୬୮ ବର୍ଷ ବୟସରେ ବି ଝିଅ ଭଳି ଲାଗୁଛନ୍ତି ହ୍ରିତିକଙ୍କ ମା’

ବଲିଉଡ୍‌ର ଷ୍ଟାଇଲିସ୍ ହୀରୋ ତଥା ସୁପର୍‌ଷ୍ଟାର୍‌ କଳାକାର ହ୍ରିତିକ ରୋଶନଙ୍କ ଅଭିନୟ ପ୍ରତିଭା କାହାକୁ ଅଛପା ନାହିଁ। ତାଙ୍କର ସବୁ ଫିଲ୍ମ ବଲିଉଡ୍ ହିଟ୍ ହୋଇଛି। ତାଙ୍କ ଜିମ୍ ବଡି ପାଇଁ ପୁରା ଦୁନିଆ ପାଗଳ। ନୃତ୍ୟ କ୍ଷେତ୍ରରେ ମଧ୍ୟରେ ମଧ୍ୟ କୌଣସି ଅଭିନେତା (ଟ୍ରେଣ୍ଡିଂ ଭିଡିଓ) ତାଙ୍କ ପାସଙ୍ଗରେ ପଡିବେ ନାହିଁ। ସେ ତାଙ୍କର ପ୍ରଥମ ଚଳଚ୍ଚିତ୍ର 'କହୋ ନା ପ୍ୟାର୍ ହୈ' ରେ ଲୋକଙ୍କ ହୃଦୟରେ ରାଜ କରିଆସୁଛନ୍ତି। ଫିଟ୍‌ନେସ୍ ଦୃଷ୍ଟିରୁ ହ୍ରିତିକ୍ ରୋଶନ୍ ସଂପୂର୍ଣ୍ଣ ଭିନ୍ନ।

ତାଙ୍କର ଭିଡିଓ ସବୁବେଳେ ସୋସିଆଲ ମିଡିଆରେ ଦେଖାଯାଏ। ନିକଟରେ ସୋସିଆଲ ମିଡିଆରେ ତାଙ୍କ ମା’ଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓରେ ହ୍ରିତିକଙ୍କ ମା’ ପିଙ୍କି ରୋଶନ ବ୍ୟାୟାମ କରୁଥିବା ଦେଖାଯାଉଛନ୍ତି। ଏନେଇ ୬୮ ବର୍ଷ ବୟସରେ ମଧ୍ୟ ସେ ଏତେ ଫିଟ୍ ଅଛନ୍ତି ଯେ ଯିଏ ଦେଖିବ ସିଏ କହିବ ଏ ଜଣେ ଯୁବତୀ।

ଭାଇରାଲ ଭିଡିଓରେ ଏହା ଦେଖିବାକୁ ମିଳେ ଯେ ହ୍ରିତିକ ରୋଶନଙ୍କ ମା’ ଏକ ସ୍ୱତନ୍ତ୍ର ସ୍ଥାନରେ ୱାର୍କଆଉଟ କରୁଛନ୍ତି। ହ୍ରିତିକ ରୋଶନ ନିଜେ ତାଙ୍କର ଇନଷ୍ଟାଗ୍ରାମ ଆକାଉଣ୍ଟରେ ଏହି ଛୋଟ ଭିଡିଓଟିକୁ ଶେୟାର କରିଛନ୍ତି ଯାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଲୋକମାନେ ଏହି ଭିଡିଓକୁ ଶେୟାର କରିବା ସହିତ ଏହି ଭିଡିଓରେ ଅନେକ କମେଣ୍ଟ କରୁଛନ୍ତି।

View this post on Instagram

A post shared by Hrithik Roshan (@hrithikroshan)

ହ୍ରିତିକଙ୍କ ମା’ଙ୍କ ନାମ ପିଙ୍କି ରୋଶନ ହୋଇଥିବା ବେଳେ ବର୍ତ୍ତମାନ ତାଙ୍କର ବୟସ ୬୮। ଏହି ବୟସରେ ଜଣେ ସାଧାରଣ ମହିଳା ବସିଉଠି ପାରିବା ମଧ୍ୟ ସହଜ ନୁହେଁ। କିନ୍ତୁ ହ୍ରିତିକଙ୍କ ମା’ ନିଜକୁ ଫିଟ୍ ରଖିବା ପାଇଁ କଠିନ ପରିଶ୍ରମ କରୁଛନ୍ତି। ସୋସିଆଲ ମିଡିଆ ବ୍ୟବହାରକାରୀମାନେ ଏହି ଭିଡିଓଗୁଡ଼ିକୁ ବହୁତ ପ୍ରଶଂସା କରୁଛନ୍ତି। ଜଣେ ବ୍ୟକ୍ତି ଏହି ଭିଡିଓ ଉପରେ ମନ୍ତବ୍ୟ ଦେଇ ଲେଖିଛନ୍ତି ଯେ- ମା’ ଯଦି ଏହି ବୟସରେ ଏତେ କଠିନ ପରିଶ୍ରମ କରୁଛନ୍ତି, ତେବେ ହ୍ରିତିକ ତ ନିଶ୍ଚିତ ଭାବରେ ତାଙ୍କ ଠାରୁ ଅଧିକ କରୁଥିବେ। ଅନ୍ୟ ଜଣେ ବ୍ୟକ୍ତି ଏହି ଭିଡିଓକୁ ‘ସୁପର୍‌ହିଟ୍’ ବୋଲି କହିଛନ୍ତି।