LIVE TV
ସେ ବ୍ରେଡ୍ ସେକିବା ହେଉ ଜି ପରଟାକୁ ନରମ କରିବା ପାଇଁ ହେଉ ଆମେ ଲହୁଣୀ ବା ବଟର ବ୍ୟବହାର କରୁ। ବଟର ପ୍ରତ୍ୟେକ ଖାଦ୍ୟକୁ ସ୍ୱାଦିଷ୍ଟ କରିଦିଏ। ପାଓ ଭାଜିରେ ଏହା ବହୁଳ ଭାବରେ ବ୍ୟବହୃତ ହୁଏ। ତେବେ ଅଧିକାଂଶ ଲୋକ ଅମୁଲ ବଟର ବ୍ୟବହାର କରନ୍ତି।
ଯଦି ଆପଣ ମଧ୍ୟ ଏହିପରି ବଟର ପସନ୍ଦ କରନ୍ତି ତେବେ ଆପଣ ଏହାକୁ ଘରେ ପ୍ରସ୍ତୁତ କରିପାରିବେ। ଏହାକୁ ତିଆରି କରିବାର ପଦ୍ଧତି ବହୁତ ସହଜ ଅଟେ। ଏହାକୁ ପ୍ରସ୍ତୁତ କରି ଆପଣ ବାରମ୍ବାର ବଟର କିଣିବାର ଟଙ୍କାକୁ ମଧ୍ୟ ସଞ୍ଚୟ କରିପାରିବେ। ଏହାକୁ କିପରି ତିଆରି କରିବେ ଆସନ୍ତୁ ଜାଣିବା…
Also Read
ଅଧିକ ପଢ଼ନ୍ତୁ: Tips And Tricks: ଖରା ଦିନେ ଖାଦ୍ୟକୁ ସତେଜ ରଖିବା ନେଇ କେତେକ ସହଜ ଉପାୟ
ଏହାକୁ ନେଇ ଇନଷ୍ଟାଗ୍ରାମରେ ଏକ ଭିଡିଓ ଭାଇରାଲ୍ ହେଉଛି। ଏହି ଭିଡିଓକୁ ଶ୍ରେୟା ଅଗ୍ରୱାଲ ନାମକ ଜଣେ ବ୍ୟକ୍ତି ସେୟାର କରିଛନ୍ତି। ଏଥିରେ ଆପଣ କିପରି ଘରେ ସହଜରେ ବଟର ତିଆରି କରିପାରିବେ ଜାଣିପାରିବେ। ଏହାକୁ ପ୍ରସ୍ତୁତ କରିବା ପାଇଁ ଆପଣଙ୍କୁ କେବଳ ଦୁଇଟି ଜିନିଷ ଦରକାର।
ପ୍ରଥମଟି ହେଉଛି କ୍ଷୀର ସର ଏବଂ ଦ୍ୱିତୀୟଟି ହେଉଛି ବରଫ। ନରମ ଏବଂ ମୁଲାୟମ୍ ବଟର ତିଆରି କରିବାକୁ, ଆପଣଙ୍କୁ ପ୍ରଥମେ କ୍ଷୀରରୁ ସର ସଂଗ୍ରହ କରିବାକୁ ପଡିବ। ଏନେଇ ଏକ ପାତ୍ରରେ ପ୍ରତ୍ୟେକ ଦିନର କ୍ଷୀରରୁ ସରକୁ ଅଲଗା କରନ୍ତୁ ଏବଂ ଏହାକୁ ଫ୍ରିଜ୍ରେ ରଖିବାକୁ ଭୁଲନ୍ତୁ ନାହିଁ।
ଯେତେବେଳେ ଆବଶ୍ୟକ ମୁତାବକ ସର ସଂଗ୍ରହ ହେଇଯିବ ଏହାକୁ ବରଫ ଏବଂ କିଛି ପାଣିରେ ମିଶାଇ ଗ୍ରାଇଣ୍ଡ୍ କରନ୍ତୁ। ଚିକ୍କଣ ହୋଇଯିବା ପରେ ଏହି କ୍ରିମ୍ ବାହାର କରନ୍ତୁ ଏବଂ ବଲ୍ ତିଆରି କରନ୍ତୁ ଏବଂ ପାଣି ବାହାର କରି ଦିଅନ୍ତୁ। ଏବେ ଏହାକୁ ବରଫ ପାଣିରେ ରଖନ୍ତୁ। ବର୍ତ୍ତମାନ ଅମୁଲ ବଟର ପ୍ରସ୍ତୁତ।
ବଟର ସଂଗ୍ରହ କରିବା ପରେ, ଦେଖିବେ ଯେ ପାତ୍ରର ତଳ ଭାଗରେ ବଟରମିଲ୍କ ଏକାଠି ହୋଇଯାଇଛି। ଏହାକୁ ଫିଙ୍ଗନ୍ତୁ ନାହିଁ। ଏହା ଏକ ଉତ୍ତମ ପାନୀୟ, ଆପଣ ଏହାକୁ ପିଇପାରିବେ କିମ୍ବା ଯେକୌଣସି ରେସିପିରେ ବ୍ୟବହାର କରିପାରିବେ। ମସଲାଦାର ବଟରମିଲ୍କ ତିଆରି କରିବା ପାଇଁ, ଆପଣ ଏଥିରେ ଲୁଣ, ଜିରା ପାଉଡର, କଟା ଅଦା, କିଛି ପୋଦିନା ଏବଂ ଧନିଆ ପତ୍ର ମିଶାଇ ପାରିବେ।
ଅଧିକ ପଢ଼ନ୍ତୁ: Tips And Tricks: ଏଭଳି ଭୁଲ୍ ଯୋଗୁଁ ଘରେ ଲାଗିପାରେ ନିଆଁ; ଏମିତି ନିଅନ୍ତୁ ବୈଦ୍ୟୁତିକ ଉପକରଣର ଯତ୍ନ
