Tips and Tricks: କିଛି ସରଳ ଉପାୟ; ସଢିବ ନାହିଁ କଦଳୀ-ଟମାଟୋ, ଚାଉଳରେ ଲାଗିବେନି ପୋକ

ପନିପରିବା ଏବଂ ଶସ୍ୟଜାତୀୟ ଜିନିଷ ପ୍ରାୟତଃ ଗ୍ରୀଷ୍ମ ଏବଂ ବର୍ଷା ଋତୁରେ ଅଧିକ ଦିନ ରହିଲେ ନଷ୍ଟ ହେବାକୁ ଲାଗେ। ଏହି ଋତୁରେ, ପନିପରିବା ପ୍ରାୟତଃ ସଢିଯାଏ। ଚାଉଳରେ ପୋକ ଲାଗିଯାଏ। ଏନେଇ ଲୋକମାନେ ଚାଉଳ ଏବଂ ଅଟାକୁ କୀଟନାଶକରୁ ରକ୍ଷା କରିବା ପାଇଁ ମୁହଁ ବନ୍ଦ ପାତ୍ରରେ ରଖନ୍ତି। ସେହିପରି ପନିପରିବା ଆଦିକୁ ଫ୍ରିଜରେ ରଖନ୍ତି। କିନ୍ତୁ ତା’ପରେ ମଧ୍ୟ ଏସବୁ ନଷ୍ଟ ହୋଇଥାଏ।

ଏପରି ପରିସ୍ଥିତିରେ, ଆପଣ ଯଦି ଏହିସବୁ ସମସ୍ୟାକୁ ସାମ୍ନା କରୁଛନ୍ତି, ତେବେ ଆଜି ଆମେ ଆପଣଙ୍କୁ କିଛି ଟିପ୍ସ କହିବୁ ଯାହାକୁ ଅନୁସରଣ କରି ଆପଣ ପନିପରିବା କ୍ଷୟକ୍ଷତିରୁ ଏବଂ ଶସ୍ୟକୁ ପୋକମାନଙ୍କ ଦାଉରୁ ରକ୍ଷା କରିପାରିବେ। ତେବେ ଆସନ୍ତୁ ସେହି ସରଳ ଉପାୟଗୁଡିକ ଜାଣିବା।

ଅଧିକ ପଢ଼ନ୍ତୁ: Tips And Tricks: ମଶା ହଟେଇବାର ଘରୋଇ ଟିପ୍ସ; ହେବ ନାହିଁ କୌଣସି ସ୍ୱାସ୍ଥ୍ୟହାନୀ

ଚାଉଳରେ ପୋକ ଲାଗିବେ ନାହିଁ:

ଯଦି ବର୍ଷା ସମୟରେ ଚାଉଳରେ ପୋକ ଲାଗୁଛନ୍ତି, ତେବେ ସର୍ବପ୍ରଥମେ ଏହାକୁ ଏକ ଏୟାର ଟାଇଟ୍ ପାତ୍ରରେ ରଖନ୍ତୁ। ବର୍ତ୍ତମାନ ଏକ ଟିସୁରେ ଅଦା, ରସୁଣ ଏବଂ ଗୁଜୁରାତି ଭର୍ତ୍ତି କରି ଏହାକୁ ଚାଉଳ ଭିତରେ ରଖନ୍ତୁ। ଏହାଦ୍ୱାରା ପୋକ ଚାଉଳରେ ପ୍ରବେଶ କରିବେ ନାହିଁ।

ଏମିତି କଲେ ଚାଉଳରେ ପୋକ ଲାଗିବେ ନାହିଁ

କଦଳୀ ସଢିବ ନାହିଁ:

ସାଧାରଣତଃ ପାଚିଲା କଦଳୀ ଦୁଇରୁ ତିନି ଦିନ ମଧ୍ୟରେ ସଢିଯାଏ। ଏପରି ପରିସ୍ଥିତିରେ, ଆପଣ ଏହାକୁ ରକ୍ଷା କରିପାରିବେ। ଏଥିପାଇଁ ପ୍ରଥମେ କଦଳୀକୁ ପାଣିରେ ଧୋଇ ତା’ପରେ ଟିସୁ ପେପରରେ ଏହାକୁ ସଫା କରିଦିଅନ୍ତୁ। ଏହା ପରେ, ଏକ ଟିସୁ ପେପରକୁ ଓଦା କରି ଏହାର ନାସିରେ ଗୁଡ଼ାଇ ଦିଅନ୍ତୁ। ଏହା ଦ୍ୱାରା କଦଳୀ ୨ ସପ୍ତାହ ପର୍ଯ୍ୟନ୍ତ ନଷ୍ଟ ହେବ ନାହିଁ।

ଅଧିକ ପଢ଼ନ୍ତୁ: Tips And Tricks: ବର୍ଷାଦିନ ଆସିଛି, ସାପ ଭୟ ରହିଛି; ଲଗାନ୍ତୁ ଏହି ୫ ଗଛ, ଘରେ ପଶିବେନି ସାପ

ତରଭୁଜ ହେବ ନାହିଁ ନଷ୍ଟ:

ସାଧାରଣତଃ ତରଭୁଜକୁ ଥରେ କାଟିଦେଲେ ଏହାକୁ ପୁରା ଖାଇବାକୁ ପଡେ। ଯଦି ଆମେ ଏହାକୁ ଅଧା କାଟି ରଖିଦେବା ତେବେ ଏହା ଗନ୍ଧ ହେବା ଆରମ୍ଭ କରେ। ଏହି ସମସ୍ୟାକୁ ଦୂର କରିବା ପାଇଁ ଅଧା କଟା ତରଭୁଜରେ ରସୁଣ ଖୋସି ଦିଅନ୍ତୁ ରଖନ୍ତୁ ଏବଂ ଏହାକୁ ଆଲୁମିନିୟମ ଫଏଲ୍‌ରେ ଘୋଡାଇ ଦିଅନ୍ତୁ। ଏହା ତରଭୁଜକୁ ସୁରକ୍ଷିତ ରଖିବ ଏବଂ ଶୀଘ୍ର ନଷ୍ଟ ହେବାକୁ ଦେବ ନାହିଁ।

ଏମିତି କଲେ କଟା ତରଭୁଜ ହେବ ନାହିଁ ନଷ୍ଟ

ଅଧିକ ପଢ଼ନ୍ତୁ: Tips and Tricks: ପିଆଜକୁ କରନ୍ତୁ ଏମିତି ବ୍ୟବହାର, ଘରେ ପଶିବେନି ମଶା-ମାଛି

ଟମାଟୋ ସଢିବ ନାହିଁ:

ଗ୍ରୀଷ୍ମ ଏବଂ ବର୍ଷା ଋତୁରେ ଅଧିକ ଟମାଟୋ ସଢିଯାଏ। ଟମାଟୋକୁ ସଢିବାରୁ ରକ୍ଷା କରିବା ପାଇଁ, ଟମାଟୋ ଉପରେ ଟେପ୍ ଲଗାଇ ଏହାକୁ କଭର କରି ଦିଅନ୍ତୁ। ଏହା କରିବା ଦ୍ୱାରା ଟମାଟୋରେ କୌଣସି ଆର୍ଦ୍ରତା ରହିବ ନାହିଁ ଏବଂ ଏହା ଅଧିକ ଦିନ ରହିବ।