LIVE TV
ଗୋଟିଏ ନୁହଁ କି ଦୁଇଟି, ମାଟିତଳୁ ଉଦ୍ଧାର ହେଲା ୧୪ଟି ପିତଳ ମୂର୍ତ୍ତି । କଟକ ଜଲ୍ଲା ରାଉତି ପାଟଣା ନାହାରଙ୍ଗା ଗାଁରେ ଜଣେ ବ୍ୟକ୍ତିଙ୍କ ଘରୁ ଏହି ୧୪ଟି ପିତଳ ମୂର୍ତ୍ତି ଉଦ୍ଧାର ହୋଇଛି । ଗାଁର ଦୀନବନ୍ଧୁ ବେହେରା ନାମକ ବ୍ୟକ୍ତିଙ୍କ ଘର ତଳୁ ଏହି ମୂର୍ତ୍ତି ଉଦ୍ଧାର ହୋଇଥିବା ଜଣାପଡ଼ିଛି ।
ଏନେଇ ଘର ମାଲିକ କହିଛନ୍ତି, ଗତକିଛି ଦିନ ତଳେ ତାଙ୍କୁ ସ୍ୱପ୍ନାଦେଶ ହୋଇଥିଲା । ଯାହା ପରେ ଏବେ ଘର ଖୋଳାଯିବାରୁ ସେଠାରୁ ୧୪ଟି ପିତଳ ମୂର୍ତ୍ତି ଉଦ୍ଧାର କରାଯାଇଛି । ଘଟଣାସ୍ଥଳରେ ASIର ୪ ଜଣିଆ ଟିମ୍ ଓ କନ୍ଦପୁର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ତେବେ ମାଟିତଳୁ ମିଳିଥିବା ମୂର୍ତ୍ତି କେଉଁ ଯୁଗର ସେନେଇ ଏଏସ୍ଆଇ ଟିମ ତଦନ୍ତ କରିବ । ମୂର୍ତ୍ତି ମିଳିବା ପରେ ଏବେ ଏ ନେଇ ଗାଁରେ ଚର୍ଚ୍ଚା ଜୋର ଧରିଛି ।
