ମାଟିର କ୍ଷୟ ହେଉଛି ସମସ୍ତ ଜୀବନର କ୍ଷୟ

ନିକଟରେ ଇଶା ଫାଉଣ୍ଡେସନର ତଥା 'କନ୍ସିୟସ୍ ପ୍ଲାନେଟ୍ ମୁଭମେଣ୍ଟ'ର ପ୍ରତିଷ୍ଠାତା ସଦ୍‌ଗୁରୁ ବ୍ରିଟେନର ରାଜଧାନୀ ଲଣ୍ଡନର ଟ୍ରାଫାଲଗଡ ସ୍କୋୟାରରୁ ପୃଥିବୀକୁ ରକ୍ଷା କରିବା ନେଇ ୧୦୦ ଦିନିଆ ବାଇକ ଯାତ୍ରା ଆରମ୍ଭ କରିଛନ୍ତି। ଏହି ଯାତ୍ରା ଦ୍ୱାରା ସେ ୨୬ଟି ଦେଶ ଗସ୍ତ କରିବେ। ଏହି ଯାତ୍ରାରେ ସେ ପ୍ରାୟ ୩୦ ହଜାର କିଲୋମିଟର ଦୂରତା ଅତିକ୍ରମ କରିବାର ଯୋଜନା ରହିଛି। ତାଙ୍କ ଗସ୍ତର ଉଦ୍ଦେଶ୍ୟ ହେଉଛି ମୃତ୍ତିକା ବା ମାଟି କ୍ଷୟକୁ ରୋକିବା ଏବଂ ମୃତ୍ତିକାର ଉର୍ବରତା ରକ୍ଷା କରିବା। ତେବେ ଆସନ୍ତୁ ଜାଣିବା ମାଟିକୁ ନେଇ କ’ଣ କୁହନ୍ତି ଏହି ମହାନ ସନ୍ଥ।

ମାଟିକୁ ନେଇ ସଦ୍‌ଗୁରୁଙ୍କ ବିଚାର:

ଆମ ଶରୀର ପ୍ରକୃତରେ ମାଟି ଓ ପାଣିରେ ଗଢା। ଆମର ମାଟି ଓ ପାଣିର ଗୁଣ ହିଁ ଆମର ଖାଦ୍ୟ, ଆମ ଶରୀର ଏବଂ ଆମ ଜୀବନର ଗୁଣ ନିର୍ଣ୍ଣୟ କରେ। ଏହା ଏକ ଦୁର୍ଭାଗ୍ୟଜନକ ଘଟଣା ଯେ ଗତ ଦୁଇ ପିଢି, ପ୍ରାୟ ଷାଠିଏରୁ ଅଶୀ ବର୍ଷ ମଧ୍ୟରେ, ଆମେ ପୃଥିବୀର ମାଟି ଏବଂ ଜଳର ଗୁଣକୁ ଗୁରୁତର ଭାବରେ ପ୍ରଭାବିତ କରିଛୁ। ଆମେ ମାଟି ଏବଂ ଶରୀରକୁ ଦୁର୍ବଳ କରିଦେଇଛୁ ଏବଂ ଆମେ ଏହାକୁ ଧୀରେ ଧୀରେ ନିର୍ଜୀବ କରିଦେଉଛୁ।

ଡାଇନୋସର ବିଲୁପ୍ତ ହେବା ବିଷୟରେ ଆପଣ ନିଶ୍ଚୟ ଶୁଣିଥିବେ କିନ୍ତୁ ବର୍ତ୍ତମାନ ଆମେ ମାଟିର ବିଲୁପ୍ତ ହେବା ବିଷୟରେ କହୁଛୁ। ମାଟିର ସୂକ୍ଷ୍ମଜୀଜୀ ଜୀବ, ​​ଯାହା ମୁଖ୍ୟତଃ ଏହାର ଉପର ୯ ଇଞ୍ଚ ସ୍ତରରେ ବାସ କରନ୍ତି। ଯଦି ମାଟିରେ କୌଣସି ଜୀବ ନାହାନ୍ତି, ତେବେ କୌଣସି ଫସଲ ବଢିବ ନାହିଁ। ଏହା ଦର୍ଶାଇବାକୁ ଯଥେଷ୍ଟ ବୈଜ୍ଞାନିକ ପ୍ରମାଣ ଅଛି। ଏହି ପୃଥିବୀରେ ଆମ ପାଖରେ କେବଳ ଅଶୀରୁ ଶହେ ଭାଗ କୃଷି ଉପଯୋଗୀ ମାଟି ରହିଛି। ଏହା ଅତି ବେଶିରେ ୪୫ରୁ ୬୦ ବର୍ଷ ପର୍ଯ୍ୟନ୍ତ, ଏହା ପରେ ପୃଥିବୀକୁ ଏକ ଗମ୍ଭୀର ଖାଦ୍ୟ ସମସ୍ୟା ଭୋଗିବାକୁ ପଡିବ।

ମାଟିର କ୍ଷୟ ହେଉଛି ସମସ୍ତ ଜୀବନର କ୍ଷୟ। ବିଗତ ତିରିଶ ବର୍ଷ ମଧ୍ୟରେ କୀଟ ବାୟୋମାସ୍ ଅଶୀ ପ୍ରତିଶତ ହ୍ରାସ ପାଇଛି। ଗତ ପଚାଶ ବର୍ଷ ମଧ୍ୟରେ ମେରୁଦଣ୍ଡୀ ଜୀବ ଷାଠିଏ ପ୍ରତିଶତ ଅଦୃଶ୍ୟ ହୋଇଯାଇଛନ୍ତି। ଏପରି ଅନେକ ତଥ୍ୟ ରହିଛି ଯାହା ବିନାଶର ସଂକେତ ପ୍ରଦାନ କରେ। ଏହା ଆମେ ହିଁ ଗତ ଦୁଇ ପିଢିରେ କରିଛୁ।

ଚାଷର ଔଦ୍ୟୋଗିକ ସ୍ତର ଏବଂ ଦାୟିତ୍ୱହୀନ ଶିଳ୍ପ ପ୍ରଣାଳୀ ଯାହା ଆମେ ବିକଶିତ କରିଛୁ, ଏହା ଆମ ମାଟିକୁ ନଷ୍ଟ କରିଛି। ଆମକୁ ମାଟିକୁ ଜୀବନ୍ତ କରିବାକୁ ପଡିବ। ଏପରି ହେଲେ ହିଁ ଏହା ଆମ ଜୀବନ ଏବଂ ଅନ୍ୟାନ୍ୟ ଜୀବନକୁ ପୋଷଣ କରିବ।

ମୋତେ ଅନେକ ଥର ପଚରାଯାଇଛି, “ଗତ ଶହେ ବର୍ଷ ମଧ୍ୟରେ ପରିବେଶରେ ହୋଇଥିବା କ୍ଷୟକୁ ଓଲଟପାଲଟ କରିବା ପାଇଁ ବିଶ୍ୱର ତିନୋଟି ମୁଖ୍ୟ ବିଷୟ କ’ଣ?' ମୁଁ କହୁଛି, 'ତିନୋଟି ଜିନିଷ ହେଉଛି ମାଟି, ମାଟି, ଏବଂ ମାଟି। ଆମେ ଅନେକ ଭିନ୍ନ ଭିନ୍ନ ପ୍ରସଙ୍ଗ ଉପରେ ଆଲୋଚନା କରୁ। ବିଭିନ୍ନ ସ୍ତରରେ ଅଙ୍ଗାରକାମ୍ଳ ନିର୍ଗମନ ଏବଂ ପ୍ରଦୂଷଣ ବିଷୟରେ ଆମେ ଆଲୋଚନା କରୁ।

ବର୍ତ୍ତମାନ ବିଶ୍ୱ ଏକ ଭୁଲ ବୁଝାମଣା ଦେଇ ଯାଉଛି, ଯେଉଁଠାରେ ସହରୀ ସମସ୍ୟାଗୁଡିକ ପରିବେଶ ସମସ୍ୟା ଭାବରେ ଚିତ୍ରିତ ହେଉଛି। ଯଦି ଆପଣଙ୍କ ସହରରେ ପ୍ଲାଷ୍ଟିକ୍‌ ବ୍ୟାଗର ଚାହିଦା ବଢେ ତେବେ ଏହା ଏକ ସହରୀ ସମସ୍ୟା, କିନ୍ତୁ ପର୍ଯ୍ୟାବରଣ ନୁହେଁ। ତେବେ ନିୟମକୁ କଡ଼ାକଡ଼ି ଭାବେ କାର୍ଯ୍ୟକାରୀ କରିବା ଏବଂ ଟିକିଏ ସଚେତନତା ସୃଷ୍ଟି କରି ଏହା କରାଯାଇପାରିବ।