ସମସ୍ତଙ୍କ ଜୀବନରେ କେହି ନା କେହି ଜଣେ ଭଲ ବନ୍ଧୁ ରହିବା ଉଚିତ। ଜଣେ ଭଲ ବନ୍ଧୁ ପାଇନା ଏକ ଉପହାର ପରି ହୋଇଥାଏ। କିନ୍ତୁ ଏହି ଉପହାର ପାଇବା ଆଶାରେ ଅନେକ ଥର ଲୋକମାନେ ଏପରି ଲୋକମାନଙ୍କ ସହିତ ବନ୍ଧୁ ହୁଅନ୍ତି, ଯେଉଁମାନେ କେବଳ ବନ୍ଧୁତାରୁ ନିଜର ଫାଇଦା ଉଠେଇବାକୁ ଚାହାଁନ୍ତି।
ଏପରି ସାଙ୍ଗମାନେ ବହୁ ବିପଦ ହୋଇଥାନ୍ତି। ତେଣୁ ଏମାନଙ୍କୁ ଯଥା ସମ୍ଭବ ନିଜ ଜୀବରୁ ଦୂରେଇ ଦେବା ଉଚିତ। ଯଦି ଆପଣ ପ୍ରାରମ୍ଭିକ ଦିନରେ କିଛି ଜିନିଷ ପ୍ରତି ଧ୍ୟାନ ଦିଅନ୍ତି, ତେବେ ଆପଣ ସହଜରେ ପ୍ରକୃତ ଏବଂ ନକଲି ବନ୍ଧୁମାନଙ୍କୁ ଚିହ୍ନଟ କରିପାରିବେ ଏବଂ ପ୍ରତାରଣାରୁ ରକ୍ଷା ପାଇପାରିବେ।
ତେବେ ସେହିସବୁ ଦିଗଗୁଡିକ କ’ ଣ ଆସନ୍ତୁ ଜାଣିବା।
Also Read
ଅଧିକ ପଢ଼ନ୍ତୁ: ଜୀବନକୁ ସୁସ୍ଥ ଓ ସୁଖମୟ କରିବା ପାଇଁ ‘୭ ଫ୍ରେଣ୍ଡସ୍ ଥିଓରୀ’ ସାଙ୍ଗ ରହିବା ଜରୁରୀ
ଜଜ୍ କରିବା:
ବନ୍ଧୁତାରେ, ଲୋକମାନେ ପରସ୍ପରକୁ ନେଇ ଜଜ୍ କରନ୍ତି ନାହିଁ କିନ୍ତୁ ପରିସ୍ଥିତି ଏବଂ ମନକୁ ବୁଝିବାକୁ ଚେଷ୍ଟା କରନ୍ତି ଏବଂ ବନ୍ଧୁଙ୍କ ପ୍ରତି ସହାନୁଭୂତି ଦେଖାନ୍ତି। ଯଦି ଆପଣଙ୍କର ମଧ୍ୟ ଏମିତି କିଛି ବନ୍ଧୁ ଅଛନ୍ତି ଯେଉଁମାନେ ଆପଣଙ୍କ ପ୍ରତ୍ୟେକ କଥାକୁ ନେଇ ଜଜ୍ କରୁଛନ୍ତି, ତେବେ ସେମାନେ ପ୍ରକୃତ ବନ୍ଧୁ ନୁହଁନ୍ତି।
ଥଟ୍ଟା-ମଜ୍ଜା କରିବା:
ବନ୍ଧୁତାରେ ଥଟ୍ଟା-ମଜ୍ଜା ସାଧାରଣ କଥା କିନ୍ତୁ ଯଦି ଜଣେ ଆପଣଙ୍କ ବ୍ୟକ୍ତିଗତ କଥାକୁ ନେଇ ଅନ୍ୟମାନଙ୍କ ସାମ୍ନାରେ ଆପଣଙ୍କୁ ପରିହାସ କରନ୍ତି ତେବେ ଏହା ପ୍ରକୃତ ବନ୍ଧୁତାର ପରିଚୟ ନୁହେଁ। ଏହିପରି ସାଙ୍ଗମାନଙ୍କଠାରୁ ସାବଧାନ ରୁହନ୍ତୁ।
ଖୁସିରେ ଖୁସି ନ ହେବା:
ପ୍ରକୃତ ବନ୍ଧୁମାନେ ସେମାନଙ୍କ ସାଙ୍ଗମାନଙ୍କ ସୁଖ କିମ୍ବା ସଫଳତାରେ ଖୁସି ହୁଅନ୍ତି। କିନ୍ତୁ ଯଦି ବନ୍ଧୁ ଆପଣଙ୍କ ଖୁସି ପାଇଁ ଈର୍ଷା କରନ୍ତି କିମ୍ବା ଆପଣଙ୍କଠାରୁ ଦୂରତା ଚାହାନ୍ତି, ତେବେ ଜାଣନ୍ତୁ ଯେ ସେ ଆପଣଙ୍କ ସହ ନକଲି ବନ୍ଧୁତାର କାର୍ଡ ଖେଳୁଛନ୍ତି।
ଚୁଗୁଲି କରିବା:
ବନ୍ଧୁତାରେ ବିଶ୍ୱାସ ଗୁରୁତ୍ୱପୂର୍ଣ୍ଣ। ଯଦି ଆପଣଙ୍କ କୌଣସି ବନ୍ଧୁ ଆପଣଙ୍କ ବିଷୟରେ ଚୁଗୁଲି କରୁଛନ୍ତି ଏବଂ ଯେଉଁ କଥା ଆପଣ ସେହି ବନ୍ଧୁଙ୍କୁ କହିଛନ୍ତି ସେ ଏହାକୁ ତୃତୀୟ ବ୍ୟକ୍ତିଙ୍କ ସହିତ ଅଂଶୀଦାର କରୁଛନ୍ତି ତେବେ ଏହା ମଧ୍ୟ ବନ୍ଧୁତ୍ୱର ଏକ ଲାଲ ପତାକା। ଏପରି ସାଙ୍ଗମାନଙ୍କଠାରୁ ଦୂରରେ ରୁହନ୍ତୁ।
ଅଧିକ ପଢ଼ନ୍ତୁ: Relationship Tips: ଆପଣଙ୍କ ପତ୍ନୀ ସବୁବେଳେ ଚିଡୁଛନ୍ତି କି; ଜାଣନ୍ତୁ ଏହାର କାରଣ ଆଉ ସମାଧାନ କରିବାର ଉପାୟ
ଚିନ୍ତା ନ କରିବା:
ଜଣେ ପ୍ରକୃତ ବନ୍ଧୁ ସର୍ବଦା ଆପଣ ବିଷୟରେ ଚିନ୍ତା କରନ୍ତି, ଦୂରରେ ଥିଲେ ମଧ୍ୟ। ଯଦି ଆପଣ ଏପରି ବନ୍ଧୁତ୍ୱରେ ଫସି ଯାଇଛନ୍ତି ଯିଏ ଆପଣଙ୍କୁ ନେଇ ଚିନ୍ତିତ ନୁହଁନ୍ତି, ତେବେ ଏପରି ଲୋକମାନଙ୍କଠାରୁ ନିଜକୁ ଦୂରେଇ ରଖିବା ଭଲ।
ଗୁରୁତ୍ୱପୂର୍ଣ୍ଣ ସୂଚନା ଲୁଚାଇବା:
ଅନେକ ଲୋକ ବନ୍ଧୁତା ନାମରେ ଆପଣଙ୍କ ସହିତ ଜଡିତ ହୁଅନ୍ତି ଏବଂ ଆପଣଙ୍କଠାରୁ ସମସ୍ତ ପ୍ରକାରର ସୂଚନା ନେଇଥା’ନ୍ତି, କିନ୍ତୁ ସେମାନେ ନିଯୁକ୍ତି ଭଳି କେତେକ ଗୁରୁତ୍ୱପୂର୍ଣ୍ଣ ତଥ୍ୟ ଲୁଚାଇ ରଖନ୍ତି। ଏହିପରି ଲୋକମାନେ ଆପଣଙ୍କ ପ୍ରକୃତ ବନ୍ଧୁ ନୁହଁନ୍ତି।
ବାହାନା କରିବା:
ଯିଏ ଆବଶ୍ୟକ ସମୟରେ ଛିଡା ହୁଏ ନାହିଁ ସେ ବନ୍ଧୁ ନୁହେଁ। ଯଦି ଆପଣ କୌଣସି ଅସୁବିଧାରେ ପଡିଛନ୍ତି ଏବଂ ଜଣେ ବନ୍ଧୁଙ୍କଠାରୁ ସାହାଯ୍ୟ ମାଗୁଛନ୍ତି, କିନ୍ତୁ ସେ ସାହାଯ୍ୟ କରିବାରେ ସକ୍ଷମ ନହେବା ପାଇଁ କେତେକ ବାହାନା କରୁଛନ୍ତି, ତେବେ ଆପଣ ବୁଝିଯିବା ଉଚିତ୍ ଯେ ଏହି ବନ୍ଧୁତା ମିଛ ଅଟେ।