Panchamrit in Puja: ପ୍ରତ୍ୟେକ ପୂଜାରେ କାହିଁକି ବ୍ୟବହାର ହୁଏ ପଞ୍ଚାମୃତ, କ’ଣ ରହିଛି ଏହାର ବୈଜ୍ଞାନିକ କାରଣ

ହିନ୍ଦୁ ଧର୍ମରେ ପ୍ରତ୍ୟେକ ପୂଜାପାଠକୁ ବହୁତ ନିଷ୍ଠାର ସହ କରାଯାଏ। ପୂଜାପାଠରେ ପଞ୍ଚାମୃତ ବ୍ୟବହାର କରିବା ଏକ ସାଧାରଣ କଥା। ଏହା ବିନା କୌଣସି ଧାର୍ମିକ ରୀତିନୀତି ସମ୍ପୂର୍ଣ୍ଣ ନୁହେଁ। ସେଥିପାଇଁ ଛୋଟ-ବଡ ସବୁ ପୂଜାରେ ପଞ୍ଚାମୃତ ଭୋଗ କରାଯାଏ।

ପାଞ୍ଚଟି ଜିନିଷର ମିଶ୍ରଣରେ ଏହା ତିଆରି ହେଉଥିବାରୁ ଏହାକୁ ପଞ୍ଚାମୃତ କୁହାଯାଏ। ଏହି ମିଶ୍ରଣ ଅମୃତ ସହିତ ସମାନ ବୋଲି କୁହାଯାଏ। ଆପଣ କେବେ ଚିନ୍ତା କରିଛନ୍ତି କି ହିନ୍ଦୁ ଧର୍ମରେ ପଞ୍ଚାମୃତକୁ କାହିଁକି ଏତେ ସ୍ୱତନ୍ତ୍ର ବୋଲି ବିବେଚନା କରାଯାଏ? ଆସନ୍ତୁ ଜାଣିବା ଏହାର ମହତ୍ତ୍ୱ।

ଅଧିକ ପଢ଼ନ୍ତୁ: ମହିଳାମାନେ କପାଳରେ କାହିଁକି ଲଗାନ୍ତି ସିନ୍ଦୁର ବା ଟିକିଲି

ପଞ୍ଚାମୃତ କ’ଣ:

କ୍ଷୀର, ଦହୀ, ମହୁ, ଚିନି ଏବଂ ଘିଅକୁ ମିଶାଇ ପଞ୍ଚାମୃତ ପ୍ରସ୍ତୁତ ହୁଏ। ଧାର୍ମିକ ବିଶ୍ୱାସ ଅନୁଯାୟୀ, ପୂଜାପାଠରେ ପଞ୍ଚାମୃତ ବ୍ୟବହାର କରିବା ଏବଂ ଏହାକୁ ଖାଇବା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇଥାଏ।

ପଞ୍ଚାମୃତରେ ବ୍ୟବହୃତ ସମସ୍ତ ଜିନିଷରେ ଅନେକ ଗୁଣ ରହିଛି। ଏସବୁକୁ ପବିତ୍ର ବୋଲି ମଧ୍ୟ ଧରାଯାଏ। ପବିତ୍ର ଜିନିଷ ସବୁବେଳେ ଭଗବାନଙ୍କୁ ଅର୍ପଣ କରାଯାଏ। ତେଣୁ ଧର୍ମିକ ଦୃଷ୍ଟିରୁ ପୂଜାପାଠରେ ପଞ୍ଚାମୃତର ବିଶେଷ ଗୁରୁତ୍ୱ ରହିଛି ବୋଲି ବିବେଚନା କରାଯାଏ।

ପଞ୍ଚାମୃତର ଲାଭ:

ପଞ୍ଚାମୃତରେ ଅମୃତ ପରି ଗୁଣ ରହିଥାଏ। ଏହା ସାତ୍ତ୍ୱିକ ଏବଂ ଶୁଦ୍ଧ ମଧ୍ୟ। ଏଥିରେ ଥିବା ସମସ୍ତ ଜିନିଷ ଜୀବନ ଉପରେ କୌଣସି ନା କୌଣସି ପ୍ରକାରେ ସକରାତ୍ମକ ପ୍ରଭାବ ପକାଇଥାଏ ଏବଂ ମନକୁ ଶୁଦ୍ଧ କରିଥାଏ। ପଞ୍ଚାମୃତରେ ଥିବା ପାଞ୍ଚଟି ଜିନିଷରେ ମିଳିଥିବା ଗୁଣଗୁଡ଼ିକ ଖୁବ୍ ଲାଭଦାୟକ ଏବଂ ଏହାର ବ୍ୟବହାର ମଧ୍ୟ ଜୀବନର ଅନେକ ସମସ୍ୟାକୁ ଦୂର କରିଥାଏ।

ଅଧିକ ପଢ଼ନ୍ତୁ: ବୈଜ୍ଞାନିକ ମତ; ମହିଳାମାନେ କାହିଁକି ପିନ୍ଧନ୍ତି ଗୋଡରେ ମୁଦି

ପଞ୍ଚାମୃତର ବୈଜ୍ଞାନିକ ମହତ୍ତ୍ୱ:

ପଞ୍ଚାମୃତରେ କ୍ଷୀର ଥିବାରୁ ଏହା ଶରୀରକୁ ମଜବୁତ କରିଥାଏ ଏବଂ ଶରୀର ଭିତରୁ ବିଷାକ୍ତ ପଦାର୍ଥ ବାହାର କରିଥାଏ। ଏହା ବ୍ୟତୀତ କ୍ଷୀର ମଧ୍ୟ ମନକୁ ଶାନ୍ତ କରିଥାଏ। ପଞ୍ଚାମୃତରେ ଥିବା ଦହି ହଜମ ପ୍ରକ୍ରିୟାକୁ ମଜବୁତ କରିଥାଏ ଏବଂ ଏକାଗ୍ରତା ବଢାଇଥାଏ।

ମହୁ ଶରୀରରେ ଥିବା ଅତ୍ୟାବଶ୍ୟକ ଚର୍ବି ବାହାର କରିବାରେ ସାହାଯ୍ୟ କରେ। ମହୁ ମଧ୍ୟ ପରିବାର ଏବଂ ସମ୍ପର୍କରେ ମଧୁରତାକୁ ବଢାଏ। ମହୁରେ ଚିନି ମିଶିବା ଦ୍ୱାରା ଶରୀରର ଉର୍ଜା ବଢିଥାଏ ଏବଂ ଅଳସୁଆମୀ ଦୂର ହୁଏ।

ଚିନି ମଧ୍ୟ କଥାକୁ ମଧୁର କରେ ଏବଂ ଶୋଇବା ସମ୍ବନ୍ଧୀୟ ସମସ୍ୟାକୁ ଦୂର କରିଥାଏ। ଘିଅରେ ଅନେକ ଗୁଣ ରହିଛି। ଏହା ଶରୀରକୁ ବଳ ଦେଇଥାଏ ଏବଂ ହାଡକୁ ଶକ୍ତିଶାଳୀ କରିଥାଏ। ତେଣୁ ପଞ୍ଚାମୃତ ଖାଇବା ସ୍ୱାସ୍ଥ୍ୟ ପାଇଁ ଅନେକ ଉପାୟରେ ଲାଭ ଦେଇଥାଏ।

ଅଧିକ ପଢ଼ନ୍ତୁ: ବିବାହିତା ମହିଳାମାନେ ସିନ୍ଥିରେ ସିନ୍ଦୂର କାହିଁକି ଲଗାନ୍ତି; କ’ଣ କୁହେ ବିଜ୍ଞାନ…