LIVE TV
ବୁଲ୍ଗେରିଆର ଭବିଷ୍ୟଦ୍ବକ୍ତା ବାବା ଭେଙ୍ଗାଙ୍କ ନାଁ ବିଶ୍ୱର ପ୍ରସିଦ୍ଧ ଭବିଷ୍ୟଦ୍ବକ୍ତାମାନଙ୍କ ମଧ୍ୟରେ ଅନ୍ତର୍ଭୁକ୍ତ। ବାବା ଭେଙ୍ଗାଙ୍କ ଭବିଷ୍ୟବାଣୀକୁ ସାରା ବିଶ୍ୱ ବିଶ୍ୱାସ କରେ। ବାବା ଭେଙ୍ଗା ପ୍ରତିବର୍ଷ ପରି, ୨୦୨୪ ପାଇଁ ମଧ୍ୟ ଅନେକ ଭବିଷ୍ୟବାଣୀ କରିଥିଲେ, ଯାହା ଅତ୍ୟନ୍ତ ଭୟଙ୍କର ଥିଲା।
ଭବିଷ୍ୟବାଣୀ ପାଇଁ ପ୍ରସିଦ୍ଧ ବାବା ଭେଙ୍ଗାଙ୍କ ଅନେକ ଭବିଷ୍ୟବାଣୀ ସତ୍ୟ ପ୍ରମାଣିତ ହୋଇଛି। ତାଙ୍କୁ ବାଲ୍କାନ ଅଞ୍ଚଳର ନୋଷ୍ଟ୍ରାଡମସ୍ ମଧ୍ୟ କୁହାଯାଏ। ବର୍ତ୍ତମାନ ସୁଦ୍ଧା ୨୦୨୪ ବର୍ଷ ପାଇଁ ବାବା ଭେଙ୍ଗାଙ୍କର ଦୁଇଟି ଭବିଷ୍ୟବାଣୀ ମଧ୍ୟ ସତ ହୋଇଛି। ଏଠି ପ୍ରଶ୍ନ ଉଠୁଛି ଯେ ବାବା ଭେଙ୍ଗାଙ୍କ ଅନ୍ୟ ଭବିଷ୍ୟବାଣୀ ମଧ୍ୟ ସତ ପ୍ରମାଣିତ ହେବ କି?
ଅଧିକ ପଢ଼ନ୍ତୁ: ୨୦୨୪ ପାଇଁ ବାବା ଭେଙ୍ଗାଙ୍କ ଭୟଙ୍କର ଭବିଷ୍ୟବାଣୀ; ଗୋଟିଏ ଅଛି ଖୁସି ଖବର
Also Read
ମୃତ୍ୟୁ ପୂର୍ବରୁ ବାବା ଭେଙ୍ଗା ଦୁନିଆର ସମାପ୍ତି ଠାରୁ ଆରମ୍ଭ କରି ଯୁଦ୍ଧ ଏବଂ ବିପର୍ଯ୍ୟୟ ସମେତ ଅନେକ ଭବିଷ୍ୟବାଣୀ କରିଥିଲେ। ସେ ୫୦୭୯ ବର୍ଷ ପର୍ଯ୍ୟନ୍ତ ଅନେକ ପୂର୍ବାନୁମାନ କରିଯାଇଛନ୍ତି। ସୋଭିଏତ ସଂଘର ବିଚ୍ଛିନ୍ନତା ଏବଂ ଆମେରିକାରେ ଆତଙ୍କବାଦୀ ସଂଗଠନ ଅଲ୍ କାଏଦା ଦ୍ୱାରା ହୋଇଥିବା ୯/୧୧ ଆକ୍ରମଣ ସହିତ ବାବା ଭେଙ୍ଗାଙ୍କର ଅନେକ ଭବିଷ୍ୟବାଣୀ ସତ୍ୟ ପ୍ରମାଣିତ ହୋଇଛି। ବୁଲ୍ଗେରିଆର ଅନ୍ଧ ବାବା ଭେଙ୍ଗା ମାତ୍ର ୧୨ ବର୍ଷ ବୟସରେ ଦୃଷ୍ଟି ଶକ୍ତି ହରାଇଲେ।
ବାବା ଭେଙ୍ଗାଙ୍କ ଭବିଷ୍ୟବାଣୀ ଅନୁଯାୟୀ, ୨୦୨୪ ମସିହାରେ କର୍କଟ ସମେତ ଅନେକ ରୋଗର ଚିକିତ୍ସା ମିଳିପାରିବ। ରାଷ୍ଟ୍ରପତି ଭ୍ଲାଦିମିର ପୁଟିନ ନିକଟରେ କହିଛନ୍ତି ଯେ ଋଷର ବୈଜ୍ଞାନିକମାନେ କର୍କଟ ଟିକା ପ୍ରସ୍ତୁତ କରିବା ନେଇ ନିକଟତର ହୋଇଛନ୍ତି।
ବାବା ଭେଙ୍ଗା ଏହା ମଧ୍ୟ କହିଥିଲେ ଯେ ଏକ ଆର୍ଥିକ ସଙ୍କଟ ଆସିବ, ଯାହା ବିଶ୍ୱ ଅର୍ଥବ୍ୟବସ୍ଥାକୁ ପ୍ରଭାବିତ କରିବ। ତାଙ୍କର ଏହି ଭବିଷ୍ୟବାଣୀ ମଧ୍ୟ ସତ୍ୟ ବୋଲି ପ୍ରମାଣିତ ହେବା ଦେଖାଯାଉଛି। ଗତ ବର୍ଷ ବ୍ରିଟେନରେ ଅର୍ଥନୀତିରେ ମାନ୍ଦାବସ୍ତା ଦେଖାଯାଇଥିବା ବେଳେ ବର୍ତ୍ତମାନ ଜାପାନରେ ଅର୍ଥ ବ୍ୟବସ୍ଥା ମାନ୍ଦା ହୋଇପଡିଛି। ଏହା ସହିତ ଅନେକ ଦେଶର ଅର୍ଥନୀତି ମଧ୍ୟ ପ୍ରଭାବିତ ହେଉଛି।
ବାବା ଭେଙ୍ଗାଙ୍କ ଭବିଷ୍ୟବାଣୀ ଅନୁଯାୟୀ, ୨୦୨୪ ମସିହାରେ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ହତ୍ୟା କରାଯାଇପାରେ। ଏହି ଷଡଯନ୍ତ୍ରରେ ଆଉ କେହି ନୁହେଁ ନିଜ ଦେଶର ଲୋକ ଜଡିତ ହେବେ।
ବାବା ଭେଙ୍ଗା ଦାବି କରିଛନ୍ତି ଯେ ବିଶ୍ୱର ବୃହତ୍ତମ ଦେଶ ୨୦୨୪ ମସିହାରେ ଜୈବିକ ଅସ୍ତ୍ର ପରୀକ୍ଷା କରିପାରେ। ଯଦି ଏହା ହୁଏ, ଏହା ପ୍ରକୃତରେ ବିଶ୍ୱ ପାଇଁ ଅତ୍ୟନ୍ତ ବିପଜ୍ଜନକ ହେବ।
ବାବା ଭେଙ୍ଗା ମଧ୍ୟ ୨୦୨୪ ମସିହାରେ ଗ୍ଲୋବାଲ୍ ୱାର୍ମିଂକୁ ନେଇ ଚେତାବନୀ ଦେଇଛନ୍ତି। ସେ କହିଛନ୍ତି ଯେ ୨୦୨୪ ମସିହାରେ ସମଗ୍ର ବିଶ୍ୱକୁ ପାଣିପାଗ ସମ୍ବନ୍ଧୀୟ ସମସ୍ୟାର ସମ୍ମୁଖୀନ ହେବାକୁ ପଡିବ।
