Kids Using Smart Phone: ଆପଣଙ୍କ ଛୁଆ ଅଧିକ ସ୍ମାର୍ଟଫୋନ ବ୍ୟବହାର କରୁଛି କି ? ଆପଣାନ୍ତୁ ଏହି ସବୁ ଉପାୟ

ଦୁନିଆ ଯେତିକି ଆଗକୁ ବଢୁଛ ଟେକ୍ନଲୋଜି ସେତିକି ସମସ୍ୟା ସୃଷ୍ଟି କରୁଛି। ଗୋଟିଏ ପଟେ ଟେକ୍ନୋଳୋଜି ଆମକୁ ଆଗକୁ ବଢିବାରେ ସାହଯ୍ୟ କରୁଛି। ଅନ୍ୟ ପକ୍ଷରେ ଏହା ଦୁଇ ଧାରିଆ ତୀର ଭଳି ଲାଭଠାରୁ ଅଧିକ କ୍ଷତି କରୁଛି। ପିଲାମାନଙ୍କ ଠାରୁ ସ୍ମାର୍ଟଫୋନ କିପରି ଦୂରେଇବେ ଏହାକୁ ନେଇ ଚିନ୍ତାରେ ଦୁନିଆର ସବୁ ବାପା, ମା’ । ଆଜିର ଦିନରେ ମୋବାଇଲ ନହେଲେ ପିଲା ପାଠ ପଢୁନାହାନ୍ତି। ଖାଉନାହାନ୍ତି। କିମ୍ୱା କୌଣସି ଆକ୍ଟିଭିଟି କରୁନାହାନ୍ତି।

ମୋବାଇଲ ଯେପରି ସମସ୍ତଙ୍କୁ ପଙ୍ଗୁ କରିଦେଇଛି। ତେଣୁ ସମସ୍ତଙ୍କର ଗୋଟିଏ ଟେନସନ ମୋବାଇଲ ନିଶାଠୁ ପିଲାମାନଙ୍କୁ କିପରି ଦୂରେଇ ରଖିବେ। ଆପଣାନ୍ତୁ ଏହି ଟ୍ରିକ୍ସ। ତୁରନ୍ତ ପିଲାମାନେ ଛାଡିଦେବେ ମୋବାଇଲ ନିଶା:

ମୋବାଇଲ୍ ନିଶା: ବର୍ତ୍ତମାନ ଯୁଗରେ ସବୁଠୁ ଆଗରେ AI ଟେକ୍ନୋଲୋଜି। ଆଉ ସୋସିଆଲ ମିଡିଆ ମାଧ୍ୟମରେ ସବୁ କାର୍ଯ୍ୟ ସହଜରେ କରିହେଉଛି। ଘରୁ ବାହାରିବାକୁ ପଡୁନି। ମୋବାଇଲ ମାଧ୍ୟମରେ ଅର୍ଡର କଲେ ଘରେ ଆସି ରାସନ ସହ ଖାଇବା ମଧ୍ୟ ପହଞ୍ଚି ଯାଉଛି।

ହେଲେ ଅନ୍ୟପଟେ ଏହି ଫୋନ ଯେତିକି ସୁବିଧା ଦେଉଛି ସେତିକି କ୍ଷତି ମଧ୍ୟ କରୁଛି। କାରଣ ଏହି ମୋବାଇଲ୍ ନିଶା ଛୋଟ ଛୋଟ ପିଲାମାନଙ୍କୁ ଏମିତି ଘାରିଛି ଯେ ପିଲାମାନଙ୍କ ଶାରୀରିକ ସ୍ୱାସ୍ଥ୍ୟ ତଥା ମାନସିକ ସ୍ୱାସ୍ଥ୍ୟ ଉପରେ ପ୍ରଭାବ ପକାଉଛି।

ଅଧିକ ପଢ଼ନ୍ତୁ: ଆପଣଙ୍କ Gmail ଷ୍ଟୋରେଜ୍ ଫୁଲ୍ ହୋଇଗଲାଣି କି… ଗୋଟିଏ ମିନିଟ୍‌ରେ କରନ୍ତୁ ଖାଲି

ଫୋନ୍ ଦୂରେଇବାର ଟିପ୍ସ: ବିଶେଷଜ୍ଞଙ୍କ ଅନୁଯାୟୀ ମୋବାଇଲ ଫୋନ ନିଶା ପିଲାମାନଙ୍କର ମାନସିକ ବିକାଶକୁ ଗୁରୁତର ଭାବରେ କ୍ଷତି ପହଞ୍ଚାଉଛି। ତେଣୁ ପିଲାମାନଙ୍କୁ ଏହି ମୋବାଇଲଠୁ ଦୁରେଇ ରଖିବା ପାଇଁ  କିଛି ଟିପ୍ସ।

୧.ପିଲାମାନଙ୍କ ପାଇଁ ଏକ ନିର୍ଦ୍ଦିଷ୍ଟ ରୁଟିନ୍ ସେଟ୍ କରିବା ଗୁରୁତ୍ୱପୂର୍ଣ୍ଣ । ସେମାନଙ୍କୁ ସ୍ପଷ୍ଟ ଭାବରେ କୁହନ୍ତୁ ଯେ ଟିଭି, ଫୋନ୍ କିମ୍ବା ଟ୍ୟାବରେ ଦେଖିବା ପାଇଁ କେବଳ ୧ ଘଣ୍ଟା ସମୟ ମିଳିବ। ପିତାମାତାଙ୍କୁ ଏହି କ୍ଷେତ୍ରରେ ଟିକେ କଠୋର ହେବାକୁ ପଡିବ।

୨.ପିଲାମାନଙ୍କୁ ମୋବାଇଲ ଫୋନଠାରୁ ଦୂରରେ ରଖିବାର ସର୍ବୋତ୍ତମ ଉପାୟ ହେଉଛି ସେମାନଙ୍କୁ କ୍ରୀଡା, ପଢିବା କିମ୍ବା ସୃଜନଶୀଳ କାର୍ଯ୍ୟକଳାପରେ ନିୟୋଜିତ କରିବା। ପିଲାକୁ ପାର୍କରେ ଖେଳିବାକୁ ନିଅନ୍ତୁ। ସାଇକେଲ ଚଲାଇବା ମଧ୍ୟ ଶିଖାନ୍ତୁ। ନୃତ୍ୟ, ସନ୍ତରଣ, ବାହ୍ୟ ଖେଳ କିମ୍ବା ଅନ୍ୟାନ୍ୟ କାର୍ଯ୍ୟକଳାପ ପାଇଁ ଅନ୍ୟାନ୍ୟ କ୍ଲାସରେ ନାମ ଲେଖାନ୍ତୁ।

୩.ଯେତେବେଳେ ପିତାମାତା ପିଲାମାନଙ୍କ ସହିତ ଅଛନ୍ତି ଫୋନ୍ ସେମାନଙ୍କଠାରୁ ଦୂରରେ ରଖନ୍ତୁ। ପିଲା ସହିତ କଥା ହୁଅନ୍ତୁ, ଖେଳନ୍ତୁ, କାହାଣୀ କୁହନ୍ତୁ। ଏହା କରିବା ଦ୍ୱାରା ପିଲାମାନେ ନିଜେ ଫୋନଠାରୁ ଦୂରରେ ରହିବେ। ପିଲାମାନଙ୍କୁ ସାଙ୍ଗମାନଙ୍କ ସହିତ ଖେଳିବାକୁ ଦିଅନ୍ତୁ।

୪. ପିଲାମାନଙ୍କୁ ଛୋଟ କାମ ଦିଅନ୍ତୁ। ଘରୋଇ କାର୍ଯ୍ୟରେ ସେମାନଙ୍କୁ ତୁମର ସାଥୀ କରନ୍ତୁ।  ବିଭିନ୍ନ ଉତ୍ସବରେ ଛୋଟ ଛୋଟ ଦାୟିତ୍ୱ ଦିଅନ୍ତୁ। ଗଛଗୁଡିକୁ ପାଣି ଦେବାକୁ କୁହନ୍ତୁ, ଆଲମାରୀ ସଫା କରିବାରେ ସାହାଯ୍ୟ କରିବାକୁ କୁହନ୍ତୁ, ଘରକୁ ସଫା କରନ୍ତୁ। ଏହାଦ୍ୱାରା ଆପଣଙ୍କ ପିଲା ମୋବାଇଲ୍ ଧରିବାକୁ ସମୟ ପାଇବେନି।

ଅଧିକ ପଢ଼ନ୍ତୁ: ସ୍ମାର୍ଟଫୋନ୍ ହେଉଛି ବ୍ୟାକ୍ଟେରିଆର ବଡ଼ ଘର; ଜାଣନ୍ତୁ କିପରି ଏହାକୁ ସଫା କରିବେ?