LIVE TV
ପର୍ବ-ପର୍ବାଣୀ ସମୟ ପାଖେଇ ଆସୁଛି। ଏଭଳି ପରିସ୍ଥିତିରେ ଅଧିକାଂଶ ଓଡ଼ିଆ ଘରର ମହିଳା ଘର ସଫା କରିବାରେ ବ୍ୟସ୍ତ ଅଛନ୍ତି। ଅନେକ ଲୋକ ଦୀପାବଳି ପୂର୍ବରୁ ନିଜ ଘରକୁ ରଙ୍ଗ କରିବାକୁ ଭୁଲନ୍ତି ନାହାଁନ୍ତି। ଯଦିବି ଆପଣଙ୍କ ଘରର କାନ୍ଥ କଳା ଏବଂ ମଇଳା ହୋଇଯାଇଛି ଆଉ ଆପଣ ଏହାକୁ ରଙ୍ଗ କରିବାକୁ ସକ୍ଷମ ନୁହେଁ ତେବେ ଏମିତି କିଛି ଟିପ୍ସ ଅଛି ଯାହାକୁ ଆପଣେଇ କାନ୍ଥକୁ ମଧ୍ୟ ଚକ୍ଚକ୍ କରିହେବ।
ଏମିତିରେ ବି ଘର କାନ୍ଥକୁ ରଙ୍ଗ କରିଦେବା ଦ୍ୱାରା କାନ୍ଥରେ ଥିବା ମଇଳା ତଳେ ଲୁଚିଯାଏ। କିନ୍ତୁ ପ୍ରତିବର୍ଷ ଘରକୁ ରଙ୍ଗ କରିବା ମଧ୍ୟ ଏକ ମହଙ୍ଗା କାର୍ଯ୍ୟ। ଏପରି ପରିସ୍ଥିତିରେ, କିଛି ଘରୋଇ ଉପଚାର ମାଧ୍ୟମରେ ବି କାନ୍ଥକୁ ସଫା କରି ଜଣେ କେବଳ ଟଙ୍କା ସଞ୍ଚୟ କରିପାରିବ ନାହିଁ ବରଂ କାନ୍ଥକୁ ସମ୍ପୂର୍ଣ୍ଣ ନୂଆ ଏବଂ ଚକ୍ଚକ୍ ମଧ୍ୟ କରିହେବ।
Also Read
ଏମିତି କିଛି ସହଜ ଟିପ୍ସ ଅଛି ଯାହାକୁ ଆପଣେଇ କାନ୍ଥଗୁଡିକ କିଛି ମିନିଟ୍ ଭିତରେ ସଫା କରିବା ସହ ଚିକ୍କଣ କରିହେବ। ତେବେ ଆସନ୍ତୁ ସେମିତି କିଛି ଟିପ୍ସ ଉପରେ ନଜର ପକେଇବା।
ପାଣିରେ:
ଯଦି ଆପଣଙ୍କ ଘରର କାନ୍ଥ ଧୋଇହେବା ଯୋଗ୍ୟ ତେବେ ସେଗୁଡ଼ିକୁ ସହଜରେ ସଫା କରିହେବ। ଏପରି ପରିସ୍ଥିତିରେ, ଆପଣ ସ୍କ୍ରବ୍ରେ ସାବୁନ ଲଗାଇ କାନ୍ଥରେ ଲାଗିଥିବା ଚିହ୍ନକୁ ଘଷି ଛଡାଇ ପାରିବେ। ଯଦି ଆପଣ ଚାହାଁନ୍ତି, ଆପଣ ବଜାରରୁ ୱାଲ୍ କ୍ଲିନର୍ ମଧ୍ୟ କିଣିପାରିବେ। ଏହା ବ୍ୟତୀତ, ଘରର କାନ୍ଥକୁ ଅଧିକ ପରିଷ୍କାର କରିବା ପାଇଁ, ଆପଣ ଗରମ ପାଣିରେ ଡିଟର୍ଜେଣ୍ଟ ଏବଂ ଲେମ୍ବୁ ରସ ମିଶାଇ ସ୍ପ୍ରେ କରିପାରିବେ। ଏହା ଦ୍ୱାରା କାନ୍ଥରେ ଥିବା ଦାଗ ତୁରନ୍ତ ଛାଡିଯାଏ।
ବେକିଂ ସୋଡାରେ:
କାନ୍ଥରୁ କଳା ଏବଂ ଦାଗ ହଟାଇବା ପାଇଁ ଆପଣ ବେକିଂ ସୋଡା ମଧ୍ୟ ବ୍ୟବହାର କରିପାରିବେ। ଏଥିପାଇଁ ବେକିଂ ସୋଡାକୁ ପାଣିରେ ମିଶାଇ ଏକ ସଲ୍ୟୁସନ ପ୍ରସ୍ତୁତ କରନ୍ତୁ। ଏବେ ଏହାକୁ କାନ୍ଥରେ ଲଗାନ୍ତୁ ଏବଂ ଏକ କପଡ଼ାରେ ଘଷନ୍ତୁ। ଏହା ଦ୍ୱାରା କାନ୍ଥରେ ଥିବା ଚିହ୍ନଗୁଡିକ ସହଜରେ ସଫା ହୋଇଯିବ ଏବଂ ଆପଣଙ୍କର କାନ୍ଥଗୁଡ଼ିକ ଦାଗହୀନ ଦେଖାଯିବ।
ଟୁଥ୍ପେଷ୍ଟ୍ରେ:
ଟୁଥ୍ପେଷ୍ଟ୍ ଜେଲ୍ ବ୍ୟବହାର କରି ଆପଣ କାନ୍ଥକୁ ସଫା କରିପାରିବେ। ଏହାକୁ କରିବାକୁ ହେଲେ ପ୍ରଥମେ କାନ୍ଥରେ ଜେଲ୍ ବାଲା ଟୁଥ୍ପେଷ୍ଟ୍ ଲଗାନ୍ତୁ ଏବଂ କିଛି ସମୟ ଘଷିବା ପରେ କାନ୍ଥକୁ ଏକ ସଫା କପଡ଼ାରେ ପୋଛି ଦିଅନ୍ତୁ। ଏହାଦ୍ୱାରା ଘରର କାନ୍ଥଗୁଡ଼ିକ ତୁରନ୍ତ ଚମକିବ।
ଭିନେଗାର ସ୍ପ୍ରେ:
କାନ୍ଥଗୁଡିକ ସଫା କରିବାକୁ, ଆପଣ ଧଳା ଭିନେଗାର ସ୍ପ୍ରେ କରିପାରିବେ। ଏଥିପାଇଁ ସମାନ ପରିମାଣର ଧଳା ଭିନେଗାର ଏବଂ ପାଣି ନିଅନ୍ତୁ। ତା’ପରେ ଏହାକୁ ଏକ ସ୍ପ୍ରେ ବୋତଲରେ ଭର୍ତ୍ତି କରି କାନ୍ଥକୁ ସ୍ପ୍ରେ କରନ୍ତୁ ଏବଂ ଶେଷରେ କାନ୍ଥକୁ ଏକ ସଫା କପଡ଼ାରେ ପୋଛି ଦିଅନ୍ତୁ। କିଛି ମିନିଟ୍ ମଧ୍ୟରେ କାନ୍ଥରେ ଥିବା ମଇଳା ଦୂର ହୋଇଯିବ।
ବାସନମଜା ସାବୁନ୍ ସାହାଯ୍ୟରେ:
ଘରର କାନ୍ଥକୁ ଚିକ୍କଣ କରିବା ପାଇଁ, ଆପଣ ବାସନମଜା ସାବୁନର ମଧ୍ୟ ସାହାଯ୍ୟ ନେଇପାରିବେ। ଏଥିପାଇଁ ୧ ଚାମଚ ବାସନମଜା ସାବୁନ୍ ଏବଂ ୧ ଚାମଚ ଭିନେଗାରକୁ ଗୋଟିଏ କପ୍ ପାଣିରେ ମିଶାନ୍ତୁ। ବର୍ତ୍ତମାନ ଏହି ମିଶ୍ରଣକୁ କାନ୍ଥରେ ସ୍ପ୍ରେ କରନ୍ତୁ ଏବଂ ତା’ପରେ ଏହାକୁ ଏକ କପଡ଼ାରେ ଘଷି ଘଷି ସଫା କରନ୍ତୁ। ଏହା କାନ୍ଥକୁ ସମ୍ପୂର୍ଣ୍ଣ ପରିଷ୍କାର କରିଦେବ।
