LIVE TV
ବିଶ୍ୱର ବୟୋଜ୍ୟେଷ୍ଠ ପାଣ୍ଡା ଆନ୍ ଆନ୍ର ମୃତ୍ୟୁ । ଗତକାଲି ହଂକଂର ଓସେନ ପାର୍କରେ ଆନ୍ ଆନ୍ ନାମକ ପୁରୁଷ ପାଣ୍ଡାର ୩୫ ବର୍ଷ ବୟସରେ ମୃତ୍ୟୁ ହୋଇଛି । ପାଣ୍ଡାର ମୃତ୍ୟୁ ପରେ ଓସେନ ପାର୍କରେ ଶୋକର ଛାୟା ଖେଳିଯାଇଛି । ବହୁ ସଂଖ୍ୟରେ ପର୍ଯ୍ୟଟକ ଓସେନ ପାର୍କକୁ ଆସି ପାଣ୍ଡା ଆନ୍ ଆନ୍ର ସମାଧିସ୍ଥଳରେ ପୁଷ୍ପମାଲ୍ୟ ଦେଇ ଶ୍ରଦ୍ଧାଞ୍ଜଳି ଜଣାଇଛନ୍ତି ।
ଏଠାକାର କର୍ମଚାରୀ ଓସେନ ପାର୍କରେ ଥିବା ଏହି ପାଣ୍ଡାକୁ ନିଜ ପରିବାର ସଦସ୍ୟ ଭଳି ପାଳୁଥିଲେ । କିଛି ଦିନ ତଳେ ଆନ୍ ଆନ୍ ଅସୁସ୍ଥ ହୋଇପଡିଥିଲା । ଏହାପରେ ତାର ଚିକିତ୍ସା କରାଯାଉଥିଲା। ପରେ ପାଣ୍ଡା ଖାଇବା ବନ୍ଦ କରିଦେଇଥିଲା ଯାହା ପରେ ଗତକାଲି ତାର ମୃତ୍ୟୁ ହୋଇଥିବା ପାର୍କର ସଦସ୍ୟ ସୂଚନା ଦେଇଛନ୍ତି । ତେବେ ଏଠାକୁ ଆସୁଥିବା ପର୍ଯ୍ୟଟକଙ୍କ ମୁଖ୍ୟ ଆକର୍ଷଣ ଥିଲା ଏହି ପାଣ୍ଡା ।
Also Read
ଏହା ପୂର୍ବରୁ ୨୦୧୬ ମସିହାରେ ପାଣ୍ଡା ଜିଆ-ଜିଆର ମୃତ୍ୟୁ ହୋଇଥିଲା ।
(ପାଣ୍ଡା ଜିଆ-ଜିଆ)ସେହିପରି ଗତ ଜୁଲାଇ ମାସ ୧୨ ତାରିଖରେ ରାଜା ନାମକ ରୟାଲ ବେଙ୍ଗଲ ଟାଇଗର ଭାରତର ସବୁଠୁ ବୟସ୍କ ବାଘର ମୃତ୍ୟୁ ହୋଇଥିଲା । ମୃତ୍ୟୁ ବେଳକୁ ତାକୁ ୨୫ ବର୍ଷ ୧୦ ମାସ ହୋଇଥିଲା ପଶ୍ଚିମବଙ୍ଗର ଆଲିପୁରଦୁଆର ସ୍ଥିତ ସାଉଥ ଖୈରିବାଡି ଜାତୀୟ ଉଦ୍ୟାନରେ ଥିବା ବ୍ୟାଘ୍ର ଉଦ୍ଧାର ଓ ଥଇଥାନ କେନ୍ଦ୍ରରେ ସେ ପ୍ରାଣ ହରାଇଥିଲା ।
