LIVE TV
ବୟସ ବଢିବା ସହିତ ଜୀବନରେ ଦାୟିତ୍ୱ ଏବଂ ପ୍ରତିବଦ୍ଧତା ମଧ୍ୟ ବଢିଥାଏ। ଘର-ପରିବାର, କାମ ଏବଂ ଅନ୍ୟାନ୍ୟ ଦାୟିତ୍ୱ ହେତୁ, ଆମେ ପ୍ରାୟତଃ ଆମର ସାଙ୍ଗମାନଙ୍କ ସହିତ ସମୟ ବିତାଇ ପାରୁନା। ଯେହେତୁ ସାମାଜିକ, ଭାବନାତ୍ମକ ଏବଂ ମାନସିକ ସ୍ୱାସ୍ଥ୍ୟ ପାଇଁ ଏହା ଜରୁରୀ, ତେଣୁ ସାଙ୍ଗମାନଙ୍କ ପାଇଁ ସମୟ ବିତାଇବା ଉଚିତ ଏବଂ ଜୀବନସାରା ପରସ୍ପର ସହିତ ଜଡିତ ହେବା ଦରକାର।
ତେବେ ଏମିତି କିଛି ଟିପ୍ସ ଅଛି ଯାହା ସାହାଯ୍ୟରେ ଜଣେ ଜୀବନସାରା ପାଇଁ ନିଜ ସାଙ୍ଗମାନଙ୍କ ସହିତ ଏକ ଦୃଢ ସଂପର୍କ ବଜାୟ ରଖିପାରିବେ। ଏହି ପଦ୍ଧତିଗୁଡ଼ିକ ସହଜ ଏବଂ ସମ୍ପର୍କ ବଜାୟ ରଖିବାରେ ମଧ୍ୟ ବହୁତ ସାହାଯ୍ୟ କରେ। ତେବେ ଆସନ୍ତୁ ଏମିତି ୫ଟି ଉପାୟ ବିଷୟରେ ଜାଣିବା।
Also Read
ସମ୍ପର୍କ ରଖିବା:
ସର୍ବଦା ଆପଣଙ୍କର ସାଙ୍ଗମାନଙ୍କ ସହିତ ସମ୍ପର୍କରେ ରୁହନ୍ତୁ। ଏହା ଏକ ଛୋଟ ଟେକ୍ସଟ୍ ହେଉ କି ଫୋନ୍ କଲ୍ କିମ୍ବା ଭିଡିଓ କଲ୍ ହେଉ। ନିୟମିତ ଯୋଗାଯୋଗ ଆପଣଙ୍କ ସମ୍ପର୍କକୁ ମଜବୁତ ରଖିବ। ଏହା କେବଳ ଆପଣଙ୍କ ସମ୍ପର୍କକୁ ସତେଜ ରଖିବ ନାହିଁ, ବରଂ ଆପଣଙ୍କୁ ସେମାନଙ୍କ ଜୀବନ ବିଷୟରେ ଅପଡେଟ୍ ମଧ୍ୟ ରଖିବ।
ସାଙ୍ଗମାନଙ୍କ ଆଗ୍ରହ ଖୋଜିବା:
ଆପଣଙ୍କର ସମସ୍ତ ସାଙ୍ଗମାନଙ୍କ ଆଗ୍ରହ ଏବଂ ହବୀ ଉପରେ ନଜର ରଖନ୍ତୁ। ଏହି ଉପାୟରେ ଆପଣ ପରସ୍ପରଙ୍କ ହବୀ ଭଳି କାର୍ଯ୍ୟକଳାପରେ ଆଗ୍ରହ ପ୍ରକାଶ କରନ୍ତୁ। ଏକ ଛୋଟ ଆଗ୍ରହ ମଧ୍ନ୍ୟ ଆପଣଙ୍କ ସମ୍ପର୍କକୁ ଗଭୀର କରିପାରେ।
ଏକାଠି ସମୟ ବିତାଇବା:
ଆପଣଙ୍କର ବ୍ୟସ୍ତବହୁଳ କାର୍ଯ୍ୟସୂଚୀ ସତ୍ତ୍ୱେ, ଆପଣ ଆପଣଙ୍କର ସାଙ୍ଗମାନଙ୍କୁ ଭେଟିବା ପାଇଁ ସମୟ ବାହାର କରନ୍ତୁ। ତାହା କଫି ପାଇଁ ହେଉ କି ଫିଲ୍ମ ଯିବା ବା ଏକ ଛୋଟ ଯାତ୍ରା। ପ୍ରତି ୩ ରୁ ୬ ମାସରେ ବିତାଇଥିବା ଏହି ସମୟ ପାରସ୍ପରିକ ସମ୍ପର୍କକୁ ମଜବୁତ କରେ।
ସାହାଯ୍ୟ କରିବା:
କଠିନ ସମୟରେ ପରସ୍ପରଙ୍କ ସମର୍ଥନ କରିବା ଉଚିତ। ବ୍ୟକ୍ତିଗତ ସମସ୍ୟା ହେଉ କି ବୃତ୍ତିଗତ ଆହ୍ୱାନ। ଖରାପ ପରିସ୍ଥିତିରେ ମଧ୍ୟ ସାଙ୍ଗମାନଙ୍କ ପାଖରେ ଛିଡା ହୁଅନ୍ତୁ। ଏକ ଛୋଟ ବାର୍ତ୍ତା କିମ୍ବା ଫୋନ୍ କଲ୍ ଏକ ବଡ ପରିବର୍ତ୍ତନ ଆଣିପାରେ।
ପ୍ରାଥମିକତା ଦେବା:
ସାଙ୍ଗମାନଙ୍କୁ ପ୍ରାଥମିକତା ଦିଅନ୍ତୁ। ସେମାନଙ୍କୁ ଅନୁଭବ କରାନ୍ତୁ ଯେ ସେମାନେ ଆପଣଙ୍କ ପାଇଁ କେତେ ଗୁରୁତ୍ୱପୂର୍ଣ୍ଣ। ଏକ ଦୃଢ ବନ୍ଧୁତା ପାଇଁ, ପରସ୍ପର ପାଇଁ ସମୟ ଦେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
