Tamil And Kannada Controversy: କେଉଁଠାରୁ ଉତ୍ପତ୍ତି ହେଲା ଭାରତର ସମସ୍ତ ଭାଷା ? ତାମିଲ ଓ କନ୍ନଡ଼ ଭାଷା ମଧ୍ୟରେ ସମ୍ପର୍କ କ’ଣ ?

'ମାତୃଭୂମି ମାତୃଭାଷାରେ ମମତା ଯା' ହୃଦେ ଜନମି ନାହିଁ, ତାକୁ ଯେବେ ଜ୍ଞାନୀଗଣରେ ଗଣିବା ଅଜ୍ଞାନ ରହିବେ କାହିଁ ' ... ହେଲେ ବର୍ତ୍ତମାନ ସମୟରେ ଇଂରାଜୀ ଭାଷା ଜାଣିଥିବା ଲୋକଙ୍କୁ ହିଁ ଜ୍ଞାନୀରେ ଗଣନା କରାଯାଉଛି ଏବଂ ମାତୃଭାଷାର ପ୍ରୟୋଜନ ନଥିଲା ପରି ଲାଗୁଛି । ଏପରି ଜ୍ଞାନୀ ଲୋକମାନଙ୍କର ମାତୃଭାଷା ଅବହେଳା ହେଲା ଜାତି ପକ୍ଷରେ ଘୋର ଦୁର୍ଭାଗ୍ୟର କାରଣ । ପ୍ରତ୍ୟେକ ଜାତି ତା’ର ଜାତି ଓ ସାହିତ୍ୟକୁ ନେଇ ଗର୍ବ କରେ । ସବୁ ଭାଷାକୁ ସମ୍ମାନ ଦିଆଯିବା ଉଚିତ। କିନ୍ତୁ ସବୁ ଭାଷା ଉପରେ ଅଟେ ମାତୃଭାଷା । ହେଲେ ବିଡ଼ମ୍ବନାର ବିଷୟ ଦେଶରେ ବେଶ କିଛି ଦିନ ହେବ ଭାଷାକୁ ନେଇ ଅନେକ ବିବାଦ ଉପୁଜୁଥିବା ଦେଖିବାକୁ ମିଳୁଛି । କେବେ ହିନ୍ଦୀ ଭାଷାକୁ ନେଇ ତ କେବେ ଇଂରାଜୀ ଭାଷାକୁ ନେଇ, ଆଉ ଏବେ କନ୍ନଡ ଓ ତାମିଲ ଭାଷାକୁ ନେଇ ବିବାଦ ଆରମ୍ଭ ହୋଇଛି । ଭିନ୍ନତା ଭିତରେ ଏକତା ହେଉଛି ଭାରତର ସବୁଠାରୁ ବଡ଼ ଶକ୍ତି ।

ଭାରତରେ ବିଭିନ୍ନ ଧର୍ମ, ସଂସ୍କୃତି ଓ ଭାଷାଭାଷୀର ଲୋକେ ବସବାସ କରନ୍ତି । ଭାଷା ଭାବ ପ୍ରକାଶର ଏକ ମାଧ୍ୟମ । ଦେଶରେ ବିଭିନ୍ନ ଭାଷାର ଉତ୍ପତ୍ତି, ଅଭିବୃଦ୍ଧି ଓ ଲୋପ ପାଇଯିବାର ଅନେକ ଉଦାହରଣ ରହିଛି । ଭାଷା ଅସ୍ମିତା ଗୁରୁତ୍ୱପୂର୍ଣ୍ଣ, କିନ୍ତୁ ତାହା ସାମ୍ପ୍ରଦାୟିକତା ବା ଦଳୀୟ ହିଂସାର ଆଧାର ହେବା ଉଚିତ୍ ନୁହେଁ।

ନିକଟରେ ତାମିଲ ଅଭିନେତା କମଲ ହାସନ କନ୍ନଡ ଭାଷା ସମ୍ପର୍କରେ ବୟାନ ଦେଇ ବିବାଦରେ ଛନ୍ଦି ହୋଇଯାଇଛନ୍ତି । ପ୍ରସିଦ୍ଧ ଅଭିନେତା ତାଙ୍କ ଆଗାମୀ ଚଳଚ୍ଚିତ୍ର ଠଗ୍ ଲାଇଫର ପ୍ରମୋସନାଲ୍ କାର୍ଯ୍ୟକ୍ରମରେ କନ୍ନଡ ଭାଷା ତାମିଲରୁ ଜନ୍ମ ହୋଇଥିବା କହିବା ପରେ ବିବାଦ ଆରମ୍ଭ ହୋଇଥିଲା ।

ଅଧିକ ପଢ଼ନ୍ତୁ: 'ଭାରତ ଇତିହାସର ସବୁଠୁ ବଡ଼ ଅପରେସନ 'ସିନ୍ଦୂର', ଏହା ନାରୀଶକ୍ତିର ପ୍ରତୀକ'

କାର୍ଯ୍ୟକ୍ରମରେ ଉପସ୍ଥିତ କନ୍ନଡ ଫିଲ୍ମ ଷ୍ଟାର ଶିବ ରାଜକୁମାରଙ୍କୁ ସମ୍ବୋଧିତ କରି କମଲ ହାସନ ଏହି ମନ୍ତବ୍ୟ ଦେଇଥିଲେ । କମଲ ହାସନ ଶିବ ରାଜକୁମାରଙ୍କୁ କହିଥିଲେ, "ତୁମେ କର୍ଣ୍ଣାଟକରେ ରହୁଥିବା ମୋର ପରିବାର ଏବଂ ସେଥିପାଇଁ ତୁମେ ଏଠାକୁ ଆସିଛ। ତୁମର ଭାଷା ତାମିଲରୁ ଜନ୍ମ ହୋଇଛି ଏବଂ ସେଥିପାଇଁ ତୁମେ ଏହାର ଏକ ଅଂଶ। ତାଙ୍କର ଏହି ବୟାନ ସୋସିଆଲ ମିଡିଆରେ ହଇଚଇ ସୃଷ୍ଟି କରିଥିଲା । କିଛି ଲୋକ କର୍ଣ୍ଣାଟକରେ ତାଙ୍କ ଆଗାମୀ ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ଦାବି କରୁଛନ୍ତି । ସେପଟେ ତାମିଲ ଅଭିନେତା ଶିବରାଜ କୁମାର ସେହି ପ୍ରମୋସନାଲ୍ କାର୍ଯ୍ୟକ୍ରମରେ ଯୋଗ ଦେଇଥିବା ବେଳେ ଏନେଇ କିଛି କହିନଥିବାରୁ ତାଙ୍କୁ ଟ୍ରୋଲ କରାଯାଉଛି ।

ସମସ୍ତ ଭାରତୀୟ ଭାଷା ଗୋଟିଏ ଭାଷାରୁ ଉତ୍ପନ୍ନ ନୁହେଁ । ଏଗୁଡ଼ିକ ଭାରତର ବିଶାଳ ଭାଷାଗତ ଦୃଶ୍ୟପଟ୍ଟରେ ବିଭିନ୍ନ ପ୍ରଭାବ ଏବଂ ବିକାଶର ଫଳାଫଳ। ହିନ୍ଦୀ, ବଙ୍ଗଳା, ମରାଠୀ ଏବଂ ପଞ୍ଜାବୀ ଭଳି ଉତ୍ତର ଭାରତୀୟ ଭାଷାଗୁଡ଼ିକ ମୁଖ୍ୟତଃ ଇଣ୍ଡୋ-ୟୁରୋପୀୟ ଭାଷା ପରିବାରର ଇଣ୍ଡୋ- ଆର୍ଯ୍ୟ ଶାଖାରୁ ଉତ୍ପନ୍ନ । ସଂସ୍କୃତକୁ ଏହି ଭାଷାଗୁଡ଼ିକର ପୂର୍ବଜ ବୋଲି ବିଶ୍ୱାସ କରାଯାଏ । ଦକ୍ଷିଣ ଭାରତରେ ବ୍ୟବହୃତ ତାମିଲ, ତେଲୁଗୁ, କନ୍ନଡ ଏବଂ ମାଲାୟଲମ ଭଳି ଭାଷାଗୁଡ଼ିକ ଦ୍ରାବିଡ଼ ଭାଷା ପରିବାରର। ଏଗୁଡ଼ିକର ଉତ୍ପତ୍ତି ଭିନ୍ନ ଏବଂ ସିଧାସଳଖ ଇଣ୍ଡୋ-ୟୁରୋପୀୟ ଭାଷା ସହିତ ଜଡିତ ନୁହେଁ। ମଧ୍ୟ ଭାରତରେ କୁହାଯାଉଥିବା ମୁଣ୍ଡା ଭଳି ଭାଷାଗୁଡ଼ିକ ଅଷ୍ଟ୍ରୋଏସିଆଟିକ୍ ପରିବାରର। ଭାରତର ଉତ୍ତର-ପୂର୍ବ ଅଂଶର କିଛି ଭାଷା, ଯେପରିକି ହିମାଳୟ ଅଞ୍ଚଳ, ଚୀନ-ତିବ୍ବତ ପରିବାରର ଅଂଶ। ସମୟ ସହିତ ବିଭିନ୍ନ ଭାଷା ଏବଂ ସଂସ୍କୃତି ଭାରତର ଭାଷା ସହିତ ପାରସ୍ପରିକ କ୍ରିୟାରେ ପ୍ରଭାବିତ ହୋଇଛି, ଯାହା ଫଳରେ ଏକ ଜଟିଳ ଏବଂ ବିବିଧ ଭାଷାଗତ ଦୃଶ୍ୟପଟ ସୃଷ୍ଟି ହୋଇଛି।

ତାମିଲରୁ ଉତ୍ପନ୍ନ କି କନ୍ନଡ ?

କନ୍ନଡ ହେଉଛି ସବୁଠାରୁ ପୁରୁଣା ଦ୍ରାବିଡ଼ ଭାଷା ମଧ୍ୟରୁ ଗୋଟିଏ। ଏହାର ଏକ ସମୃଦ୍ଧ ଏବଂ ସୁପ୍ରମାଣିତ ଇତିହାସ ୨,୦୦୦ ବର୍ଷରୁ ଅଧିକ ପୁରୁଣା। ଏହା ଦ୍ରାବିଡ଼ ଭାଷା ପରିବାରର ଦକ୍ଷିଣ ଶାଖାର, ଯେଉଁଥିରେ ତାମିଲ, ମାଲାୟଲମ ଏବଂ ତେଲୁଗୁ ମଧ୍ୟ ଅନ୍ତର୍ଭୁକ୍ତ । ଭାଷାବିତଙ୍କ ଅନୁସାରେ, କନ୍ନଡ ଭାଷାର ବିକାଶ ଆଦି-ଦ୍ରାବିଡ଼ ଭାଷାରୁ ହୋଇଛି, ଯାହା ସମସ୍ତ ଦ୍ରାବିଡ଼ ଭାଷାର ପୂର୍ବଜ । କନ୍ନଡ ଭାଷା ପ୍ରାୟ ଖ୍ରୀଷ୍ଟପୂର୍ବ ତୃତୀୟ ଶତାବ୍ଦୀରେ ଅସ୍ତିତ୍ୱ ଲାଭ କରିଥିଲା। ଇତିହାସର ଅଧ୍ୟୟନରୁ ଜଣାପଡ଼େ, ସବୁଠାରୁ ପୁରୁଣା କନ୍ନଡ ଶିଳାଲେଖ ହେଉଛି ହଲମିଦି, ଯାହା ୪୫୦ ଖ୍ରୀଷ୍ଟାବ୍ଦରେ ଲେଖାଯାଇଥିଲା। ଏହା ସବୁଠାରୁ ପୁରୁଣା କନ୍ନଡ ଶିଳାଲେଖ ଏବଂ ପ୍ରାରମ୍ଭିକ କନ୍ନଡ ଲିପିର କାବ୍ୟିକ ରୂପରେ ଲେଖାଯାଇଛି। କର୍ଣ୍ଣାଟକରେ ମିଳିଥିବା ଅଶୋକଙ୍କ ଶିଳାଲେଖ (ଖ୍ରୀଷ୍ଟପୂର୍ବ ତୃତୀୟ ଶତାବ୍ଦୀ) ରେ ଦ୍ରାବିଡ଼ ମୂଳର ଶବ୍ଦ ଅଛି। ଏଥରୁ ସ୍ପଷ୍ଟ ସୂଚନା ମିଳେ କନ୍ନଡ ପୂର୍ବରୁ ମଧ୍ୟ କୁହାଯାଉଥିଲା।

କନ୍ନଡ ଏବଂ ତାମିଲ ମଧ୍ୟରେ ସମ୍ପର୍କ

କନ୍ନଡ ଏବଂ ତାମିଲ ଉଭୟ ଆଦି-ଦ୍ରାବିଡୀୟ ଭାଷାରୁ ବିକଶିତ । ଗୋଟିଏ ଭାଷାର ପରିବାରରୁ ଆସିଥିବାରୁ ଉଭୟ ଭାଷାର ବ୍ୟାକରଣଗତ ଗଠନ, ଶବ୍ଦ ଗଠନ ଏବଂ ଉତ୍ପତ୍ତି ସହିତ ଶବ୍ଦ ମଧ୍ୟ ସମାନ ବୋଲି କୁହାଯାଏ । ଭୌଗୋଳିକ ଏବଂ ସାଂସ୍କୃତିକ ଦୃଷ୍ଟିକୋଣରୁ ତାମିଲକମ୍ ଅଞ୍ଚଳର ମୂଳ ରହିଥିଲା ତାମିଲ ଭାଷା । ଯେତେବେଳେ କନ୍ନଡ ଭାଷାଭାଷୀମାନେ ପଶ୍ଚିମକୁ ସ୍ଥାନାନ୍ତରିତ ହୋଇଥିଲେ( ଯାହା ବର୍ତ୍ତମାନ କର୍ଣ୍ଣାଟକ ଅଟେ), ସେତେବେଳେ ଏହା ସ୍ୱାଧୀନ ଭାଷାଗତ ବିକାଶର କାରଣ ହୋଇଥିଲା। ଉଭୟ ଭାଷାର ରାଜନୈତିକ ଇତିହାସ ସମାନ ରହିଛି। ଚାଲୁକ୍ୟ, ପଲ୍ଲବ ଏବଂ ହୋୟସଲା ଭଳି ଶାସକମାନେ କନ୍ନଡ ଏବଂ ତାମିଲ ଭାଷାଭାଷୀମାନଙ୍କ ଉପରେ ଶାସନ କରିଥିଲେ।

ରାଜନୈତିକ ଇତିହାସ

ଚୋଳ ରାଜବଂଶ (୯ମ-୧୩ଶ ଶତାବ୍ଦୀ) କର୍ଣ୍ଣାଟକର କିଛି ଅଂଶରେ ଶାସନ କରିଥିଲେ ଏବଂ ତାମିଲ ଶିଳାଲେଖ ଛାଡିଥିଲେ। ଅନ୍ୟପକ୍ଷରେ ହୋୟସଲା ରାଜବଂଶ (୧୦ମ-୧୪ଶ ଶତାବ୍ଦୀ) ର ଶାସନ ସମୟରେ ତାମିଲ ଅଞ୍ଚଳଗୁଡ଼ିକୁ ପ୍ରଭାବିତ କରିଥିଲେ ଏବଂ ଭାଷାଗତ ଆଦାନପ୍ରଦାନକୁ ପ୍ରୋତ୍ସାହିତ କରିଥିଲେ। ବିଜୟନଗର ସାମ୍ରାଜ୍ୟରେ (୧୪ଶ-୧୭ଶ ଶତାବ୍ଦୀ) କନ୍ନଡ ଏବଂ ତାମିଲ ସାହିତ୍ୟ ଉଭୟ ଦରବାରର ପୃଷ୍ଠପୋଷକତାରେ ପ୍ରୋତ୍ସାହିତ ହୋଇଥିଲା । ଉଦାହରଣ ସ୍ୱରୂପ, ରାଜ ଦରବାର ଏବଂ ମନ୍ଦିରଗୁଡ଼ିକ ଭାଷାଗୁଡ଼ିକର ସଙ୍ଗମ ସ୍ଥଳ ଥିଲା, ଯେଉଁଠାରେ କବି ଏବଂ ବିଦ୍ୱାନମାନେ ପ୍ରାୟତଃ ଉଭୟ ଭାଷା କହୁଥିଲେ। ପ୍ରଶାସନିକ, ଧାର୍ମିକ ଏବଂ କଳାତ୍ମକ ଆଦାନପ୍ରଦାନ ସାଧାରଣ ଥିଲା। କାଞ୍ଚିପୁରମ କିମ୍ବା ବେଲୁର-ହାଲେବିଡୁର ମନ୍ଦିରଗୁଡ଼ିକରେ କନ୍ନଡ ଏବଂ ତାମିଲ ଉଭୟ ଭାଷାରେ ଶିଳାଲେଖ ଅଛି।

ଗୋଟିଏ ସ୍ଥାନରୁ ଉଭୟ ଭାଷାର ଉତ୍ପତ୍ତି

ଶାସ୍ତ୍ରୀୟ ଭାବରେ, ତାମିଲର ସଙ୍ଗମ ଯୁଗ ( ପ୍ରାୟ ଖ୍ରୀଷ୍ଟପୂର୍ବ ୫୦୦ – ଖ୍ରୀଷ୍ଟାବ୍ଦ ୩୦୦) ଏବଂ କନ୍ନଡର ଶାସ୍ତ୍ରୀୟ ଯୁଗ (ପ୍ରାୟ ୮୫୦ CE ଆରମ୍ଭ) । କିନ୍ତୁ ଉଭୟ ଭାଷାଭାଷୀ ସାହସ, ପ୍ରେମ ଏବଂ ଭକ୍ତି ଭଳି ସମାନ ଦ୍ରାବିଡ଼ ସାଂସ୍କୃତିକ ମୂଲ୍ୟବୋଧ ଦ୍ୱାରା ପ୍ରଭାବିତ ହୋଇଥିଲେ। ଭକ୍ତି ଆନ୍ଦୋଳନ ସମୟରେ ବିଶେଷକରି ଶୈବ ଧର୍ମ ସମୟରେ ବସବନ୍ନାଙ୍କ ଭଳି କନ୍ନଡ କବିମାନେ ଆପ୍ପର ଏବଂ ମଣିକ୍କଭାସାଗର ଭଳି ତାମିଲ ସନ୍ଥଙ୍କ ସହିତ ମିଶି ଏକ ସାଧାରଣ ଆଧ୍ୟାତ୍ମିକ ଭାଷାକୁ ପ୍ରୋତ୍ସାହିତ କରିଥିଲେ। ଯଦିଓ ସମୟ ସହିତ ବାକ୍ୟବିନ୍ୟାସ ଏବଂ ଶବ୍ଦାବଳୀ ଭିନ୍ନ ହୋଇଥିଲା ଉଭୟ ଭାଷାର ଡିଏନଏ କିନ୍ତୁ ଗୋଟିଏ ।

ତାମିଲ ଭାଷାର ଉତ୍ପତ୍ତି କିପରି ହେଲା ?

ତାମିଲ ହେଉଛି ବିଶ୍ୱର ସବୁଠାରୁ ପୁରୁଣା ଜୀବନ୍ତ ଭାଷା। ଏହା ୨,୫୦୦ ବର୍ଷରୁ ଅଧିକ ପୁରୁଣା ଏବଂ ଏହା ଦ୍ରାବିଡ଼ ପରିବାରର ଏକ ଅଂଶ। ଭାଷାବିତଙ୍କ ଅନୁସାରେ, ଦ୍ରାବିଡ଼ ଭାଷାର ବ୍ୟବହାର ଇଣ୍ଡୋ- ଆର୍ଯ୍ୟମାନଙ୍କ ଆଗମନ ପୂର୍ବରୁ (ଯେଉଁମାନେ ସଂସ୍କୃତ ଏବଂ ସମ୍ପର୍କିତ ଭାଷା ଆଣିଥିଲେ) ହୋଇଥିଲା । ଦକ୍ଷିଣ ଦ୍ରାବିଡ଼ ଉପ-ଗୋଷ୍ଠୀର ଏକ ଅଂଶ ହେଉଛି ତାମିଲ ଭାଷା, ଯାହା ଆଦି-ଦ୍ରାବିଡ଼ ଭାଷାରୁ ବିକଶିତ ହୋଇଥିଲା। ଏହା ପ୍ରାୟ ୨୫୦୦-୧୫୦୦ BC ମଧ୍ୟରେ ଉପଦ୍ୱୀପୀୟ ଭାରତରେ କୁହାଯାଉଥିଲା। ତାମିଲ ସମ୍ଭବତଃ ୧୦୦୦ BC ସୁଦ୍ଧା ଏକ ପୃଥକ ଭାଷା ଭାବରେ ବିକଶିତ ହେବା ଆରମ୍ଭ କରିଥିଲା।

ତାମିଲରେ ଲିଖିତ ଧର୍ମଗ୍ରନ୍ଥ

ତାମିଲର ସର୍ବପ୍ରାଚୀନ ପ୍ରଥମ ଅଭିଲେଖ ସଙ୍ଗମ ସାହିତ୍ୟରେ ମିଳେ। ସଙ୍ଗମ ଗ୍ରନ୍ଥଗୁଡ଼ିକର ନିର୍ମାଣ ପ୍ରାଚୀନ ତାମିଲକମ୍ (ଆଧୁନିକ ତାମିଲନାଡୁ ଏବଂ କେରଳର କିଛି ଅଂଶ)ରେ ପାଣ୍ଡ୍ୟା, ଚେର ଏବଂ ଚୋଳ ଶାସକଙ୍କ ପୃଷ୍ଠପୋଷକତାରେ ସୃଷ୍ଟି ହୋଇଥିଲା। ଧୀରେ ଧୀରେ ତାମିଲ ଭାଷା ଶାସ୍ତ୍ରୀୟ ତାମିଲରେ ବିକଶିତ ହୋଇଥିଲା, ଯାହା ଧାର୍ମିକ ଏବଂ ଦାର୍ଶନିକ ଗ୍ରନ୍ଥଗୁଡ଼ିକରେ ବ୍ୟବହୃତ ହେଉଥିଲା। ଭକ୍ତି ଆନ୍ଦୋଳନ (ଷଷ୍ଠ-ନବମ ଶତାବ୍ଦୀ) ସମୟରେ କବିମାନେ ଶିବ ଏବଂ ବିଷ୍ଣୁଙ୍କ ପ୍ରତି ଭକ୍ତି କବିତା ଲେଖିଥିଲେ। ତାମିଲ ଥିଲା ଶୈବ ସିଦ୍ଧାନ୍ତ ଏବଂ ବୈଷ୍ଣବ ଧର୍ମଶାସ୍ତ୍ରର ଭାଷା, ପ୍ରାୟତଃ ବୈଦିକ/ସଂସ୍କୃତ ପ୍ରାଧାନ୍ୟର ବିପକ୍ଷରେ ଥିଲା।

ଭାରତ ବାହାରେ ତାମିଲ ଭାଷାର ଉପସ୍ଥିତି

ମଧ୍ୟଯୁଗରେ ଚୋଳ ସମ୍ରାଟମାନେ (ବିଶେଷକରି ରାଜରାଜା ଚୋଳ ପ୍ରଥମ ଏବଂ ରାଜେନ୍ଦ୍ର ଚୋଳ ପ୍ରଥମ) ତାମିଲ ଶିଳାଲେଖ, ମନ୍ଦିର ସ୍ଥାପତ୍ୟ ଏବଂ ସାହିତ୍ୟକୁ ପ୍ରୋତ୍ସାହିତ କରିଥିଲେ । ତାମିଲ ଭାଷା ଶ୍ରୀଲଙ୍କା, ଦକ୍ଷିଣ ପୂର୍ବ ଏସିଆ (ବିଶେଷକରି ଚୋଳ ନୌସେନା ଅଭିଯାନ ସମୟରେ) ଏବଂ ଉତ୍ତର ଶ୍ରୀଲଙ୍କାର କିଛି ଅଂଶରେ ବ୍ୟାପିଥିଲା , ଏହି ସ୍ଥାନ ଗୁଡ଼ିକରେ ଆଜି ବି ଏହି ଭାଷାର ଉପସ୍ଥିତି ରହିଛି । ବ୍ରିଟିଶ ଶାସନ ସମୟରେ ମୁଦ୍ରିତ ଅଭିଧାନ ଏବଂ କିଛି ଇଂରାଜୀ ଶବ୍ଦରେ ତାମିଲ ବ୍ୟବହାର କରାଯାଉଥିଲା। ବିଶେଷକରି ବିଂଶ ଶତାବ୍ଦୀରେ ହିନ୍ଦୀ ବିରୋଧୀ ଆନ୍ଦୋଳନ ସମୟରେ ଏହା ଦ୍ରାବିଡ଼ ରାଜନୀତିର ଏକ ଅବିଚ୍ଛେଦ୍ୟ ଅଂଶ ହୋଇଗଲା । ୨୦୦୪ ମସିହାରେ ତାମିଲକୁ ଭାରତର ଏକ ଶାସ୍ତ୍ରୀୟ ଭାଷା ଘୋଷଣା କରାଯାଇଥିଲା, ଯାହା ଏହି ଗୌରବ ପ୍ରାପ୍ତ କରିଥିବା ପ୍ରଥମ ଭାଷା ଥିଲା ।

ଅଧିକ ପଢ଼ନ୍ତୁ: ସାମ୍ବାଦିକା ସାଜି ପାକ୍ ଅଧିକାରୀଙ୍କ ଗୁଇନ୍ଦାଗିରି, ଟଙ୍କା ଲୋଭରେ ମହିଳାଙ୍କୁ ଗୁପ୍ତତଥ୍ୟ ଦେଉଥିଲେ ASI