍ନାରୁ ପୋଲିସ୍ ଉଠାଇ ନେବାବେଳେ ଏଭଳି କିଛି ସେ କହିଛନ୍ତି...ନ୍ୟାୟ ପାଇଁ ଧାରଣା ଦେଇଥିଲେ ରୁଚିକାଙ୍କ ମା’#Bhubaneswar #Odisha pic.twitter.com/lV6UT6Ht53— ଓଟିଭି (@otvkhabar) July 11, 2022
ରୁଚିକାଙ୍କ ମା’ ଆହୁରି କହିଛନ୍ତି, ‘ପୋଲିସ୍ ଏଯାଏ ହତ୍ୟାକାରୀଙ୍କୁ ଧରିପାରି ନାହିଁ। ବଡ଼ବଡ଼ିଆଙ୍କୁ ଧରି ନାହାନ୍ତି। ଏହି ଘଟଣା ପଛରେ ବଡ଼ବଡ଼ିଆଙ୍କ ହାତ ଅଛି। ସେଥିପାଇଁ ପୋଲିସ୍ ସେମାନଙ୍କୁ ଧରୁ ନାହାନ୍ତି।’
‘#ହତ୍ୟାକାରୀଙ୍କୁ_ଧରି_ନାହାନ୍ତି’ ’#ବହୁତ_ବଡ଼ବଡ଼ିଆଙ୍କ_ହାତ_ଅଛି’
— ଓଟିଭି (@otvkhabar) July 11, 2022
ବିଜେବି କଲେଜ ସାମ୍ନାରେ ଧାରଣା ଦେଇଥିବା ରୁଚିକାଙ୍କ ମା’ଙ୍କୁ ପୋଲିସ୍ ଉଠାଇ ନେବାବେଳେ ସେ ଏଭଳି କହିଛନ୍ତି। ରୁଚିକାଙ୍କ ଆତ୍ମହତ୍ୟା ଘଟଣାକୁ ନେଇ ନ୍ୟାୟ ପାଇଁ ଧାରଣା ଦେଇଥିଲେ ତାଙ୍କ ମା’...#Bhubaneswar #Odisha pic.twitter.com/BZeMXMbSxE
ଅନ୍ୟପଟେ, ଆତ୍ମହତ୍ୟା ପାଇଁ ଦାୟୀ ୩ ସିନିୟରଙ୍କ ପାଖରେ ପହଞ୍ଚିବା ଲାଗି ଶେଷରେ ଜଣେ ମନସ୍ତତ୍ୱବିତଙ୍କ ସହଯୋଗ ନେଇଛି ପୋଲିସ। ପୁଣି ଥରେ ବୟାନ ଦେଇଥିବା ସମସ୍ତ ଜୁନିୟର ଛାତ୍ରୀଙ୍କୁ ଜେରା ହୋଇଛି । ଚାପ କିମ୍ବା ଭୟରେ କେହି ସଠିକ ତଥ୍ୟ ଦେଇଛନ୍ତି କି ନାହିଁ, ତାର ତର୍ଜମା କରାଯାଇଛି।